ਪੇ ਦੇ ਮਹਾਰਾਜ, ਰਾਜਾ ਰੂ, ਉਦਾਸੀ ਤੋਂ ਮੁਕਤ ਧਰਤੀ, ਚਾਰ ਹਿਸਿਆਂ ਦਾ ਚੌਥਾ ਭਾਗ

ਮਹਾਰਾਜਾ ਰਾਜਾ ਰੂ ਨਾਲ ਗੱਲਬਾਤ ਤੋਂ ਬਾਅਦ, ਪ੍ਰਮਾਤਮਾ ਅਜੇ ਵੀ ਚਾਹੁੰਦਾ ਹੈ ਕਿ ਮੈਂ ਤੰਬੂ ਦੇ ਆਪਣੇ ਮੈਡੀਟੇਸ਼ਨ ਖੇਤਰ ਵਿੱਚ ਰਹਾਂ ਅਤੇ ਸ਼ਾਂਤੀ ਦਾ ਰਾਜਾ ਵੀ। ਤਾਂ ਸ਼ਾਇਦ ਮੈਨੂੰ ਕਿਸੇ ਹੋਰ ਰਾਜੇ ਨਾਲ ਗੱਲ ਕਰਨ ਦੀ ਲੋੜ ਪਵੇ। ਪਰ ਮੈਂ ਪ੍ਰਮਾਤਮਾ ਨੂੰ ਪੁੱਛਾਂਗੀ ਕਿ ਹੁਣ ਕੀ ਕੰਮ ਹੈ। MAPA, ਕਿਰਪਾ ਕਰਕੇ ਮੈਨੂੰ ਦੱਸੋ ਕਿ ਤੁਹਾਡੇ ਕੋਲ ਮੇਰੇ ਲਈ ਕੀ ਸੁਨੇਹਾ ਹੈ, ਕਿੰਨੇ? MAPA ਤੋਂ ਦੋ ਸੁਨੇਹੇ। ਪਹਿਲਾ ਹੈ, "ਤੁਸੀਂ ਪਿਆਰ ਦੇ ਯੋਗ ਹੋ।" ਦੂਜਾ ਸੁਨੇਹਾ ਹੈ... ਮੈਂ ਫਿਰ ਤੋਂ ਅੱਧੀ ਸਮਾਧੀ ਵਿੱਚ ਵਾਪਸ ਆ ਗਈ ਹਾਂ। ਦੂਜਾ ਸੁਨੇਹਾ ਹੈ, "ਚਿੰਤਾ ਨਾ ਕਰੋ। ਸ਼ਾਂਤੀ ਆਵੇਗੀ।" ਓਹ, ਆਓ ਉਮੀਦ ਕਰੀਏ, ਸ਼੍ਰੀਮਾਨ ਜੀ। ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ। ਕੋਈ ਹੋਰ ਸੁਨੇਹੇ, ਸ਼੍ਰੀਮਾਨ ਜੀ, ਪਿਆਰੇ MAPA? "ਨਹੀਂ।" ਪ੍ਰਮਾਤਮਾ ਕਹਿੰਦਾ ਹੈ "ਨਹੀਂ," ਪਰ ਸ਼ਾਂਤੀ ਦਾ ਰਾਜਾ ਮੇਰੇ ਨਾਲ ਗੱਲ ਕਰਨਾ ਚਾਹੁੰਦਾ ਹੈ। ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ।

