Удахгүй хүн бүр үүнийг ойлгож, одоо хүртэл ухаараагүй, Эзэн Есүсийг хүлээж буй хүмүүс Тэр аль хэдийн энд ирсэн бөгөөд Суприм Мастер Телевизээр ч үзэж болохыг мэдэж авна хэмээн найдаж байна.

Францаас Кваме-гийн франц хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Аръяабалын бясалгалын гэр бүлийн бүх шавь болон гишүүд мөн түүнчлэн Суприм Мастер Телевизийн хамт олонд мэнд хүргэе. Би Конго-Киншаса буюу Бүгд Найрамдах Ардчилсан Конго Улсаас гаралтай, өдгөө Францад амьдардаг Аръяабалын бясалгалын гэр бүлийн гишүүн. Өнөө өглөө сэрээд Библи нээхэд Матай 11:25 болон 27-р эшлэлүүдэд (Олон улсын шинэ хувилбар орчуулга) бичигдсэн дараах үгсийг олж уншлаа:

[25] Тэр үед Есүс: “Тэнгэр, Газрын Эзэн болсон Эцэг минь, Би Танд магтаал өргөе. Учир нь Та эдгээрийг мэргэн ухаантан, эрдэмтдээс нууж, балчир хүүхдүүдэд илчилсэн билээ” хэмээв.

[27] “Бүх зүйл Миний Эцгээр Надад өгөгдсөн (итгэмжлэгдсэн) билээ. Эцгээс өөр хэн ч Хүүг мэдэхгүй, мөн Хүү-гээс өөр Хүүгийн Эцгийгээ илчлэхээр сонгосон хүмүүсээс өөр хэн ч Эцгийг мэдэхгүй.” Үнэхээр гайхалтай, Христийн шашны хүмүүжил, орчинд төрж өссөн би Аръяабалын бясалгалын Гэр бүлийн гишүүн болсон минь мөн БУРХАН, ТИМ КО ТҮ, болон БУРХАНЫ ХҮҮ ТӨГС ГЭГЭЭРСЭН БАГШ ЧИН ХАЙ-д эргэн нэгдсэн Эзэн Есүс Христийг, Түүний хайртай хүүхдүүд болох бас бидэнд илчлэгдсэн илчлэлтийг хүлээн авсан нь ямар их аз завшаан, хувь ерөөл болохыг ухаарлаа. Гэвч миний өссөн орчинд болон дэлхий даяарх Христийн шашны нийгэмлэгийн олон хүн ИХ БАГШ болох Эзэн Есүс Христ эргэн ирж, Өөрийгөө илчлэхийг одоо ч хүлээсээр буйг дурдах нь зүйтэй. Францаас Кваме

Ухаарал төгс Кваме, Таны хуваалцсан Библийн эшлэлүүд нь Түүний өмнөх дүр болох Эзэн Есүс Христэд хамаатай байсан шигээ, бидний Хайрт Их Багшид ч мөн адил шууд хамаатай юм. Бид Түүний шавь нар байх, мөн эдгээр ариун эшлэлүүдийн Үнэнийг мэдэж, ойлгодог хүмүүс байгаадаа хамгийн их аз завшаантай хүмүүс юм. Их Багш үнэхээр БУРХАНЫ Цорын Ганц Хүү бөгөөд олон хүнд Эцгийгээ илчилсэн. Дэлхийн ихэнх хүн үүнийг одоо ч мэдэхгүй, мөн Их Багш Өөрийгөө эргэн ирсэн Эзэн Есүс мөн гэдгээ олон нийтэд зарласан байхад ч, олон хүн Эзэн Есүсийг ирэхийг одоо хүртэл хүлээсээр байгаа нь харамсалтай. Удахгүй хүн бүр үүнийг ойлгож, одоо хүртэл ухаараагүй, Эзэн Есүсийг хүлээж буй хүмүүс Тэр аль хэдийн энд ирсэн бөгөөд Суприм Мастер Телевизээр ч үзэж болохыг мэдэж авна хэмээн найдаж байна. Та болон Францын соёлтой ард түмэн БУРХАН үргэлж та бүхэнтэй хамт байдгийг мэдсэнээр аз жаргалаар бялхах болтугай. Суприм Мастер Телевизийн хамт олон