Өвлийн улиралд тэжээвэр анд нөхдөө хэрхэн үр дүнтэй дулаан, жаргалтай байлгах талаар өгсөн Таны үнэт зөвлөгөөг бид эрхэмлэн хүлээн авч, сүнслэг халамж, удирдамжид Тань талархаж байна.

Одоо Хайрт Төгс Гэгээрсэн Их Багш Чин Хай (веган)-н энэхүү анхаарал халамжтай зөвлөгөөг баяртайгаар танилцуулж байна:

Сайн байцгаана уу, Хайр дүүрэн үзэсгэлэнтэй хүүхдүүд минь. Эцэг эх тань та бүхэнд энэ хорвоогийн бүхий л мэдлэг, түүнчлэн сүнслэг билиг ухаанаа өвлүүлэн уламжлан өгч, ингэснээр та бүхэн сайн хамгаалагдаж, энэ дэлхийд ая тухтай, амар тайван амьдарч чадах бөгөөд та бүхэн бие махбод, оюун санаа, сэтгэл хөдлөл болон сүнслэгээр аз жаргалтай, сайн сайхан байгаасай хэмээн БУРХАН-д залбирч байна.

Өвөл ойртож байна, мөн олон газарт үер, их хэмжээний бороо, гэнэтийн хүйтрэл, халалтын давалгаа зэрэг төрөл бүрийн гамшиг тохиолдож байгааг бид сонссон. Эдгээр өдрүүдэд бид өөрсдийгөө аюулгүй гэж мэдрэхгүй байгаа ч зүгээр дээ, чадах бүхнээ л хийгээрэй. Бүх дулаан хувцсаа, боломжтой бол бүр майхан ч бэлдсэн нь дээр байж магадгүй. Хэрэв та өрөөндөө майхан бариад, дотор нь дулаан хөнжил, зузаан хөнжил нөмрөөд унтвал танд хангалттай дулаахан байх болно. Боломжтой бол нохой-хүндээ зориулж бас нэг жижигхэн майхан бэлдээрэй. Хэрэв та нохой-хүн эсвэл хэд хэдэн нохой-хүнтэй бол.

Нохой-хүмүүстэй холбоотой миний зарим туршлагаас харахад, хэрэв би нохой-хүмүүсээ торонд хийвэл тэр тор нь эргэн тойрондоо цонх шиг завсар, зайнуудтай байдаг. Тиймээс торыг бүхэлд нь зузаан, дулаан хөнжлөөр, бүр хэд хэдэн хөнжлөөр бүтээвэл илүү дулаахан болно. Бүр нэгээс илүү хөнжил ч байж болно. Мөн торны урд хэсгийг энэ хөнжлөөрөө эсвэл нэмэлт нэг хөнжлөөр хааж, нохой-хүнд илүү агаар оруулахын тулд үүдэнд нь жаахан завсар үлдээгээрэй, эсвэл үүнийг арай илүү нээгээрэй. Тэр бол зуны зориулалттай; өвлийн улиралд, харин урд ханан цонхыг бага зэрэг онгорхой орхивол (зургийг үзнэ үү) сийгэлт, завсраар орж ирэх хүйтэн агаар тэжээвэр амьтан-хүнд тань хор хүргэхгүй. Мөн торны урд хэсгийг бүрэн хаалттай байлгах хэрэгтэй, тэгээд агаар зөвхөн цонхны жижиг завсраар орж гардаг байвал зохино. Зүгээр л ялимгүй завсар л гаргаарай, ихээр биш. Тэгвэл тор дулаахан байна. Гэхдээ агаар үргэлж орж, гарч байнга сэлгэгдсээр байх болно. Дотор нь нэлээд дулаахан байдаг.

Та тэдэнд өвлийн хүрэм өмсгөж болно. Тэгээд тэд тэндээ унтахад орон дээр унтахаас хамаагүй, хамаагүй дулаахан байна. Харин та нохойтойгоо хамт орон дээрээ унтаад тэр хөнжлөө түлхэж унагаах болгонд нь шөнөжин дахин дахин хучиж өгдөггүй л бол. Үгүй бол, өвлийн улиралд тэр тусдаа унтдаг бол, зарим өдөр цахилгаангүй болсон үед нь түүнийг зүгээр л иймэрхүү торонд унтуулаарай. Та мэдэж байгаа даа, ийм зөөврийн эсвэл ямар ч гоё хийцтэй тор байж болно. Гол нь бүхэлд нь зузаан хөнжил, эсвэл бүр унтлагын уутаар ч бүтээж болох бүтэцтэй, хэлбэрээ хадгалдаг байхад хангалттай. Тэгээд торны дотор маш дулаахан болно. Учир нь нохой-хүмүүсийн бие нь өөрөө дулаан ялгаруулдаг тул тэд нэлээд дулаахан байдаг. Тиймээс тэд ийм жижигхэн торонд унтвал дулаан нь торон дотор хадгалагдана. Тэгэхээр тэд огт даарахгүй.

