Энэ нь үнэн, учир нь бид энэ биет ертөнцийн хуурмаг байдлыг ойлговол, амархан уучилж, хүлээснээсээ салж, аз жаргалтай байж чадна.

АНУ-аас Кевиний ирүүлсэн сэтгэлийн үгийг одоо хүргэе:

Эрхэм Их Багш аа, Би сүнслэг өсөлтөө үнэхээр мэдэрч эхэлж байна. Урьд нь өчүүхэн таагүй байдал ч намайг стресст оруулж, түгшээдэг байлаа. Өмнө нь намайг сэтгэлээр унагадаг байсан зүйлс бараг нөлөөлөхөө больсон. Жишээлбэл, би хөрөнгө оруулалтаас саяхан 60,000 ам.доллар алдсан. Тэгээд нэг удаа хар салхинаас болж, гэрт маань их хэмжээний үер буусны улмаас бүх зүйл сүйдсэн, гал тогооны хэрэгсэл, тавилга, бүр ханыг хүртэл буулгаж авах шаардлагатай болсон. Энэ бол асар их ажил байв. Гэсэн хэдий ч би тайван байлаа.

Энэ нь би учиргүй их хөрөнгөтэй байгаадаа биш, харин Бурханы төлөвлөгөөнд итгэдэгтээ л юм. Магадгүй тэр мөнгө надад зориулагдаагүй байх, эсвэл Бурхан Бурхан өөр ямар нэгэн зүйл бэлдсэн ч юм билүү. Мэдээж хэрэг, надад хааяа түр зуурын стресстэй үе байдаг, гэвч 99.9% -д нь би амар амгаланг мэдэрдэг. Өчүүхэн зүйлээс болж би уурлан, ойр орчмынхондоо уураа гаргадаг байсан өмнөх үеийнхтэй харьцуулахад энэ бол эрс өөрчлөлт юм. Одоо би бага мөнгөтэй ч гэсэн дотооддоо илүү амгалан байна. Надад өөрийн төлөвлөгөөнүүд байсан ч, үүний оронд Бурханы төлөвлөгөөтэй өөрийгөө нийцүүлж сурч байна.

Сонирхолтой нь, хар салхи цохих үед би Иовын Номыг уншиж байсан. Тэр цаг хугацаа намайг тайван байхад тусалсан. Сүүлд, засварын ажилдаа завгүй байхдаа би Библи уншихаа больж, 1-р сард дахин эхлүүлэхээр шийдсэн. Нэгдүгээр сарын 1-нд өөр нэг хөрөнгө оруулалт болон манай гэрт нөлөөлсөн шинэ засгийн газрын бодлогын улмаас дахин санхүүгийн алдагдал гарсан. Дахин давтан, би Иовын номыг дахин уншиж эхэлсэн. Энэ удаад би үүнийг илүү анхааралтай, төвлөрсөн байдлаар уншиж, намайг тогтвортой байлгаж байсан шинэ ойлголтуудыг олж авлаа. Хүүхдийнхээ бүтэн авшиг хүртэх бэлтгэлээр дамжуулан бид мөн “Бурхан бүх зүйлд анхаарал тавьдаг.” номыг уншиж байна. Хамгийн агуу баялаг бол материаллаг зүйл биш харин сүнслэг гэгээрэл гэдгийг энэ ном сануулсан юм.

Би шилдэг шавь биш гэдгээ мэднэ. Миний ахиц дэвшил удаан байсан, мөн би олон удаа эргэлзэж байв. Гэсэн ч миний дутагдалтай талуудыг үл харгалзан, хэцүү цаг үед тайван байх чадварын өөрчлөлтөөр би дотооддоо адислагдсан мэт мэдэрч байна. Өмнө гамшиг мэт санагдаж байсан зүйлс одоо өчүүхэн мэт санагдаж байна. Эцсийн эцэст, бид энэ амьдралаар зүгээр л дамжин өнгөрч байна. Би удаан өсөж байгаадаа, мөн энэ сургаалуудыг зохих ёсоор төлөөлж чадаагүйдээ уучлалт хүсэж байна. Гэхдээ би Таны тэсвэр, тэвчээрт гүнээ талархаж байна. Баярлалаа Танд. Америкийн Нэгдсэн Улсаас Кевин

Тэвчээртэй Кевин, Сэтгэлээ илэрхийлсэнд баярлалаа.

Их Багш эелдэг хариугаа зөвхөн танд зориулж байна: “Тайван Кевин, таны ахиц дэвшлийн талаар, мөн та хэрхэн тууштай Гэртээ буцах Аяллаа үргэлжлүүлж, Арьяабалын бясалгалын Замд түшиглэн явж байгааг сонсоход таатай байна! Амьдралын шуургыг даван туулж, заримдаа эргэлзэлгүйгээр тайван байж чадна гэдэг жижигхэн зүйл биш. Та сүнслэг зам мөрдөө нэлээд урагш ахисан байна. Таны зөв, бид энэ ертөнцөөр зүгээр л дамжин өнгөрч байгаа юм. Будда “Бүх сайн чанар ямар нэг зүйлд сэтгэл үл татагдах байдлаас шалтгаална.” гэж хэлсэн. Энэ нь үнэн, учир нь бид энэ биет ертөнцийн хуурмаг байдлыг ойлговол, амархан уучилж, хүлээснээсээ салж, аз жаргалтай байж чадна. Харин бид энэ ертөнцийг бодит гэж үзэн, үүнээс өөр юм байхгүй гэж бодвол, бид бүх зүйлийг эзэмшихийг эрмэлзэн цухалдуу, ууртай, айдастай, өөртөө итгэлгүй гэх мэт болдог. Энэ бол Их Эзэн Есүсийн үгэндээ хэлсэн санаа юм: “Хэн өөрийн амьдралаа аврахыг хүсвэл түүнийг алдана, харин Намайг дагаж амьдралаа алдах хүн түүнийг олно.” Та жинхэнэ амьдралын утга учрын зарим хэсгийг нээж илрүүлсэн нь сайн хэрэг. Бурханд улам ойртохын тулд бясалгалаа улам сайн хийгээрэй. Та болон АНУ-ын эрч хүчтэй ард түмэн өдөр тутмын амьдралдаа ухаан үл хүрэх амар амгалангаа олох болтугай. Танд үүрд хайртай!”