Шувуу-хүний сэтгэл хөдөлгөм дуу

МАПА-БУРХАНЫ Хайр, гайхамшигт та бүхэн минь. Өнөөдөр 7-р сарын 24-ний өдөр. Одоо нэг цаг болж байх шиг байна. Хараадахъя. Шөнийн нэг цаг өнгөрчхөж. Хэд хоногийн өмнө нэг шувуу-хүн ирж, майхны минь дэргэдэх модны мөчир дээр суусныг би сая саналаа. Бүр майхны минь яг дэргэд. Миний майхан модны үндэс буюу хамгийн доод хэсгээс хагас метр орчим зайтай байдаг. Гэхдээ энэ мод үнэхээр сүрлэг, маш том, бас асар өндөр. Мөчир нь бүдүүн, бат бөх бөгөөд майхныг минь бүхэлд нь халхалдаг. Тиймээс зундаа их сэрүүхэн. Мэдээж сэрүүхэн, гэхдээ тийм хүйтэн биш. Сүүдэртэй болохоор надад их сэрүүхэн, бас Нарны гэрэл завсраар нь тусдаг. Тиймээс майхан дотор заримдаа [Цельсийн] 34 [хэм] хүрдэг ч гадаа суухад тийм халуун биш. [Цельсийн] 30 [хэм] орчим байдаг. Ер нь модны сүүдэрт гадаа байхад надад хэзээ ч хэт халуун санагддаггүй. Мөн сэвэлзүүр салхи үнэхээр таатай.

Тэр мод өнөөх шувуу-хүнийг хүлээн авсан ч өглөө маш эрт байсан болохоор би майхандаа сууж байтал нэгэн дуу сонсогдлоо… Эм биш эр шувуу-хүн. Би тэр шувуу-хүнийг хараагүй ч өмнө нь шувуу-хүмүүс тэгж дуугарч байхыг, тийм өнгөөр дуугарахыг би сонсож байгаагүй. Мэгшин уйлж байгаа мэт сонсогдсон. Тэгээд бусад ихэнх амьтан-хүн надад хэлдэгтэй адил “Энх тайван тогтсон, бүү ай.” гэсэн. Тийм ээ. Би түүнд талархсан. Гэхдээ бясалгаж, бас өөр хуралтай байсан болохоор дараагийн төрөлдөө юуг ч сонгосон, сайнаар хувьсан дэвжихийг л түүнд ерөөсөн. Тэгээд дотоод ажлаа үргэлжлүүлэх хэрэгтэй болсон. Яагаад тэгж их сэтгэл хөдөлж, мэгшин уйлсныг нь асуугаагүй.

Бурхан минь, шувуу-хүнээс ийм сэтгэл хөдөлгөм өнгө гарахыг би урьд нь огт сонсож байгаагүй. Тиймээс өнөөдөр би түүнээс яагаад уйлсныг нь асуулаа. Харсан болохоороо гэж тэр хэлсэн… Тэр энх тайвныг мэдэрч, харж байсан учраас сэтгэл нь ихэд хөдөлж, маш их баярласан аж. “Энх тайвныг мэдэрч, энх тайвныг харсан”, мөн “энх тайвныг мэдэж байсан” гэж шувуу-хүн яг ингэж хэлсэн. Тиймээс тэр ихэд баярлаж, туйлын жаргалтай байв.

Мөн олон шувуу-хүн, хэрэм-хүн, янзага зэрэг ч мөн адил. Нохой-хүмүүс, бүр аалзнууд хүртэл надад төстэй зүйлс хэлдэг. Том аалзнууд орж ирж чаддаггүй тул жижиг аалзнууд ямар нэг аргаар майханд минь орж ирээд, надад мөн адил зүйл хэлсэн. Бурхан минь, би инээмсэглэн, “Миний майхан, эсвэл энэ хавь амьтны хүрээлэн юм уу?” гэж бодож байлаа. Өчнөөн олон төрлийн амьтан-хүн өдөр шөнөгүй ирээд, “Энх тайван тогтлоо. Энх тайван тогтлоо.” гэж хэлдэг. Тэд энх тайвныг мэдэрч байгаа учраас тэр юм. Миний БУРХАНЫ шавь гэгдэгчид, сайн хүмүүс энх тайвныг мэдэрч байгаа, буянтай хүмүүс, БУРХАНЫГ хайрладаг хүмүүс, мөн ариун, сайхан сэтгэлтэй, буянтай олон амьтан-хүн энх тайвныг мэдэрч байна.