Эсвэл тэдэнд миний зохион бүтээсэн зөөлөн, энгийн, пирамид хэлбэрийн майхан, эсвэл дээвэр нь дөрвөлжин биш л бол өөр ямар ч майхан өгч болно. Дээвэр нь доошоо налуу хэлбэртэй байна. Дугуй ч, гурвалжин хэлбэртэй ч байж болно. Ингэвэл илүү дулаахан байж, тэд дотроо илүү тайван байх болно. За, хайр минь?

БУРХАН та нарыг хайрладаг шүү, сайн хүүхдүүд минь. Би ч бас та нарт хайртай. Үүнд итгэлтэй байгаарай. Би та нарын нохой-, муур-, шувуу-, нугас-, яст мэлхий-хүмүүст ч хайртай. Тэр ч байтугай та нарын хайрлан гэртээ авчирсан могой-, хулгана-хүн гээд ямар ч амьтан байсан би бас хайртай. Би бүх амьтан-хүмүүсийг хайрладаг, бүр бар-, арслан-, могой- хүмүүсийг ч... Би бүгдэд нь хайртай.

За, хайр минь. Хүүхдүүд минь, БУРХАН та нарыг үргэлж хайрладаг. Би ч бас та нарт үргэлж хайртай. Мөн эрүүл энх, зөв хүн байж, өдөр бүр залбирч байгаарай. БУРХАН-д залбирахыг өөрийн дадал зуршил болгоорой. Сэрэхдээ амар тайван хоносныхоо төлөө ТҮҮНД талархаарай. Харин орондоо орохынхоо өмнө гайхалтай, амжилттай, амар тайван, хайраар дүүрэн өдрийг өнгөрүүлсэндээ ТҮҮНД талархаарай. Хэрэв ямар нэгэн зүйл хүссэнээр тань болоогүй бол дараагийн удаа, маргааш нь дахин оролдоорой. Ямар нэгэн зүйл үргэлж өөрчлөгддөг. Хэрэв та сайн сайхан, зөв шударга амьдарч, хүн бүртэй эелдэг, сайхан сэтгэлээр харьцвал БУРХАН үргэлж хамт байж, та дандаа БУРХАН-ы Хайрыг мэдрэх болно. Тэгвэл энэ дэлхийд байж болох боломжтой хэмжээнд амьдрал тань маш ая тухтай болно. За, хайр минь?

Мөн өөрсдийн Жинхэнэ Гэр болох Диваажинг хүсэн хүлээгээрэй. Энэ дэлхийтэй салах ёс хийж, Гэртээ буцахаасаа өмнө Гэрээ олж харах арга замыг олохыг хичээгээрэй. Түүнд хүрэх, түүнийг олох олон арга зам бий. Та интернетээс өөрт тань таалагдах ямар Багш байгааг хайж үзээрэй. Та тэр Багшаас суралцаарай. Түүний танд зааж буй арга нь таныг Гэрт тань хүргэнэ гэж амлаж буй эсэхийг сайтар нягтлаарай. Хэдий чинээ өндөр түвшинд хүргэнэ, төдий чинээ сайн. “Миний Эцэгийн гэрт орон байр олон бий.” Зарим нь доод, зарим нь дээд түвшинд байдаг. Зарим нь дунд түвшинд байдаг. Зарим нь хамгийн дээд түвшинд байдаг. Тиймээс сонголтоо хийгээрэй. Гэхдээ эхлээд залбирч, тэр Багш үнэхээр сайн эсэхийг баттай мэдээрэй. Тэр өөрөө хамгийн дээд боломжит түвшний Диваажинд очиж байсан эсэх, мөн БУРХАНЫГ харж, эсвэл БУРХАНТАЙ ярилцаж байсан уу гэх мэт, иймэрхүү зүйлсийг асуугаарай. Мөн тэр Багш болзол, шаардлага тавьдаггүй эсэхийг нягтлаарай – Та өөрөө сайн дураараа, хийхийг чин сэтгэлээсээ хүссэн тохиолдлоос бусад үед ямар нэгэн зүйл хийхийг танаас шаардах ёсгүй. Өөрийгөө Багш хэмээн нэрлэсэн хэнд ч ашиглуулах хэрэггүй. За юу?

