Залуус хайр энэрэл дүүрэн, хайрлагдан хүндлэгддэг орчинд өсөж торних үед тэдний сүнслэг мөн чанар амархан сэрж нээгддэг.

Канадаас Уайаттын ирүүлсэн сэтгэлийн үгийг одоо хүргэе:

Эрхэм хүндэт Их Багш аа, Та “Орь дуу хадаана” хэмээх гайхалтай шүлгийнхээ талаар ярихыг би саяхан үзлээ. Үүнийг сонсож, үгийг нь уншихдаа би хүүхдүүдийн тухай бодсон. Энэ шүлэг нь дэлхий даяарх залуу сурагчдад зориулсан боловсролын байгууллагын уриа, удирдамж байх ёстой. Үүнийг аливаа бүх соёлд зориулсан хүүхдийн ном болгох хэрэгтэй гэж би бодож байна. Нулимс энд тасралтгүй урсаж байна; Таны шүлэг үнэхээр сэтгэлийг уярааж, хүүхэд бүрийн зүрх сэтгэлд шууд хүрдэг. Хэрвээ бүх сурган хүмүүжүүлэгч энэ шүлгийг мэддэг байсан бол, ихэнх эсвэл бүх хүүхдийн сэтгэл, оюунд оршдог гэж би итгэдэг энэ үнэт чанарыг яаж хадгалж хамгаалахаа тэд ойлгож мэдэх байсан. Танд би маш их хайртай, Их Багш минь. Энэ дэлхий дээр байгаа бүх хүн Таны Ариун Зүрхийг харж, Таны Сургаалыг дагаж, энэ Дэлхий дээр жинхэнэ бөгөөд мөнхийн Амар амгаланг авчрахыг хүсэн ерөөе. Хайртай шүү, Тандаа хайртай. Таныгаа маш их санаж байна. Канадаас Уайатт

Цэвэр-сэтгэлт Уайатт, сэтгэлийн үгэнд тань баярлалаа. Их Багш танд хайраар хариулж байна:

“Итгэлтэй Уайатт, сэтгэл тань үнэхээр зөөлөн юм. Таны үгс сэтгэл хөдөлгөж байна. Хайрлахын тулд бид хүмүүсийн юу мэдэрч байгааг ойлгох ёстой. Хүүхдүүдтэй мэдрэмжийг нь үл тоомсорлож, хамгаалалгүй орхих байдлаар байнга харьцдаг бөгөөд үүнээс болж бидний ихэнх нь өсөж том болохдоо өөрийн жинхэнэ мөн чанартайгаа холбогдоход саад болдог олон шарх сэтгэлдээ тээн үлддэг. Энэ дэлхий удахгүй залуус дарлал, айдсаас ангид амьдрах газар болно гэж би найдаж байна. Залуус хайр энэрэл дүүрэн, хайрлагдан хүндлэгддэг орчинд өсөж торних үед тэдний сүнслэг мөн чанар амархан сэрж нээгддэг. Бурханы хязгааргүй Хамгаалалт, Халамжинд бид бүгд нэг гэр бүл шиг хамтдаа амьдрахын тулд бүх бяцхан үрс, тэр дундаа амьтан-хүний хүүхдүүдийн хувьд тэр өдөр удахгүй ирэх болтугай. Та болон Канадын ивээлт ард түмэн Бурханлаг-урмаар амьдрахдаа баяр баясгаланг олох болтугай. Миний зүрх сэтгэл таны болон Дэлхий дээрх бүх хүүхдүүдийн төлөөх Хайраар бялхаж байна! ”

Төгс Гэгээрсэн Их Багш Чинг Хайн (веган) бичиж, туурвисан энэ болон бусад олон шүлгийг доорх хаягаас үнэ төлбөргүй татаж авах боломжтой SupremeMasterTV.com/Poems & SMCHBooks.com