Их Британид хийсэн судалгаагаар татсан тамхи бүр дундаж наслалтыг 20 минутаар богиносгодог болохыг тогтоожээ.

Лондоны Их Сургуулийн коллежийн эрдэмтдийн хийсэн судалгаагаар татсан тамхи тутамд дундаж наслалтын алдагдал эрэгтэйчүүдэд 17 минут, эмэгтэйчүүдэд 22 минут байна гэж тооцоолжээ. Энэ нь татсан нэг хайрцаг тамхи тутамд дунджаар амьдралын долоон цаг алдагдсан гэсэн үг. Судалгаагаар бүх насаараа тамхи татсан хүмүүс хэзээ ч тамхи татдаггүй хүмүүстэй харьцуулахад дунджаар 10 жил алдсан байна. Тэр байтугай хүн тамхи татахаа хэдий чинээ эрт зогсоох тусам алдсан насаа буцаах магадлал өндөр байдаг нь тогтоогджээ. Их Британийн статистикаар, тус улсад тамхины уршгаар жил бүр 80,000 хүн нас барж, Англид хорт хавдартай 4 хүн бүрийн нэг нь нас бардаг, удаан тамхи татсан хүний гуравны хоёр нь нас бардаг ажээ. Ямар түгшүүртэй мэдээ вэ. Тэнгэрлэг билгүүн ухаанаар өөрсдийн эрүүл мэнд, сайн сайхны төлөө тамхи татахыг дэлхий даяар хориглох болтугай.