Түүнээс цацарч буй Хүч нь хүний ухаанаар бараг ойлгохын аргагүй юм.!

Тайвань буюу Формоса-гаас Мисс Мин-Чин-ийн мандарин хятад хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Их Багшдаа талархаж байна. Их Багшдаа хязгааргүй талархлаа илэрхийлье. Хамгийн Хүчирхэг Өдөр Тутмын Залбирлын Макс хувилбарыг хичээнгүйлэн тоглуулсны дараа миний Арьяабалын бясалгалын үеэрх сүнслэг ахуй ойлголт улам сайжирсан гэж би бодож байна. Би бас Их Багшийн Хүчээр дэвшсэнээ мэдэрч байна.

Би нэг зүйл хуваалцах гэсэн юм. Нэг удаа би утасныхаа дэлгэцийг бясалгал хийхэд хэтэрхий тод байх вий гэж айж байсан тул түүнийг хувцасны шүүгээнд хийгээд Хамгийн Хүчирхэг Өдөр Тутмын Залбирлын Макс хувилбарыг үргэлжлүүлэн тоглуулав. Гүн бясалгал хийж байхдаа би хувцасны шүүгээний хаалга хүчтэй доргиж эхлэхийг харсан бөгөөд хувцасны шүүгээнээс бараан энергийн хар могой шиг судлууд ар араасаа мөлхөн гарч байв. Тэгээд бараан энерги алга болсон. Энэ үнэхээр гайхалтай, үнэхээр ид шидийн байсан. Баярлалаа, Их Багш аа! Тандаа би хайртай!

Миний өнгөрсөн үеийн бардам занг уучилж, даруу байдал мөн талархал хамгийн чухал гэдгийг сурахад минь удирдана уу. Амьд гэгээрсэн Их Багшийн хамгаалалт, удирдамжийн тусламжтайгаар ганцаардмал, арчаагүй сүнс бид одоо үүрд найдах Нэгэнтэй болсон. Таныг би үргэлж хайрлах болно. Баярлалаа, Их Багш аа. Мисс Мин-Чин, Тайвань (Формоса)-гаас

Баяр хөөртэй Мисс Мин-Чин, Хамгийн Хүчирхэг Өдөр Тутмын Залбирлын Макс хувилбарын гайхалтай туршлагаа хуваалцсанд баярлалаа. Хүн бүр үүнийг амьдралаа дээшлүүлэхэд ашиглах болтугай. Их Багш танд хариу өгч байна:

“Юмсыг сайн анзаардаг Мисс Мин-Чин, таны зурвасыг уншсандаа мөн та Хамгийн Хүчирхэг Өдөр Тутмын Залбирлаар дамжуулан авах боломжтой Адислалын Хүчийг сайн ашиглаж байгааг сонсоод баяртай байна. Түүнээс цацарч буй Хүч нь хүний ухаанаар бараг ойлгохын аргагүй юм.! Бүгдээрээ таны үлгэр жишээг дагаж, энэ хэрэгслийг ашиглан дэлхийгээ хурдан дэвшүүлэх болтугай ингэснээр бид гарагаа болон зэрэгцэн амьдарч буй бүх оршин суугчдаа аварч чадна. Арьяабалын бясалгалдаа хичээнгүй байж, таньдаг бүх хүнээ Макс холбоосыг ашиглан Өдөр Тутмын Залбирлыг хамт уншихыг уриалаарай. Энэ нь тэдэнд асар их тус болно. Та болон Тайвань (Формоса)-ийн саруул ухаант ард олон Тэнгэрийн удирдамжийг дагаж, Бурханы Амар амгаланд амьдрах болтугай. Танд үүрд хайртай.”