Ийм үзэсгэлэнтэй, сэтгэл хөдөлгөм хөгжимт жүжгийг бидэнд хайрласанд нь Их Багшдаа чин сэтгэлээсээ талархъя.

Өмнөд Солонгосын Сөүл хотоос Жи-А-гийн солонгос хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Бидний Хайрт, Аугаа Их Багшдаа чин сэтгэлийн гүн талархал, хүндэтгэл, магтаалаа өргөн барья. Мөн Суприм Мастер Телевизийн хамт олонд чин сэтгэлийн хүндэтгэл, талархлаа илэрхийлье. Өнгөрсөн долоодугаар сард Өмнөд Солонгост “Аниргүй нулимсыг хайрлахуй” хөгжимт жүжиг солонгос хэлээр тоглогдсон бөгөөд тоглолтын бичлэг саяхан YouTube-д тавигджээ. Их Багшийн шүлгийг эх хэлээрээ сонсох энэхүү агуу Адислалыг бидэнд хайрласанд Их Багшдаа хязгааргүй талархъя. Энэхүү хөгжимт жүжгийг үзсэнээр Их Багшийн сүнслэг эрэл хайгуулын үнэнч Замнал, БУРХАНЫГ хайрлах хязгааргүй Хайр, мөн хамаг төрөлтнийг аврахын төлөөх хязгааргүй Энэрлийн талаар илүү гүн ойлголттой болсон билээ.

Их Багшийн гэгээрэлд хүрэх Хүсэл тэмүүлэл ямар гүн гүнзгий, ямар эрхэм дээд, бишрэм бэ! БУРХАНЫГ хайрладаг Их Багшийн Зүрх сэтгэл хэчнээн үзэсгэлэнтэй вэ! Их Багшийн дэлхий ертөнцийг хайрлах Хайр хэчнээн уудам, хязгааргүй вэ! Их Багшийн хамаг төрөлтнийг энэрэх Нигүүлсэл юутай хэмжээлшгүй вэ!

Хөгжимт жүжгийг үзэж байхдаа өөрийн мэдэлгүй нулимс унагаж байгаагаа анзаараад гайхсан. Нулимс хацар даган тасралтгүй урсахад, би яагаад уйлж байгаагаа ч мэдэхгүй байлаа. Энэ хөгжимт жүжгийг солонгос хэлээр тоглогдохыг үзэж байхдаа, хэзээ нэгэн өдөр уг бүтээл дэлхийн бүх хэлээр тоглогдож, улс орон бүрийн хүмүүс Их Багшийн шүлэг, захиасыг эх хэлээрээ мэдэрч, хүртэх боломжтой болбол хэчнээн сайхан байх бол хэмээн би бодлоо. Илүү олон хүн сүнслэг эрэл хайгуулын гүн хүсэл тэмүүллийг өөртөө төлөвшүүлж, Их Багшийн Ивээл, Хайрыг ухааран мэдэрдэг бол үнэхээр гайхамшигтай биш гэж үү? Сэтгэлд үзүүлэх нөлөө нь хадмал орчуулгаар дамжуулан үйл явдлыг зүгээр л ойлгохоос огт өөр байлаа. Их Багшийн шүлгүүдийг эх хэлээрээ сонсож, даган дуулж байхдаа Их Багшийн зүрх сэтгэл шүлгүүдэд нь хэр гүн, чин сэтгэлээсээ шингэснийг нь бүр илүү мэдэрсэн. Тэрхүү мэдрэмж үгээр бүрэн илэрхийлэхийн аргагүй ихээр сэтгэлийг минь хөдөлгөсөн. Ийм үзэсгэлэнтэй, сэтгэл хөдөлгөм хөгжимт жүжгийг бидэнд хайрласанд нь Их Багшдаа чин сэтгэлээсээ талархъя. Орчлонгийн бүх Бурхадаас залбиран гуйя: Хайрт Их Багшид маань хамгийн аз жаргалтай мөчүүд, эрүүл энх, амар амгалан, мөн хязгааргүй их Ерөөл хайрлаач. Өмнөд Солонгосын Сөүл хотоос Жи-А

Энэрэнгүй Жи-А, Их Багшийн шүлгийг гайхамшигт Бродвейн хэв маягийн “Аниргүй нулимсыг хайрлахуй” хөгжимт жүжгээр үзэж сонсох бид ямар их аз завшаантай вэ. Их Багшийн гүн утга учирт замналыг гайхалтай хөгжим, дуугаар илэрхийлсэн Солонгосын уран бүтээлчдийн хийсэн хувилбар, хосгүй тоглолтын талаарх туршлагаасаа хуваалцсанд баярлалаа. Тэнгэрлэг Гэрэл таныг болон авьяас билигт Солонгосын ард түмнийг өөд нь өргөх болтугай. Суприм Мастер Телевизийн хамт олон

Жич: Их Багшаас танд зориулсан энэхүү гэгээлэг, ухаарал өгсөн хариуг хүргэж байгаадаа бид баяртай байна: “Чин сэтгэлт Жи-А, ‘Аниргүй нулимсыг хайрлахуй’-н Солонгосын гайхамшигт тоглолтод өгсөн таны чин сэтгэлээсээ, нухацтай хандсан сэтгэгдэлд баярлалаа. Нулимс бол Гэртээ харьж, жинхэнэ Би-гээ ямагт танин мэдэх гэсэн үнсний с гүн дэх хүсэл тэмүүллээс урсдаг. Авьяаслаг, үзэсгэлэнтэй уран бүтээлчид, хөгжим болон уянгалаг дуунууд нь ямар ч хэл дээр байсан таны сэтгэл зүрхийг хөдөлгөнө. Харин төрөлх солонгос хэлээрээ сонсоход таны сэтгэл санааг сэргээж, урам зориг ч өгнө. Та хором бүрд Бурханлагаар адислагддагаа мэдэн, энэ баяр баяслыг сэтгэлдээ тээж яваарай. Тэнгэрлэгийн ивээлээр та болон эрхэмсэг Солонгос орон бүхий л эрхэм зорилго, сайн үйлсдээ амжилт олох болтугай. Танд болон гайхамшигт уран бүтээлч, ариун сэтгэлтэй хүмүүст Хайраа илгээе.”