Гэтэл энэ нь манай дэлхийд болж буй үйл явдалтай зөрчилдөх мэт. Жишээлбэл: Хэд хэдэн улс оронд, мөн Америкийн Нэгдсэн Улстай холбоотойгоор дайн өрнөж байна. Тиймээс тэд танай гэрт ирээд “Энх тайван тогтсон, бүү ай.” гэж хэллээ ч та нар… Та нар өөрсдөө энх тайвныг мэдрэхгүй бол үүнд итгэхгүй. Тэд өөр хүмүүсийн гэрт очоод ийм зүйл хэлбэл хүмүүс итгэхгүй. Тиймээс энх тайван тогтсон ч зөвхөн адислагдсан хүмүүс, адислагдсан сүнснүүд, төрөлтнүүд л үүнийг мэдрэх байх. Мэдээж шувуу-хүмүүс, хэрэм-хүмүүс, аалз, бүр гэрэлт цох, эсвэл буга-хүмүүс, янзага, мөн согоо(-хүмүүс) гэх мэт том амьтан-хүмүүс энх тайвныг мэдэрнэ. Тиймээс л тэд бараг талархлаа илэрхийлэх мэт над дээр ирж хэлдэг.

Өмнө нь би та нарт гэрэлт цохон номын эгч байгааг хэлсэн дээ. Манай бүлэг, Нийгэмлэгт та нар бие биеэ номын эгч, номын ах гэдэг учраас “номын эгч” гэсэн юм. Авшиг хүртсэн хүмүүсийг номын ах, эгч гэж дууддаг. Гэвч гэрэлт цохыг та нарын нэг номын эгч гэж хэлэхдээ би санаагаа сайн илэрхийлээгүй. Тэр бол дагагчдын нэг гэж хэлэх гэсэн юм. Мөн талархаж, баяр хүргэж, баяр хөөртэйгөөр над дээр ирж хэлсэн бүх шувуу-хүн, аалз, буга-хүн, хэрэм-хүн зэрэг нь бүгд дагагчид юм.

Тэд Суприм Мастер Телевизийн ачаар миний сургаалыг сонсож чаддаг. Дашрамд хэлэхэд, байрлаж болон алсаас ажилладаг бүх багийн гишүүд, Суприм Мастер Телевизийг оршин тогтноход хувь нэмэр оруулдаг хүн бүрд дахин дахин талархъя. Учир нь та бүхэн хүн төрөлхтнийг сэрээж, нойрмог байдлаас нь авран, БУРХАНЫ Ивээлээр дотоод, гадаад мөн чанараа танихад нь туслах үйлсэд асар их хувь нэмэр оруулдаг. Ингэснээр тамд очих хүн цөөрч, Диваажинд очих хүн олширно.

Санаа зоволтгүй, Диваажин хэзээ ч дүүрч халихгүй. Диваажинд орон зай, цаг хугацаа гэж үгүй тул ажилдаа хоцрох, Будда нартай уулзахаас хоцрох, эсвэл зай хүрэлцэхгүй байх вий гэж санаа зовохгүй. Жишээлбэл: Эрхэмсэг Дээд Будда Нүгийн Буддагийн Орон асар уудам, маш том атлаа ердөө зургаан сая гаруйхан оршин суугчтай. Тиймээс хүн бүр өөрийн гэсэн хувийн орон зай, үзэсгэлэнт орчин, талбайтай бөгөөд хэзээ ч хязгаарлагдсан, эсвэл хэт бөөгнөрсөн мэт санагддаггүй. Хүн бүр бараг хагас улс шиг газартай. Буддагийн Орны тэн хагас биш, харин та нарын мэдэх зарим улсын талтай дүйцэхүйц. Орос, Америк шиг асар уудам биш ч том, маш том. Хүн бүр Англи шиг хэмжээтэй эдлэн газар эзэмшдэг гэж хэлж болно. Гэсэн ч тэд бие биеэсээ хэт хол мэт санагддаггүй. Тийм Буддагийн Оронд орон зай гэх ойлголт үгүй. Газар нутаг нь хэчнээн том байсан ч төөрсөн мэт санагдахгүй. Хэчнээн жижиг байсан ч хязгаарлагдсан мэт санагдахгүй. Зүгээр л дэндүү үзэсгэлэнтэй. Тэндхийн үзэмж, ойлголт манай дэлхийнхээс өөр. Үүнийг тайлбарлахад хэцүү. Манай дэлхийнх шиг орон зай, цаг хугацаа тэнд үгүй.

Тэр өдөр би шувуу-хүн тэгтлээ сэтгэл хөдлөн уйлахыг анх удаа сонссон. “Бурхан минь!” Анх сонсоод би түүнийг аюулд орсон юм уу, бэртсэн юм болов уу гэж бодсон ч, үгүй байв. Би “Чи бэртсэн үү?” гэж асуусан. Тэр “Үгүй.” гэсэн. Тэгээд надад хийх өөр ажил байсан. Би цааш лавлаагүй. Харин өнөөдөр асуухад тэр “Үгүй, үгүй.” гэсэн. Тэр зүгээр л талархаж, баярласандаа уйлсан байжээ. Шувуу-хүн, эр шувуу-хүн тэгтлээ их сэтгэл хөдөлж, гүнээ мэгшин уйлж байсан гээд төсөөл дөө,

Өө, шувуу-хүн тэгж уйлахыг би анх удаа л сонслоо. Тэр жиргэн ярихыг хичээж байсан ч дуу нь тийнхүү сэтгэл хөдлөлөөр дүүрсэн. Анх сонсоод би ихэд цочин, “Бурхан минь, нэг шувуу-хүн шархаджээ.” гэж бодож байлаа. Гэвч тэр “Энх тайван тогтсон, бүү ай.” гэж давтан хэлсээр байв. Тэгэхэд л өмнө нь ирсэн бусад амьтан-хүмүүсийн адил энэ мэдээг хүргэхээр ирснийг нь ойлгосон юм. Тэд бүгд маш баяртай, асар их талархалтай байсан. Тэд бас намайг тайвшруулж, одоо аз жаргалтай, энх тайвныг мэдэрч байгаа тул тэдний төлөө санаа зовж, айх хэрэггүй гэж хэлэхээр ирсэн. Мэдээж тэдний ийн хэлэхийг сонсоод би үнэхээр талархаж, маш их баярласан.

Бурхан минь, маш олон амьтан-хүн надад сайн мэдээ дуулган, баяр хүргэж, талархлаа илэрхийлээд, бүр модны мөчир дээр суун уйлаад л, би энэ дэлхий дээрх хамгийн хувьтай хүн мэт санагдана. Эр шувуу-хүн шүү. Би амьдралдаа тохиолдсон зарим явдлыг та нарт дуулгах гэсэн юм. Тиймээс намайг ганцаардаж байгаа болов уу гэж санаа зоволтгүй. Надад хань болж буй ийм сайхан сэтгэлтэй, БУРХАНД ингэж их талархдаг төрөлтнүүд асар олон бий.

Би бие махбодтой ч олон өөр хэмжээсэнд нэгэн зэрэг оршдог. Тиймээс санаа зоволтгүй, бид бүгд холбоотой. Би та нартай бүгдтэй тань үргэлж холбоотой байдаг. Хэрэв та нар надад өчүүхэн ч болов итгэдэг бол ямар нэг байдлаар туслахыг минь зөвшөөрөөрэй. Та нар хүсвэл би туслахын тулд чадах бүхнээ хийнэ. Би та нарын төлөө залбирна. Дотроо, чимээгүйхэн гуйгаарай. Хэн ч мэдэх учиргүй. Та нар намайг дагадаг гэдгийг хэн ч мэдэх шаардлагагүй. Амьтан-хүмүүс бол тоохгүй. Тэд хүрч ирээд дагагчид мэт маш их хүндэтгэлтэй, маш их талархалтай байж, үнэхээр өхөөрдөм, бас энх тайван тогтсонд маш их баяртай байдаг. Миний шавь гэгддэг хүмүүсийг бодвол амьтны ертөнц дэх дагагчид маань илүү олон байж мэднэ. Тиймээс тэдний олонх нь сайхан, аз жаргалтай, баяртай, амар амгалан байвал би ч мөн тэдний өмнөөс маш их баярладаг. Тэр нь надад ч нөлөөлдөг. Би ч гэсэн аз жаргалтай болдог. Амьтан-хүмүүс үүнийг яг таг мэддэг байхад яагаад олон хүн мэддэггүй юм бол?

За за, энэ бол та нарт дуулгах богино мэдээ байлаа. Илүү мэдээ байвал, илүү чухал мэдээ гарвал би та нарт хүргэнэ ээ. Би нэг номын ах руу тань залгана. Би олон хүн рүү залгадаггүй, зөвхөн бичиг баримт зэрэг тусгай ажлыг минь хийдэг зарим хүн рүү л залгадаг. Бусад номын ах, эгч нар өөр төрлийн ажил хийдэг. Манайх олон хэлтэстэй, өөр өөр үүрэг хариуцлагатай. Харин би бүх ажлыг ерөнхийд нь хариуцдаг. Тийм болохоор тун завгүй. Би маш сайн төвлөрөх хэрэгтэй байдаг. Тиймээс илүү сонирхолтой зүйл гарвал… эсвэл үүнийг бусад Хаадтай хийсэн ярианыхаа нэгэнд оруулж ч магадгүй. Одоо их орой болжээ. Би утсаар залгаж, номын ахыг тань дахин сэрээмээргүй байна. Тэр сүүлийн хэдэн өдөр шинэ Шуурхай мэдээг та нарт хүргэхэд аль хэдийн их тусалсан. Тиймээс үүнд яарах зүйлгүй. Өнөөдөр би номын ах руу тань дахин залгаж, сэрээхгүй ээ. Хэрэв өөр зүйл гарвал дараа нь та нарт ярья.

Эрүүл энх, аз жаргалтай, сайн байгаарай. Учир нь гавьяа буянтай, анхаарал санамсар сайн хүмүүст энх амгалан үнэхээр ирсэн байна. Харин бусад нь үүнийг сонсож, мэдэрч чадахгүй, бүр дайныг сунжруулан бие биеэ хөнөөсөөр байвал бид тэдэнд тусалж чадахгүй. БУРХАНЫ Хайрыг, мөн эрт цагаас БУРХАНЫ бидэнд хайрласан үзэсгэлэнт бүтээлүүдийг үнэлдэггүй хүмүүст бид тусалж чадахгүй. Тиймээс адис ерөөлөө эдлэн жаргаарай. Хэрэв энх тайвныг мэдэрч, энх тайвныг амсан, бүр харж чадаж байвал баярлан, БУРХАНД талархаарай. Энэ онцгой хувь завшаан, адис ерөөлөө таашаан эдлээрэй. Би та нарын өмнөөс баяртай байна. Би яг одоо нүүр дүүрэн инээмсэглэж байна. Та нар харахгүй байж болох ч би үнэхээр инээмсэглэж байна. Тиймээс өдөр бүр инээмсэглэн, жаргалтай байж, БУРХАНД талархаарай.

