Sharing the Vegan Solution at COP 30

Төгс Гэгээрсэн Их Багш Чин Хайн Олон Улсын Нийгэмлэгийн мэдээнд Бразилаас...

2025 оны 11-р сарын 10-наас 21-ний хооронд манай Нийгэмлэгийн янз бүрийн орны гишүүд Бразилийн Белем хотод болсон НҮБ-ын Уур амьсгалын өөрчлөлтийн 30 дахь удаагийн бага хурал (COP 30)-д оролцов. Үйл явдлын дараа манай Нийгэмлэгийн баг (бүгд веган) веган сурталчилгаа, танилцуулгын онцлох мөчүүдийг хуваалцаж, дараах тайланг Төгс Гэгээрсэн Багш Чин Хай (веган)-д илгээлээ.

Эрхэм Хүндэт Хайрт Их Багш аа, 2025 оны НҮБ-ын Уур амьсгалын өөрчлөлтийн бага хурлын үеэр манай Нийгэмлэгийн олон улсын багийн хийсэн веган сурталчилгаа, танилцуулгын үйл ажиллагааны хураангуйг тантай хуваалцаж байгаадаа туйлын хүндэтгэлтэй, талархлаа илэрхийлж байна.

Манай тогоочдын баг дэлхийн хүндэт зочид болон оролцогчдод зориулж шинэхэн, өвөрмөц веган хоол, зууш, амттан бэлтгэхийн тулд өдөр бүр шаргуу ажиллаж, амтлаг веган хоолоор дамжуулан Их Багшийн хайрыг хуваалцсан. Бүтээлч цэс нь веган хоолны олон талт байдлыг харуулсан веган бяслагтай бургер, веган BBQ тахианаас эхлээд веган суши, веган спринг ролл, веган спагетти болонез зэрэг олон улсын дуртай хоол хүртэл багтсан бөгөөд хоолтой хайрцаг бүрийг бэлэн болгосны дараа чихэрлэг веган кекс эсвэл веган жигнэмэг хийсэн.

Манай гудамжны баннерын баг COP 30 Цэнхэр бүсийн үүдний өмнө илт харагдаж, өдөр бүр дэлхийн нэр хүндтэй хүмүүсийг яаралтай веган мессеж бүхий том уриа лоозонгуудаар угтаж авдаг байв. Хариу нь сэтгэл дулаацуулсан. Олон хүн зураг авхуулахаар зогсоод, тэнд байгаад бидэнд талархал илэрхийлсэн. Манай баг туг дарцгаа барингаа Их Багшийн номууд, түүний дотор “Хайр цорын ганц Шийдэл нь”, “Хямралаас Энх тайванд: Органик веган зам бол хариулт нь” зэрэг ном, мөн Суприм Мастер ТВ-ийн болон Өөрөөр амьдарцгаая сурталчилгааны хуудас, цүнхнүүд тараасан. Манай самбар дээрх гол захиаст “Веган хууль бол дэлхийг аврах хамгийн үр дүнтэй арга”, “Ургамлын-гаралтай хоолны дэглэм баримтлах нь дэлхийн дулаарлын 80 хүртэл хувийг зогсоож чадна.” зэрэг багтсан.

Манай Цэнхэр бүсийн баг бага хурлын туршид идэвхтэй оролцож, дэлхийн хэмжээний хүндэт зочид төлөөлөгчдөд өдөр бүр хэдэн зуун веган хоолтой хайрцаг, жигнэмэг, маффин хүргэж, Их Багшийн ном, сурталчилгааны хуудсыг тарааж, оролцогчдыг веганизмыг уур амьсгалын шийдэл болгон ашиглах талаар утга учиртай хэлэлцүүлэгт татан оролцуулсан. Хариу нь маш эерэг байсан. Олон төлөөлөгч талархлаа илэрхийлсэн бөгөөд зарим нь COP 30 дээрх бидний хоолыг хамгийн дуртай хоолоо гэж нэрлэсэн. НҮБ-ын Цаг уурын өөрчлөлтийн Стратегийн түншлэл (UNFCCC)- ийн зохицуулагч ноён Гаурав Монга бидний ажлыг дэмжиж байгаагаа илэрхийлээд, амттай веган хоолоор дэлхийг өөрчилж байгаад нь бидэнд талархал илэрхийлсэн. Хоёр дахь 7 хоногт Нидерландын “Инклюд” байгууллага бидэнтэй лангууныхаа зайг өгөөмрөөр хуваалцаж, Суприм Мастер Телевизийг танилцуулж, веган амьдралын хэв маягийг баримтлах нь уур амьсгалын өөрчлөлтийг шийдвэрлэх гол түлхүүр болохыг танилцуулах боломж олгосон. Илтгэл оролцогчдод гүн сэтгэгдэл төрүүлж, сэтгэл хөдлөм мөчийг үлдээсэн ба тэдний дунд эх орондоо анхны Ловин Хат байгуулахад туслахыг хүссэн Фижи улсын нэгэн эрхэм байсан.