БУРХАНЫГ санаж яваарай. Та нар Тэнгэрлэг эх сурвалжаас гаралтай бөгөөд БУРХАН та нарт хайртай. БУРХАН бид хоёр та нарыг хайрладаг. Биеэ бодоорой, хайр минь. Боломжтой үедээ, чадах зүйлээрээ эцэг эхдээ туслаарай. Сургуулиа төгсөөд нийгэмдээ тусалж чадахын тулд сайн сураарай. Бидэнд байгаа бүхний төлөө, мөн ТЭР бидэнд өгөх нь зохистой гэж үзсэн аливаа зүйлийн төлөө БУРХАНД талархъя. Амен. Та нарт хайртай.

Нохой-хүмүүст зориулсан өөр нэг зөвлөгөө гэвэл, өвлийн шөнө нохой-хүн торондоо унтаж байх үед нь, хэрэв торны дээд хэсгийг ямар нэгэн зүйлд саад болохгүйгээр бүтээж болохоор байвал торыг нь зүгээр л бүтээчихээрэй. Өмнө нь миний хэлсэнтэй адилхан эргэн тойрондоо олон зай завсар, хэд хэдэн цонхтой торонд – дээд талд нь, гадна хэсэгт нь тохирох хэмжээтэй цахилгаан хөнжил тавьж болно. Эхлээд цахилгаан хөнжлийн дээгүүр маш дулаан хөнжлөөр хучаарай. Зүгээр л бүтээхийн тулд бүр давхарлаж хучсан ч болно. Ингэснээр бүх дулаан тэр хөнжлүүдийн доор хадгалагдаж, агаарт тарж алга болохгүй. Мэдээж торны дотор нь бас тэдэнд зориулж дулаан, зузаан хөнжил, мөн хөнжлийн доор нь гудас тавиарай. Тэдэнд тухтай байхаар бэлдээрэй. Өвөл маш хүйтэн байсан ч, цахилгаан хөнжлийн тохиргоог шөнийн хэмд тааруулан асаавал дотор нь маш дулаахан байна. Хэрэв маш хүйтэн бол хоёрдугаар тохиргоонд тавьж болно. Хэрэв тийм ч хүйтэн биш бол нэгдүгээр тохиргоонд тавина. Хэрэв илүү хүйтэн байвал, жишээлбэл, гуравдугаар тохиргоонд тавина. Та үүнийг заавал шалгаж үзэх хэрэгтэй. Цахилгаан хөнжлийг хэсэг хугацаанд асааж, нохой-хүмүүс тань дотогш орон тухтай унтсаны дараа нүцгэн гараа торонд оруулж үзвэл, доторх хэм гаднахаас тэс өөр байгааг мэдэрнэ. Цахилгаан хөнжлийг хараахан ашиглаагүй байсан ч, өвлийн тийм ч хүйтэн биш зарим шөнө торны дотор маш дулаахан санагдана. Тэгэхээр нохой-хүн бөх унтаж, хурхирна.

Тиймээс өөртөө анхаараарай. Хайртай тэжээвэр амьтан-хүмүүстээ бүх хайр халамжаараа анхаарал тавиарай. Мөн БУРХАНЫГ санаж түүнчлэн таныг, гэр бүл, хайртай хүмүүс, найз нөхөд, жишээлбэл тэжээвэр амьтан- хүмүүсийг тань хамгаалж өгөхийг БУРХАНААС хүсэн залбираарай. Та хэнийг ч хайрладаг байсан, хэрэв тэдний төлөө залбирах хэрэгтэй гэж бодож байвал залбираарай. Та хэн нэгний төлөө залбирсан ч, тэр залбирлын буяны тодорхой хэсэг нь аяндаа, өөрийн эрхгүй танд ч мөн хүртээгдэнэ. БУРХАНД залбирахдаа сэтгэлээсээ, баяр хөөртэй байгаарай. Заримдаа БУРХАН танд хариу өгвөл бүү гайхаарай. Ялангуяа хэрэв та бясалгал хийдэг бол, Арьяабалын бясалгалыг (дотоодын Тэнгэрлэг Гэрэл, Аялгуунд төвлөрөх) хийвэл та БУРХАНЫГ харна. Хааяа эсвэл байнга харах нь ТҮҮНТЭЙ тогтоосон холбооноос тань шалтгаална.

Баяртай, баяртай. Та нарт хайртай! БУРХАН та нарыг хайрладаг шүү, сайн хүүхдүүд минь. Би ч бас та нарт хайртай!

Их Багш аа, бид ч бас Тандаа хайртай! Өвлийн улиралд тэжээвэр анд нөхдөө хэрхэн үр дүнтэй дулаан, жаргалтай байлгах талаар өгсөн Таны үнэт зөвлөгөөг бид эрхэмлэн хүлээн авч, сүнслэг халамж, удирдамжид Тань талархаж байна.