Бүх Хаан, мөн олон төрөлтөн намайг БУРХАН хэмээн өргөмжилдөг ч бид бүгд БУРХАНЫ бүтээл учраас би өөрийгөө та нараас өөр гэж мэдэрдэггүй. Би БУРХАНТАЙ Нэг байлаа ч энэ нь ТҮҮНИЙ Ивээлээр юм. Би та нарт болон тусалж болох хэн бүхэнд туслахын тулд БУРХАНЛАГ Чанараас, Орчлонгийн Анхдагч Хүчнээс ХЭМЖЭЭЛШГҮЙ Хүчийг хүлээн авсан. Гэхдээ би өөрийгөө та нараас илүү хүчирхэг гэж боддоггүй. Тиймээс санаа зоволтгүй. Би хэдэн арван жилийн өмнө та нарт хэлж байсан даа. Заримдаа би ахуй ойлголт харж, заримдаа дотоод мэдлэгээрээ эргэн тойрныхоо бүх зүйлтэй, энэ дэлхийн эрвээхэйнээс эхлээд шувуу-хүмүүс, бүр цэцэгстэй хүртэл нэг гэдгээ мэдэрдэг. Энэ бүхэн ахуй ойлголтуудын маань зарим нь. Гэсэн ч би өөрөөрөө л байдаг. Энэ биет ертөнцөд би сэтгэл хөдлөл, үнэнч зан, энэрэл нигүүлсэл, өршөөл, мэдлэг, ертөнцийн мэдлэг гээд энэ дэлхийд шаардлагатай бүхнийг агуулсан хүмүүн шинжээ хадгалдаг.

Тиймээс БУРХАН энэ дэлхийд байлаа ч зарим талаараа хүн юм. Тийм учраас би та нартай хамт байж, та нарыг ойлгон, сэтгэлийг тань хуваалцдаг. Тиймээс хэн нэгэн шаналбал би шанална, аль нэг нохой-хүн шаналбал би шанална, миний нохой-хүн шаналбал би шанална, миний шувуу-хүн шаналбал би шанална, хөрш маань зовсныг мэдвэл би шанална, харин тэд аз жаргалтай байвал би ч бас аз жаргалтай болдог. Та нартай хамт байхын тулд би энэхүү хүмүүн чанарыг хадгалдаг. Тиймээс хэн намайг юу гэж дуудаж байгаад бүү санаа зов. Ийм зүйлээс болж баярлах, хөөрөх, гуниглах сонирхол надад байхгүй. Би зөвхөн та нарын төлөө, хүн төрөлхтний болон тусалж чадах бүх төрөлтний төлөө ажиллаж байна.

Дараа дахин ярилцъя. Эрүүл энх, адис ивээлтэй, аз жаргалтай байж, хайрлуулан, БУРХАНААС хүлээн авснаа эргэн тойрондоо түгээгээрэй. Хайраар дүүрэн, сайхан сэтгэлтэй байж, бусдад адислал болоорой. Баярлалаа! Дашрамд хэлэхэд, өнгөрсөн удаа бидний ярилцаж байсан гэрэлт цох, хатагтай Диг санаж байна уу? Тэр надтай ярьж байхдаа гурван нас хагастай, хараахан хостой болоогүй байсан. Хань ижлээ хайж байсан.

Энх тайвны тухай мэдээ яагаад ирсээр байгааг би одоо ойлголоо. Гэхдээ зарим түрэмгий бодлоготой улс орнуудын хооронд жинхэнэ энх тайван тогтсоныг бид харахгүй байна. Тиймээс одоо энх тайвныг хүсэж байвал үнэхээр энх тайвныг хэрэгжүүлэх ёстой. Аллагын үйлийн үрээс хол бай. Нядлагдсан амьтан-хүний махыг дахин бүү ид. Та бүхэн сайн сайхан байж, Орчлонгийн энэрэнгүй сэтгэл, өгөөмөр нинжин зан, өршөөл, хайр, сайхан сэтгэл, халамж гэсэн зарчмуудыг чанд баримтлаасай гэж хүсэж байна. Бүгд БУРХАНЫГ хайрлаарай!!!

Photo Caption: “Амьдралыг Баяр Болгоорой”

Зураг татаж авах