Ногоон бүсэд бид “Ловин Хат Веган Кузинь” нэртэй өөрсдийн лангууг ажиллуулж, том зурагтаар өдөрт ойролцоогоор 7-10 удаа “Уур амьсгалын өөрчлөлт ба веган шийдэл -ийг танилцуулсан. Илтгэлд амьтан-хүний махны хэрэглээ дэлхий нийтэд үзүүлэх гамшигт нөлөөллийг онцолсон бөгөөд веган амьдралын хэв маягийг баримтлах нь Эх дэлхийгээ хэрхэн аварч болохыг онцолсон. Үзүүлбэр бүрийн дараа зочид үнэгүй, амтлаг веган хоолоор дайлуулж, дээр нь Өөрөөр Амьдарцгаая сурталчилгааны мэдээлэл хэвлэсэн захиалгат “Веган болж, Энх тайвныг бүтээ.” гэсэн том цүнх хүлээн авч байсан. Өдөр бүр ойролцоогоор 450-600 хүн уг танилцуулгыг үзэж байв.

Манай лангуу байнга дүүрэн байв. Нэг илтгэл дуусахаас өмнө дараагийн илтгэлийн суудлууд аль хэдийн дүүрчихсэн байсан. Хүмүүсийн нээлттэй байдал, илүү энэрэнгүй амьдралын хэв маягийг хүлээн авахад бэлэн байгааг гэрчлэх нь үнэхээр адислал байсан. Илтгэлүүд тэдний зүрх сэтгэлийг хөндсөнд олон хүн илт сэтгэл нь хөдөлж, зарим нь бүр уйлсан. Үйлдвэрийн фермүүд дэх амьтан-хүний зовлон шаналлын талаар мэдээд тэдний царай цочирдсон байдалтай байсан бөгөөд хэд хэдэн хүн маргааш нь дахин үзэхээр буцаж ирсэн. Хүмүүс веган хоолонд эхэндээ эргэлзэж хандсан боловч анхны хазалтын дараа тэдний царайны хувирал бүрэн өөрчлөгдсөн. Олон хүн гайхширч, илүү ихийг асууж, нэмэлт мэдээлэл хүссэний дараа арга хэмжээний турш бусад хоолыг амтлахаар буцаж ирж байв. Веганизмыг ойлгосноор Төгс Хүчит Гурвалын Хайр ба Ивээлийг мэдэрч байгааг харахад баяр баясгалантай байсан бөгөөд олон хүн веган хоолны дэглэм баримтлах хүсэлтэй байгаагаа илэрхийлсэн. Тэд үгээр илэрхийлшгүй нэгэн дуудлагад сүнс нь хариу өгч буй мэт, соронзон хүчээр мэт манай лангуу руу татагдан ирж байлаа. Хоёр ширээн дээр Их Багшийн номууд болон англи, португал хэл дээрх Өөрөөр Амьдарцгаая болон Суприм Мастер ТВ Макс-ын сурталчилгааг байрлуулсан бөгөөд манай лангуунд өдрийн турш Суприм Мастер Телевизийг харуулсан том дэлгэцтэй телевизорууд, олон дэлгэцтэй Суприм Мастер ТВ Макс систем 24 цагийн турш ажиллаж байв.

Уур амьсгал Анагаагч-ийн үүсгэн байгуулагч, гүйцэтгэх захирал, Эх Дэлхийгээ хамгаалах Гэрэлт Дэлхийн шагналын Эзэн Доктор Сайлеш Рао (веган) -г тусгай хүндэт зочноор энэ жил бид угтан авсандаа баяртай байна. Тэрээр бага хурлын туршид дэлхийн хэмжээний төлөөлөгчид болон олон нийттэй өдөр бүр уулзаж, Веган Дэлхийд яаралтай шилжихийг уриалж байв. Доктор. Рао манай Ногоон бүсийн лангуунд “Б Гараг: Уур амьсгалын Шударга ёс, Веганизм ба Зоригтой өөрчлөлт” сэдэвт олон илтгэл тавьсан ба тэрээр Б Гарагийн тухай өөрийн алсын харааг илэрхийлсэн бөгөөд энэ нь дэлхийн системийг хүн төрөлхтөн Байгаль эхтэйгээ болон хамт амьдардаг бүхэнтэйгээ эв найртай амьдардаг Веган Дэлхий болгон бүрэн өөрчлөх явдал юм. Тэрээр мөн COP 30 дээр веган байгууллагуудыг оролцуулсан НҮБ-ын 30 минутын хэвлэлийн бага хурлыг зохион байгуулж, байгууллага бүрт веганизмыг уур амьсгалын шийдэл болгон ашиглах талаарх өөрсдийн захиасыг танилцуулах боломж олгосон.

Мөн бид урам зориг өгсөн бусад веган зочдыг угтан авсандаа баяртай байна. Тэдний дунд “Дэлхийн ой мод” зургаа хуваалцсан нөлөө бүхий зураач Екатерина Скай, үзэгчдэд зориулж веган сэдэвтэй хөгжим тоглосон амьтны-, хүрээлэн буй орчны-эрхийн төлөө тэмцэгч, хөгжимчин Удай Сингх нар байсан.

Цэнхэр бүс, Ногоон бүс болон гол танхимын гаднах үйл ажиллагааны хооронд бид англи, португал хэл дээрх Их Багшийн мянга мянган ном, Суприм Мастер Телевизийн болон Өөрөөр Амьдарцгаая хэдэн арван мянган сурталчилгааны хуудас, мөн “Веган бай, Энх тайвныг бүтээ.” гэсэн мянга мянган цүнх тараасан.

Бага хурлын туршид манай баг Их Британийн Парламентын гишүүн, хүндэт Алекс Собел (цагаан хоолтон) болон Бразилийн Байгаль орчин, Уур амьсгалын өөрчлөлтийн сайд, Хүндэт Марина Силва, Бразилийн Пара мужийн захирагч Хелдер Барбалхо, НҮБ-ын Их Сургуулийн Тогтвортой хөгжлийн шинжлэх ухааны мэргэжилтэн Доктор. Нидхи Нагабхатла мөн Этиоп, Сьерра-Леон, Малави улсын байгаль орчны ахлах албан тушаалтнууд зэрэг нэр хүндтэй удирдагчдад Их Багшийн ном, сурталчилгааны хуудсыг гардуулах завшаан тохиосон.

Мөн бид COP 30-д оролцсон веган байгууллагын гишүүдэд зориулж түрээсийн байшиндаа оройн зоог зохион байгуулж, хамтдаа цагийг өнгөрөөсөн. Манай гэрт олон дэлгэцтэй Суприм Мастер ТВ Maкс систем 24 цагаар тоглогдож, нарны эрчим хүчээр ажилладаг аудио тоглуулагч гадаа Өдөр тутмын Хамгийн Хүчирхэг Залбирал-ыг тоглуулж, багийн гишүүд маань MP3 тоглуулагчтай хүзүүний зүүлт зүүж, Бурханы Адислалыг хаашаа ч явсан түгээдэг байсан. Хөнгөн бөгөөд авсаархан MP3 тоглуулагчийг гар ашиглахгүйгээр хүзүүндээ оосроор нь эвтэйхэн зүүж болох бөгөөд суурилуулсан цэнэглэдэг батерей нь нэг цэнэглэлтээр олон цагийн турш тасралтгүй тоглуулах боломж олгодог.

Бидний COP 30 үйл ажиллагааг Диарио до Пара, Ард түмний үйл ажиллагааны боломж, Гаити мужийн Расин мэдээлэл болон Ум Со Планета Бразил зэрэг олон хэвлэл мэдээллийн хэрэгслээр мэдээлж байв.

Сүүлийн хоёр өдрийн хугацаанд манай Нийгэмлэгийн гишүүд ойролцоох Вараогийн уугуул иргэдийн сууринд зочилж, баяр баясгалан, талархалтайгаар бэлэг хүлээн авсан 35 гэр бүлд веган хоол, хангамж, Их Багшийн номыг хуваалцсан.

Дэлхий дээрх энэ чухал үед бидэнд Их Багшийн Адислал, Хайрыг түгээх, мөн веган шийдлийг түгээх үнэт боломж олгосонд бид бүгдээрээ, Их Багш аа, Тандаа болон Эргэн нэгдсэн Хамгаас Хүчирхэг Гуравт маш их талархаж байна. Бид өдөр бүр Таны Оршихуйг мэдэрч, Таны Хязгааргүй Хайрыг COP 30-ын бүх хүндэт зочид, оролцогчид, Бразилийн үзэсгэлэнт ард олонд түгээхэд манай багийг чиглүүлж, өргөж буйг мэдэрлээ. Чин сэтгэлийн талархал болон хайраар, COP 30-ын Ажлын баг

Их Багш багт талархлын ийм үгсээр хайр дүүрэн хариу өгөв: “Эрхэм хүндэт COP 30 -ын баг аа. Та бүхний ямар сайхан мэдээ вэ. Уншаад үнэхээр сэтгэл хөдөллөө. Сайн байна. Танай баг маш зохион байгуулалттай, хичээнгүй, даруухан, чин сэтгэлтэй, ухаалаг, үр дүнтэй байсан бололтой. Хүмүүс үүнийг анхааралтай сонсож, бүх асуудлын яаралтай байдлыг ойлгож, цагтаа дэлхийг аврахын тулд жинхэнэ баатрууд шиг үйлдэнэ гэж найдаж байна. Маш их гавьяа. Миний Хайр БУРХАНЫ ИВЭЭЛД.”