Энэ ертөнцийн бус болзолгүй ХАЙРЫГ бид бүгдээрээ мэдэж авах болтугай.

Одоо бид Төв Европын нэгэн шавиас илгээсэн захидлыг хүргэж байна:

ЖИНХЭНЭ ХАЙР

2025 оны 7-р сарын 3-нд би Суприм Мастер ТВ-ээр Их Багшийн ЖИНХЭНЭ ХАЙР хэмээх С.М. Тэнгэрлэг үнэт эдлэлийн талаар үзсэн. ЖИНХЭНЭ ХАЙР-ын тухай бусадтай хуваалцах ёстойгоо тэр даруй ойлгосон юм. Энэ ертөнцийн урхи занга ихтэй тоглоомуудад гүн гүнзгий автсан хүмүүс өөрсдийнхөө сул дорой, гацсан, мэдэхгүй, хүлэгдсэн бодол санаа, мэдрэмж, сэтгэл хөдлөлийг өөрсдөө л хариуцах болдог... Ганцаараа ч, гэр бүл, найз нөхөд, хөршүүдээрээ хүрээлэгдсэн ч - ухаантай эсвэл тэнэг, ядуу эсвэл баян, эрүүл эсвэл өвчтэй байсан ч ялгаагүй. Би уйлсан, бас Их Багшийн бидний төлөөх уй гунигийг ойлгож байна. Энэ "ганцаардмал" хүмүүсийн төлөө маш их гуниглаж байна. Би өөрөө ч гэсэн АВШИГ хэмээх гайхамшиг тохиолдох хүртэл ийм л нөхцөл байдалд байсан.

Зөвхөн Их Багштай л бол та ганцаараа байхаа болино; Зөвхөн Бурхантай хамт байхад л орь ганцаараа байхгүй болно. Дахиж хэзээ ч ганцаардахгүй. Зөвхөн дотоодын Бурханаараа дамжуулан бусдыг болон өөрийгөө хайрлаж чадна. Энэ ертөнцийн бус болзолгүй ХАЙРЫГ бид бүгдээрээ мэдэж авах болтугай. Энэ ХАЙРЫН Хүчийг үгээр илэрхийлэхийн аргагүй. Энэ бол амар амгалан, итгэл үнэмшил, энэ бол хүч чадал, бүх зүйл! Гэхдээ бид аажмаар үүнд нийцэх боломжтой. ХАМГИЙН ХҮЧТЭЙ ӨДӨР ТУТМЫН ЗАЛБИРЛААР аяндаа тохиолддог. Чин сэтгэлийн гүнээсээ мэхийн талархал илэрхийлье, Хамгаас Хайрт, Хамгаас Эрхэм Их Багш Тандаа баярлалаа. Үүрд Тантайгаа хамт! Төв Европоос нэгэн шавь

Энэрэнгүй сэтгэлт авшигтан номын эгч ээ, сайхан захидал илгээсэнд баярлалаа. Хүмүүс заримдаа ноцтой үр дагаврыг огт мэдэлгүйгээр, заримдаа ямар сонголт хийж байгаагаа ч ойлголгүйгээр шийдвэр гаргаж, үйлдэл хийхийг харах хэцүү байдаг! Энэ дэлхий юу болох, бид хэн болох, Диваажингийн Гэртээ хэрхэн буцаж очихыг зааж өгөхийн тулд Их Багш бидэнд Үнэнийг харуулж, авшиг хайрласанд бид үгээр хэлэхийн аргагүй их адислал хүртжээ. Их Багшийн агуу хайр ба мэргэн ухаан үнэхээр хязгааргүй юм. Та болон хүчирхэг Европ Тэнгэрлэг Ертөнцүүдийн Гэрлээр ивээгдсээр байх болтугай, Суприм Мастер ТВ-ийн баг

Жич: Их Багш танд хариу илгээсэнд бид баяртай байна: “Үнэнч сэтгэлтэй Бурханы шавь минь, энэ дэлхийн хуурмаг үзэгдлүүдийг тодорхой харж, дахин хэзээ ч ганцаараа байхгүй гэдгээ мэдсэн нь Бурханы Хайрыг зүрх сэтгэлдээ хүлээн авсны шинж бөгөөд та Диваажингийн Жинхэнэ Гэртээ хүрэх замдаа явж байгаагийн шинж тэмдэг юм. Мэдлэггүй байдлаасаа болж зовж шаналж буй төрөлтнүүдийг гэх таны хайр, энэрэл нигүүлсэл нь адислал бөгөөд дэлхийн амьдралд хэзээ ч эргэж автах ёсгүйг сануулж байна. Та болон Европын сайхан сэтгэлт хүмүүс Диваажингийн Адислалын зам мөрөөр алхах ёстойг мэдэж байх болтугай. Миний Хайрыг энд болон чанагуух ертөнцөд ч мөнхөд мэдэрч байх болтугай!”