ਠੀਕ ਹੈ। ਮਹਾਰਾਜ ਸ਼ਾਂਤੀ ਦੇ ਰਾਜਾ, ਕਿਰਪਾ ਕਰਕੇ ਮੈਨੂੰ ਦੱਸੋ, ਮੈਂ ਹੋਰ ਕੀ ਕਰ ਸਕਦੀ ਹਾਂ? ਸ਼ਾਂਤੀ ਦੇ ਰਾਜਾ ਨੇ ਮੈਨੂੰ ਦੱਸਿਆ ਕਿ ਉਸਦੇ ਕੋਲ ਤਿੰਨ ਸੁਨੇਹੇ ਹਨ। ਪਹਿਲਾ ਹੈ, "ਡਰੋ ਨਾ, ਸ਼ਾਂਤੀ ਆਵੇਗੀ।" ਦੂਜਾ ਸੰਦੇਸ਼ ਹੈ, "ਤੁਸੀਂ ਪਿਆਰ ਦੇ ਅਵਤਾਰ ਹੋ।" ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ। ਮੈਨੂੰ ਉਮੀਦ ਹੈ ਕਿ ਇਹ ਮੇਰੇ ਕੋਲ ਲੋੜਵੰਦਾਂ ਨੂੰ ਦੇਣ ਲਈ ਕਾਫ਼ੀ ਹੋਵੇਗਾ। ਦਰਅਸਲ, ਤੀਜਾ ਸੁਨੇਹਾ MAPA ਤੋਂ ਹੈ, ਹਾਲਾਂਕਿ ਇਹ ਸ਼ਾਂਤੀ ਦਾ ਰਾਜਾ ਹੈ ਜਿਸਨੇ ਇਸਨੂੰ ਮੈਨੂੰ ਭੇਜਿਆ ਹੈ। MAPA ਨੇ ਕਿਹਾ, "ਪਿਆਰੀ ਧੀ, ਤੁਹਾਨੂੰ ਪਿਆਰ ਕੀਤਾ ਜਾਂਦਾ ਹੈ।" ਓਹ, ਤੁਹਾਡਾ ਧੰਨਵਾਦ। ਤੁਹਾਡਾ ਧੰਨਵਾਦ, ਸ਼੍ਰੀਮਾਨ ਜੀ। ਮੈਨੂੰ ਬਸ ਉਮੀਦ ਹੈ ਕਿ ਮੈਂ ਆਪਣੀ ਪੂਰੀ ਸਮਰੱਥਾ ਤੋਂ ਵੱਧ ਤੁਹਾਡੀ ਸੇਵਾ ਕਰਦੀ ਰਹਿ ਸਕਾਂਗੀ। ਤੁਹਾਡਾ ਧੰਨਵਾਦ, ਅਤਿਅੰਤ ਪਿਆਰੇ ਮੇਰੇ MAPA। ਤੁਸੀਂ ਹਮੇਸ਼ਾ ਤੰਦਰੁਸਤ ਰਹੋ। ਤੁਹਾਡੇ ਬੱਚੇ ਠੀਕ ਹੋਣ ਅਤੇ ਤੁਹਾਨੂੰ ਖੁਸ਼ੀ ਅਤੇ ਫਖਰ ਜਾਂ/ਅਤੇ ਮਾਣ ਦੇਣ। ਆਮੇਨ, ਸ਼੍ਰੀਮਾਨ ਜੀ। ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ।

ਪਿਆਰੇ ਸ਼ਾਂਤੀ ਰਾਜਾ, ਅੱਜ ਦੀ ਸਹਾਇਤਾ ਲਈ ਕਈ ਪਹਿਲੂਆਂ ਵਿੱਚ ਤੁਹਾਡਾ ਧੰਨਵਾਦ। ਤੁਹਾਨੂੰ ਅਸੀਸ। ਕੀ ਮੈਂ ਹੌਲੀ-ਹੌਲੀ ਇੱਥੋਂ ਨਿਕਲ ਸਕਦੀ ਹਾਂ ਅਤੇ ਆਪਣਾ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਕੰਮ ਕਰ ਸਕਦੀ ਹਾਂ? ਸ਼ਾਂਤੀ ਰਾਜਾ ਕਹਿੰਦਾ ਹੈ, "ਅਜੇ ਨਹੀਂ। ਤੁਹਾਡੇ ਸਹਾਇਕਾਂ ਵਿਚੋਂ ਇੱਕ ਤੁਹਾਡੇ ਨਾਲ ਗੱਲ ਕਰਨਾ ਚਾਹੁੰਦਾ ਹੈ।" ਠੀਕ ਹੈ, ਮੈਂ ਉਸਨੂੰ ਜਾਣਦੀ ਹਾਂ। ਉਸਨੂੰ ਖੁਲ ਕੇ ਗੱਲ ਕਰਨ ਦਿਓ। ਉਸਨੂੰ ਮੇਰੇ ਨਾਲ ਖੁੱਲ੍ਹ ਕੇ ਗੱਲ ਕਰਨ ਦਿਓ। ਸਹਾਇਕਾਂ ਵਿਚੋਂ ਇਕ ਦਾ ਨਾਮ "S" ਹੈ, ਨਾਮ ਦਾ ਪਹਿਲਾ ਅੱਖਰ S ਹੈ। ਠੀਕ ਹੈ, ਅੱਗੇ ਵਧੋ। ਤੁਸੀਂ ਮੈਨੂੰ ਕੀ ਰਿਪੋਰਕਟ ਕਰਨਾ ਚਾਹੁੰਦੇ ਹੋ ਜਾਂ ਮੈਨੂੰ ਦੱਸਣਾ ਚਾਹੁੰਦੇ ਹੋ? "ਸ਼੍ਰੀਮਾਨ ਜੀ, ਸਾਡੇ ਸੰਸਾਰਕ ਕਰਮ ਮੈਨੂੰ ਗਲਤ ਕੰਮ ਕਰਨ ਲਈ ਮਜਬੂਰ ਕਰਦੇ ਹਨ, ਜੋ ਤੁਹਾਡੇ ਕੰਮ ਅਤੇ ਤੁਹਾਡੀ ਸ਼ਾਂਤੀ ਨੂੰ ਪ੍ਰਭਾਵਿਤ ਕਰਦੇ ਹਨ। ਕਿਰਪਾ ਕਰਕੇ ਮੈਨੂੰ ਮੁਆਫ ਕਰ ਦਿਓ।" ਮੈਂ ਤੁਹਾਨੂੰ ਕਈ ਵਾਰ ਕਿਹਾ ਹੈ ਕਿ ਮੈਂ ਤੁਹਾਨੂੰ ਮਾਫ਼ ਕਰਦੀ ਹਾਂ, ਇਸ ਤੋਂ ਪਹਿਲਾਂ ਕਿ ਤੁਸੀਂ ਇਹ ਕਰ ਰਹੇ ਹੋ। ਪਰ ਫਿਰ ਵੀ, ਤੁਹਾਨੂੰ ਹੋਰ ਵੀ ਕੋਸ਼ਿਸ਼ ਕਰਨੀ ਪਵੇਗੀ। ਨਕਾਰਾਤਮਕ ਕਰਮਾਂ ਦੇ ਪ੍ਰਭਾਵ ਤੋਂ ਬਚਾਉਣ ਲਈ ਹਰ ਰੋਜ਼ ਪ੍ਰਮਾਤਮਾ ਅੱਗੇ ਪ੍ਰਾਰਥਨਾ ਕਰੋ। ਬਸ ਹੋਰ ਕੋਸ਼ਿਸ਼ ਕਰੋ।

ਜੇ ਹੋ ਸਕੇ ਤਾਂ ਹੋਰ ਮੈਡੀਟੇਸ਼ਨ ਕਰੋ, ਅਤੇ ਯਾਦ ਰੱਖੋ ਕਿ ਤੁਸੀਂ ਕੌਣ ਹੋ। ਤੁਸੀਂ ਪ੍ਰਮਾਤਮਾ ਦੇ ਇਕ ਬੱਚੇ ਹੋ। ਤੁਹਾਡੇ ਅੰਦਰ ਬੁੱਧ ਹੈ। ਤੁਹਾਡੇ ਅੰਦਰ ਪ੍ਰਮਾਤਮਾ ਹੈ। ਇਸ ਲਈ ਉਸ ਅਨੁਸਾਰ ਕੰਮ ਕਰਨ ਦੀ ਕੋਸ਼ਿਸ਼ ਕਰੋ। ਮੈਂ ਤੁਹਾਨੂੰ ਪਿਆਰ ਕਰਨਾ ਬੰਦ ਨਹੀਂ ਕਰਦੀ। ਚਿੰਤਾ ਨਾ ਕਰੋ। ਇਹ ਸਿਰਫ਼ ਇੰਨਾ ਹੈ ਕਿ ਮੈਨੂੰ ਹਮੇਸ਼ਾ ਨਕਾਰਾਤਮਕ ਕੰਮਾਂ ਜਾਂ ਨਕਾਰਾਤਮਕ ਗੱਲਾਂ ਨਾਲ ਨਜਿੱਠਣਾ ਅਣਸੁਖਾਵਾਂ ਲੱਗਦਾ ਹੈ। ਹੋਰ ਕੋਸ਼ਿਸ਼ ਕਰੋ। ਹਰ ਸਮੇਂ ਸੁਰੱਖਿਆ ਅਤੇ ਉੱਨਤੀ ਲਈ ਪ੍ਰਾਰਥਨਾ ਕਰੋ ਤਾਂ ਜੋ ਅਸੀਂ ਸਾਰੇ ਇਕੱਠੇ ਸਦਭਾਵਨਾ ਅਤੇ ਸ਼ਾਂਤੀ ਨਾਲ ਕੰਮ ਕਰ ਸਕੀਏ। ਮੈਨੂੰ ਤੁਹਾਡੇ ਲਈ ਇਹ ਵੀ ਅਫ਼ਸੋਸ ਹੈ ਕਿ ਤੁਸੀਂ ਅਜੇ ਵੀ ਇੰਨੇ ਮਜ਼ਬੂਤ ਨਹੀਂ ਹੋ ਕਈ ਵਾਰ ਆਪਣੀ ਆਦਤ, ਰੁਝਾਨ ਦੇ ਵਿਰੁੱਧ ਜਾ ਸਕਦੇ ਹੋ, ਇਸ ਤਰ੍ਹਾਂ ਨਕਾਰਾਤਮਕ ਨੂੰ ਤੁਹਾਡੀ ਦੁਰਵਰਤੋਂ ਕਰਨ, ਤੁਹਾਡੀ ਯੋਗਤਾ, ਤੁਹਾਡੀ ਮੌਜ਼ੂਦਗੀ ਨੂੰ ਗਲਤ ਕੰਮ ਕਰਨ ਲਈ ਵਰਤਣ, ਸਾਡੇ ਕੰਮ ਨੂੰ ਪ੍ਰਭਾਵਿਤ ਕਰਨ ਅਤੇ ਕੁਝ ਚੰਗੇ ਨਤੀਜਿਆਂ ਵਿੱਚ ਦੇਰੀ ਕਰਨ ਵਿੱਚ ਮਦਦ ਕਰ ਸਕਦੇ ਹੋ। ਤੁਹਾਨੂੰ ਖੁਦ ਇਹ ਜਾਣਨਾ ਚਾਹੀਦਾ ਹੈ: ਹਮੇਸ਼ਾ ਪਛਤਾਵਾ ਕਰੋ, ਨਿਮਰ ਬਣੋ, ਸ਼ੁਕਰਗੁਜ਼ਾਰ ਬਣੋ, ਅਤੇ ਪ੍ਰਾਰਥਨਾ ਕਰੋ।

ਹੋਰ ਕੁਝ? ਨਹੀਂ? ਠੀਕ ਹੈ, ਫਿਰ ਕਿਰਪਾ ਕਰਕੇ, ਤੁਸੀਂ ਜਾ ਸਕਦੇ ਹੋ। ਜੋ ਵੀ ਕਰ ਸਕਦੇ ਹੋ ਕਰੋ। ਇਕ ਚੰਗਾ ਕੰਮ ਕਰੋ, ਕੁਝ ਵੀ ਹੋਵੇ, ਭਾਵੇਂ ਛੋਟਾ ਜਾਂ ਵੱਡਾ ਕੰਮ ਕਿਉਂ ਨਾ ਹੋਵੇ। ਪ੍ਰਮਾਤਮਾ ਭਲਾ ਕਰੇ। ਆਪਣਾ ਨਾਮ ਯਾਦ ਰੱਖੋ ਜੋ ਮੈਂ ਤੁਹਾਨੂੰ ਪੂਰਾ ਦਿੱਤਾ ਹੈ। ਉਸ ਨਾਮ ਵਿੱਚ ਤੁਹਾਡੇ ਲਈ ਬਹੁਤ ਸੁਰੱਖਿਆ ਹੈ, ਇਸ ਲਈ ਤੁਸੀਂ ਆਸਾਨੀ ਨਾਲ ਆਪਣੇ ਰੁਝਾਨ ਅੱਗੇ ਨਹੀਂ ਝੁਕੋਗੇ। ਕਈ ਵਾਰ ਮੈਂ ਤੁਹਾਡੇ ਨਾਲ ਇਕ ਕੋਮਲ, ਮਿੱਠੇ ਢੰਗ ਨਾਲ ਗੱਲ ਨਹੀਂ ਕਰਦੀ, ਪਰ ਮੈਂ ਤੁਹਾਨੂੰ ਵਿਗਾੜ ਨਹੀਂ ਸਕਦੀ। ਫਿਰ ਵੀ, ਜਿਵੇਂ ਕਿ ਤੁਸੀਂ ਜਾਣਦੇ ਹੋ, ਮੈਂ ਤੁਹਾਨੂੰ ਮਾਫ਼ ਕਰਦੀ ਹਾਂ। ਅਤੇ ਪੂਰੇ ਪਿਆਰ ਨਾਲ, ਮੈਂ ਅਜੇ ਵੀ ਤੁਹਾਡੇ ਨਾਲ ਅਤੇ ਹਰ ਉਸ ਵਿਅਕਤੀ ਨਾਲ ਕੰਮ ਕਰਦੀ ਹਾਂ ਜੋ ਪ੍ਰਮਾਤਮਾ ਦੇ ਮਿਸ਼ਨ ਲਈ ਕੰਮ ਕਰਦਾ ਹੈ। ਮੈਂ ਤੁਹਾਨੂੰ ਹਮੇਸ਼ਾ ਮਾਫ਼ ਕਰਦੀ ਹਾਂ। ਗੱਲ ਸਿਰਫ਼ ਇੰਨੀ ਹੈ ਕਿ ਹਮੇਸ਼ਾ ਦਰਦ ਰਹਿਣਾ ਸੁਹਾਵਣਾ ਨਹੀਂ ਹੁੰਦਾ। ਅਤੇ ਤੁਸੀਂ ਇਹ ਜਾਣਦੇ ਹੋ। ਇਸ ਲਈ ਆਪਣੀ ਪੂਰੀ ਕੋਸ਼ਿਸ਼ ਕਰੋ ਕਿ ਤੁਸੀਂ ਆਪਣੀਆਂ ਗਲਤੀਆਂ ਕਰਕੇ ਮੈਨੂੰ ਦੁੱਖ ਨਾ ਦਿਓ।

ਕਿਉਂਕਿ ਹਰ ਚੀਜ਼ ਦੇ ਨਤੀਜੇ ਹੁੰਦੇ ਹਨ। ਜੇ ਤੁਸੀਂ ਚੰਗਾ ਕਰੋਗੇ, ਤਾਂ ਚੰਗੀਆਂ ਚੀਜ਼ਾਂ ਆਉਣਗੀਆਂ, ਕਈ ਗੁਣਾ। ਜੇ ਤੁਸੀਂ ਬੁਰਾ ਕਰੋਗੇ, ਤਾਂ ਮਾੜੀਆਂ ਚੀਜ਼ਾਂ ਕਈ ਗੁਣਾ ਵਧ ਜਾਣਗੀਆਂ। ਇਸੇ ਨੂੰ ਅਸੀਂ ਕਰਮ ਕਹਿੰਦੇ ਹਾਂ। ਬਸ ਇਸਨੂੰ ਨਾ ਭੁੱਲਣਾ। ਜਦੋਂ ਵੀ ਤੁਸੀਂ ਕਿਸੇ ਦਾ ਭਲਾ ਕਰਦੇ ਹੋ, ਤਾਂ ਉਸਦਾ ਫਲ ਤੁਹਾਨੂੰ ਕਈ ਗੁਣਾ ਵੱਧ ਵਾਪਸ ਮਿਲੇਗਾ। ਜਦੋਂ ਵੀ ਤੁਸੀਂ ਕਿਸੇ ਨਾਲ ਬੁਰਾ ਕਰੋਗੇ, ਤਾਂ ਮਾੜੇ ਕਰਮ ਕਈ ਗੁਣਾ ਵੱਧ ਜਾਣਗੇ। ਕਿਉਂਕਿ ਕਰਮ ਹਮੇਸ਼ਾ ਤੁਰੰਤ ਨਹੀਂ ਆਉਂਦੇ। ਤਾਂ ਤੁਸੀਂ ਸ਼ਾਇਦ ਇਹ ਨਾ ਸੋਚੋ, "ਓਹ, ਇਹ ਨਤੀਜਾ ਹੈ" ਤੁਹਾਡੇ ਮਾੜੇ ਕੰਮ ਦਾ। ਪਰ ਇਹ ਜ਼ਰੂਰ ਆਵੇਗਾ ਅਤੇ ਕਈ ਗੁਣਾ ਵਧੇਗਾ। ਹਮੇਸ਼ਾ, ਇਸ ਤੋਂ ਪਹਿਲਾਂ ਕਿ ਤੁਸੀਂ ਕੁਝ ਕਰੋ ਅਤੇ ਤੁਹਾਨੂੰ ਇਹ ਅਹਿਸਾਸ ਹੋਵੇ ਕਿ ਇਹ ਚੰਗਾ ਨਹੀਂ ਹੈ, ਜਾਂ ਤੁਸੀਂ ਜਾਣਦੇ ਹੋ ਕਿ ਇਹ ਚੰਗਾ ਨਹੀਂ ਹੈ, ਜਾਂ ਤੁਹਾਨੂੰ ਸ਼ੱਕ ਹੈ ਕਿ ਇਹ ਬਿਲਕੁਲ ਵੀ ਚੰਗਾ ਨਹੀਂ ਹੈ, ਤਾਂ ਤੁਹਾਨੂੰ ਦੁਬਾਰਾ ਸੋਚਣਾ ਚਾਹੀਦਾ ਹੈ ਕਿ ਪ੍ਰਭੂ ਯਿਸੂ ਅਜਿਹਾ ਕਰਨਗੇ ਜਾਂ ਨਹੀਂ, ਕੀ ਬੁੱਧ ਦਾ ਪੈਰੋਕਾਰ ਬੁੱਧ ਨਾਲ, ਜਾਂ ਬੁੱਧ ਦੇ ਕੰਮ ਨਾਲ, ਜਾਂ ਪ੍ਰਭੂ ਯਿਸੂ ਦੇ ਕੰਮ ਨਾਲ ਅਜਿਹਾ ਕਰੇਗਾ ਜਾਂ ਨਹੀਂ। ਤੁਸੀਂ ਜੋ ਵੀ ਕਰਦੇ ਹੋ, ਤੁਹਾਨੂੰ ਇਹ ਸੋਚਣਾ ਪਵੇਗਾ ਕਿ ਇਹ ਕਿਸੇ ਨੂੰ ਦੁੱਖ ਪਹੁੰਚਾਉਂਦਾ ਹੈ ਜਾਂ ਨਹੀਂ, ਜਾਂ ਇਹ ਕਿਸੇ ਦਾ ਭਲਾ ਕਰਦਾ ਹੈ, ਭਾਵੇਂ ਉਹਨਾਂ ਨੂੰ ਖੁਸ਼ ਕਰਨ ਲਈ ਜਾਂ ਉਦਾਸ ਕਰਨ ਲਈ ਇੱਕ ਛੋਟੀ ਜਿਹੀ ਗੱਲ ਵੀ ਹੋਵੇ। ਇਹ ਸਭ ਤੁਹਾਡੇ ਕੋਲ ਵਾਪਸ ਆਵੇਗਾ, ਕਈ ਗੁਣਾ, ਕਈ ਗੁਣਾ। ਇਸ ਲਈ ਸਾਵਧਾਨ ਰਹੋ ਕਿ ਤੁਸੀਂ ਕੀ ਕਰ ਰਹੇ ਹੋ। ਕੋਈ ਕਾਰਵਾਈ ਕਰਨ ਤੋਂ ਪਹਿਲਾਂ ਚੰਗੀ ਤਰ੍ਹਾਂ ਸੋਚੋ। ਬੱਸ ਇੰਨਾ ਹੀ, ਬਹੁਤ ਸਰਲ।

ਤੁਸੀਂ ਪਹਿਲਾਂ ਹੀ ਵੀਗਨ ਹੋ। ਤੁਸੀਂ ਪਹਿਲਾਂ ਹੀ ਪ੍ਰਮਾਤਮਾ ਤੋਂ (ਅੰਦਰੂਨੀ ਸਵਰਗੀ) ਰੌਸ਼ਨੀ ਅਤੇ ਆਵਾਜ਼ ਦੇ ਕੁਆਨ ਯਿਨ ਮੈਡੀਟੇਸ਼ਨ ਦਾ ਅਭਿਆਸ ਕਰ ਰਹੇ ਹੋ। ਅਤੇ ਤੁਸੀਂ ਮੈਡੀਟੇਸ਼ਨ ਕਰਦੇ ਹੋ। ਇਸ ਲਈ ਥੋੜ੍ਹਾ ਜਿਹਾ ਹੋਰ ਧਿਆਨ, ਅਤੇ ਕੁਲੀਨਤਾ,ਅਤੇ ਪ੍ਰੇਮ-ਦਿਆਲਤਾ, ਫਿਰ ਤੁਸੀਂ ਇੱਕ ਸੰਪੂਰਨ ਸੰਤ ਬਣ ਜਾਓਗੇ, ਸਭ ਕੁਝ ਆਪਣੇ ਲਈ। ਉਹ ਕਾਰਵਾਈ ਚੁਣੋ ਜੋ ਤੁਹਾਡੇ ਲਈ ਲਾਭਦਾਇਕ ਹੋਵੇ। ਇਸਦਾ ਮਤਲਬ ਹੈ ਕਿ ਇਸਦਾ ਫਾਇਦਾ ਪਹਿਲਾਂ ਦੂਜਿਆਂ ਨੂੰ ਹੋਵੇਗਾ। ਤੁਹਾਨੂੰ ਹਮੇਸ਼ਾ ਪਿਆਰ। ਪ੍ਰਮਾਤਮਾ ਭਲਾ ਕਰੇ।

ਤੁਸੀਂ ਆਪਣੇ ਦਿਮਾਗ ਵਿੱਚ, ਆਪਣੇ ਮਨ ਵਿੱਚ ਜੋ ਸੋਚਦੇ ਹੋ, ਉਹ ਬਿਲਕੁਲ ਨਤੀਜੇ ਵੀ ਪੈਦਾ ਕਰਦਾ ਹੈ, ਮਾੜੇ ਜਾਂ ਚੰਗੇ। ਇਸ ਲਈ ਯਾਦ ਰੱਖੋ - ਸਿਰਫ਼ ਤੁਹਾਡਾ ਕੰਮ ਹੀ ਨਹੀਂ, ਸਗੋਂ ਤੁਹਾਡੀ ਸੋਚ ਵੀ। ਜੇ ਤੁਹਾਨੂੰ ਕੁਝ ਵੀ ਗਲਤ ਲੱਗਦਾ ਹੈ, ਤਾਂ ਉਸਨੂੰ ਤੁਰੰਤ ਕੱਟ ਦਿਓ। ਦੂਜਿਆਂ ਲਈ ਅਤੇ ਆਪਣੇ ਲਈ ਸਿਰਫ਼ ਚੰਗੇ, ਨੇਕ, ਲਾਭਦਾਇਕ ਵਿਚਾਰਾਂ ਨੂੰ ਹੀ ਪੋਸ਼ਣ ਦਿਓ; ਖਾਸ ਕਰਕੇ ਦੂਜਿਆਂ ਲਈ ਕਿਉਂਕਿ ਇਹ ਤੁਹਾਨੂੰ ਅਤੇ ਤੁਹਾਡੇ ਅਜ਼ੀਜ਼ਾਂ ਨੂੰ ਸੁੰਦਰ, ਸੁੰਦਰ ਲਾਭਦਾਇਕ ਪੁੰਨ ਦੇਵੇਗਾ। ਅਸੀਂ ਕਦੇ ਵੀ ਇਸ ਤੋਂ ਬਹੁਤ ਜ਼ਿਆਦਾ ਨਹੀਂ ਲੈ ਸਕਦੇ - ਦੂਜਿਆਂ ਲਈ, ਤੁਹਾਡੇ ਅਜ਼ੀਜ਼ਾਂ ਲਈ, ਅਤੇ ਤੁਹਾਡੀ ਆਪਣੀ ਜ਼ਿੰਦਗੀ ਲਈ, ਹੁਣ ਅਤੇ ਪਰਲੋਕ ਲਈ। ਦੂਜਿਆਂ ਲਈ ਲਾਭਦਾਇਕ ਕੋਈ ਵੀ ਚੀਜ਼ ਤੁਹਾਨੂੰ ਲਾਭ ਪਹੁੰਚਾਏਗੀ ਅਤੇ ਇਹ ਤੁਹਾਨੂੰ ਨਰਕ ਵਿੱਚ ਡਿੱਗਣ ਤੋਂ ਰੋਕਣ ਲਈ ਇੱਕ ਦਰਵਾਜ਼ਾ ਬਣਾਏਗੀ। ਇਹ ਯਾਦ ਰੱਖੋ।

Photo Caption: "ਜੀਵਨ ਦੇ ਪਾਣੀ ਨਾਲ, ਆਤਮਾ ਮੁੜ ਸੁਰਜੀਤ ਹੋਵੇਗੀ!"

ਫੋਟੋ ਡਾਊਨਲੋਡ ਕਰੋ