Дэлгэрэнгүй
Татаж авах Docx
Дэлгэрэнгүй уншаарай
Одоо Ау Лак буюу Вьетнамаас Түк Күэнээс ирүүлсэн сэтгэлийн үгийг хүргэж байна:Эрхэм Нигүүлсэнгүй Их Багш минь, 2007 онд Тайвань (Формоса)-ийн Шихүд хийсэн тав хоногийн дияан бясалгалын үеэр одоо ч гэсэн надад маш тод хэвээр үлдсэн ахуй ойлголтууд үзсэн билээ. Тэр өдөр би самадид байхдаа астрал биеэ агуйд орж байхыг харсан. Миний мэдэрсэн зүйл бол маш хөнгөн бөгөөд цэвэр энергийн орчин байв. Эргэн тойрноо харвал хэн ч байсангүй тул үүргэвчнээсээ бясалгалын олбог, Арьяабалын нөмрөг гаргаж ирээд бясалгал хийхээр суулаа.Гэнэт, “Би Их Багш Чин Хайгаас бясалгал суралцахын тулд хүүхэд тань болж болох уу?” гэсэн гүн, цуурайтсан, дулаахан, хүч чадал дүүрэн эрэгтэйн хоолой сонсогдов. Би телепати ашиглан “Чи хэн бэ?” гэж асуув. Нөгөө л дуу хоолой хариуд нь “Бид лам нар. Энд бидний үүрэг бол дэлхийг адисалж, Дэлхийн тэнцвэрийг хадгалах явдал юм. Маш олон их багш ирж мөн явсныг бид харсан. Харин Их Багш Чин Хай бол Жинхэнэ (Дээд түвшний) Их Багш юм. Бид Түүнээс суралцаж, өөрсдийгөө дэвшүүлж, Түүнтэй хамт гэртээ харихыг хүсэж байна. Хэрэв та надад энэ боломжийг өгвөл би танд алдар нэрийг авчрах болно.” гэв. Би хурдхан татгалзаж “Үгүй ээ, үгүй би хэдийн долоон настай хүүтэй. Та манай авшигтан ах эгч нар дээр очиж болно; Тэд Таныг угтан авахдаа маш их баярлах болно.” гэлээ.Ярьж дуусмагцаа би агуйнаас хамаг хурдаараа гарлаа. Гэнэт би агуй дотор байсан Арьяабалын нөмрөг сэлтээ санасан тул авахын тулд буцаж явахаас өөр аргагүй боллоо. Харин буцаж ирэхэд агуй зүгээр л овоолсон балгас болсон байхыг хараад их гайхсан. Ойролцоогоор 10 гаруй хүний бүрэлдэхүүнтэй, ёслол төгөлдөр хувцасласан, гараа нугалан, зөрүүлсэн хүмүүс агуй руу харан уйтгар гунигтай царайлан байж байв. Би дөхөж очоод асууж сураад Гималайн ариун дагшин газар гэдгийг нь мэдсэн. Тэр агуй дотор олон-жилийн жинхэнэ сүнслэг бясалгагчид байсан бөгөөд эдгээр хүмүүс Тэднээс адисал авахаар энд байнга ирдэг байв. Яг тэр үед би магадгүй Тэд цагаа олж бясалгахаар манай Арьяабалын бясалгалын ах, эгч нарыг хайж олохоор явчихсан байх гэж бодсон юм.Энэхүү дотоод ахуй ойлголтоор би Таны шавь болсондоо үнэхээр азтай гэдгээ мэдэрч байв. Олон жинхэнэ бясалгагч Танаас суралцахын тулд дахин төрөхийг хүсэн хүлээсээр байна. Бид эргэн тойрныхоо хүмүүст Үнэн Номыг түгээн, тусалж явахаа тангараглаж байна. Их Багшдаа Оройн Дээд Бурханы ивээл дор үүрдийн эрүүл энх, аюулгүй байхыг хүсэн ерөөе! Ау Лак (Вьетнам)-аас шавь Түк КүэнУхаарсан Түк Күэн, Хуваалцсанд баярлалаа. Дотоод ахуй ойлголт тань амьд ахуйдаа амьд Их Багшийг олж, Арьяабалын бясалгалаар бясалгах үнэт боломжийг бусад хүмүүс олж харахад нь туслах болтугай.Их Багш танд хариу илгээж байна. “Мэдрэмжтэй Түк Күэн, сэтгэлийн үгээ илгээсэнд баярлалаа. Таныг Арьяабалын бясалгалдаа чин зүтгэлтэй байгаад бахархаж байна. Бүх зүйл нь аль хэдийн төгс төгөлдөр, аз жаргалтай Диваажинд байхаас хавьгүй хурднаар сүнслэг түвшнээ дээшлүүлэхийн тулд, зөвхөн Арьяабалын бясалгал хийх гэж энэ Дэлхий дээр дахин төрөхийг үнэн сэтгэлээсээ хүсэн эрмэлздэг олон төрөлтөн тэнд байдгийг мэдрэхэд надад гунигтай санагддаг. Бид энэ Бэлгийг хүртсэндээ маш их азтай. Бүхэл бүтэн Орчлон ертөнцөд үүнээс илүү үнэ цэнтэй зүйл байхгүй. Та болон энх тайвныг эрэлхийлэгч Аулак (Вьетнам)-ийн ард түмэн үргэлж Тэнгэрлэг Адисын халамжид алхах болтугай. Танд Өөрийнхөө Хайр болон том тэврэлтийг илгээе.”
