Дэлгэрэнгүй
Татаж авах Docx
Дэлгэрэнгүй уншаарай
Өнөөдөр, 10-р сарын 24. Өглөө эрт болж байна. Би Хамгаас Өршөөнгүй, Хамгаас Хүчирхэг, сайн сайхан, эелдэг, өглөгч, нигүүлсэнгүй бүхний ДЭЭД болсон МАПА-гаасаа асуусан юм. Орчлон ертөнц дэх Цорын Ганц, хамгийн шилдэг Эцэг Эхээс ч Илүү Нэгэнд хандан, ердийнхөөрөө Суприм Мастер Телевизийн ажлаа хийхээр майхнаасаа гарч, самади бясалгалаа дуусгадаг цаг минь болсныг хэлсэн. Эцэг надад “Үгүй, үгүй. Учир нь дайны удирдагч Тантай ярилцахыг хүсэж байна.” гэж хэлсэн. Би “Өө, за, ЭЗЭНТЭН минь, Таны зөвшөөрлөөр би түүнтэй ярья.” гэв. Үүнээс өмнө би аюулгүй байдал, хамгаалалт, хувийн нууцыг хамгаалдаг бүх сахиусан тэнгэр болон Диваажингийн холбогдох албадад хамгаалалтаа чангатгахыг тушаасан. Ингэснээр би зөвхөн хүссэн хүнтэйгээ ярьж, сөрөг хүчний заль мэх, худал үг, төөрөгдүүлэх санал, яриа болон тэдний хийх гэсэн бусад зүйлд саатахгүй байх юм. Ойролцоогоор 2 минутын дараа хамгаалалтын бүх асуудлыг шийдсэн байв. Тэгээд би тамын харуулаас дайны удирдагчийг надтай яриулахыг хүссэн. Тэр (дайны удирдагч) сөхрөн, “Эрхэмсэг Дээдэс, Хамгаас Дээд Хаадын Хаадын Хаадын Хаан минь, би Танд сөгдөн, өлмийд Тань мөргөе. Би энх тайвны нөхцөл байдлын талаар айлтгах гэсэн юм.” гэв. Би: “Зүгээр ээ, чи тухтай байж болно. Суугаад надад ярьж болно” гэв. Тэгэхэд тэр “Орос, Украин хоёр энхийн гэрээнд гарын үсэг зурсан” гэлээ. Би түүнийг засаж “‘Урейн’ гэж хэл. Учир нь би тэднийг энх тайван байж, өөрсдийн хил хязгаар дотор өөрсдийн хүч, хүсэл зориг, төлөвлөгөө, аз жаргал, харилцан эв найртай тохиролцоогоор өөрсдийгөө захираасай гэж хүсдэг.” гэсэн. Дайны удирдагч “Тийм ээ, Эзэнтэн. Тэгээд дайны удирдагч “Орос, Урейн (Украин) гэсэн энэ хоёр улс энхийн гэрээ байгуулсан. Удахгүй энх тайван тогтоно.” гэв. Тэр “Удахгүй энх тайван ирнэ. Дайн дуусна. Ямар ч дайнгүй болно.” гэсэн. Би “Өө, тэр чинь Орос, Урейн (Украин) хоёрын хоорондох асуудал. Харин Саудын Араб, Ираны хоорондох нь яах вэ?” гэж асуулаа. Дайны удирдагч “Эрхэм Дээдэс, Хаадын Хаадын Хаадын Хаан минь, тэр дайн ч бас удахгүй дуусна.” гэв. Тэгээд би түүнд “Сайн байна. Би ч бас өчигдөр хэвлэл мэдээллээс энэ мэдээний заримыг уншсан. Гэхдээ би үүнээс илүүг хүсэж байна. Энх тайван үнэхээр тогтож, хурдан ирж, мөнх үргэлжлээсэй гэж хүсэж байна.” гэсэн. Дайны удирдагч “Тийм ээ, тийм, Эзэнтэн. Тэгнэ. Удахгүй ирнэ. Би хурдасгахын тулд чадах бүхнээ хийнэ. Таны Адислалаар бид дайныг удахгүй дуусгаж чадна.” гэв. Би “Сайн, сайн. Чи илүү чин сэтгэлтэй болж, дайны өршөөлгүй, харгис хэрцгий байдлыг улам ойлгож байгааг би харж байна. Тиймээс би чиний хичээл зүтгэлийг үнэлж байна. Иймд чамайг илүү уужим хорих өрөөнд байлгахыг харуулд тушаана. Биеэ арчилж, амьдрахад чинь үнэхээр хэрэгтэй зүйл байвал тамын энэ хэсгийн даргад хэлээрэй. Тэр чамд авчирч өгнө. Боломжийнхоо хэрээр чамд тусална гэсэн үг. Чи тамд байгаагаа санаарай. Зөвхөн энх тайвны төлөө хүч чадлаа илүү ашиглах, илүү хөдлөх эрх чөлөө, илүү уужим зай олгохыг би хичээе. Үүнийг санаарай. Мөн би чамайг ХЭМЖЭЭЛШГҮЙ Хүчит БУРХАНД бүхий л чин сэтгэл, бишрэл хүндэтгэлээр захирагдан улам их хичээхийг хүлээсээр байгаа. Надад хэлэх өөр зүйл байна уу? За за. Сайн байна. Чи сайн санаагаа харууллаа. Хариуд нь би ч бас өршөөлөө үзүүллээ. Тэгэхээр энэ дэлхийд энх тайван, аз жаргал авчрах ажлаа үргэлжлүүлцгээе. Учир нь сая сая, эдүгээ бүр тэрбум, тэрбумаараа зовж шаналж байхад тэдний хувь заяанд чин үнэнээсээ санаа тавих хүнгүй атлаа хэчнээн их хөрөнгийг ийм аймшигтайгаар үрж байгааг чи мэднэ. Тэрбум тэрбумыг зөвхөн хөнөөж, сүйтгэхэд зарцуулж байна. Дайн туйлын утгагүй болохыг чи тодорхой харж болно. Тиймээс яаравчилж, чадах бүхнээ хий. Тэгвэл буян чинь чиний нүглийн зарим хэсгийг дүйцүүлэн цайруулна. Хэр сайн ажиллахаас чинь энэ шалтгаална. Шаардлагатай үед би чамтай дахин ярья. Одоохондоо баяртай.” гэсэн. Дайны удирдагч шалан дээр 3 удаа мөргөөд, духаараа шаланд хүрсэн хэвээр ингэж хэлэв. “Тийм ээ, тийм, Эзэнтэн. Тантай удахгүй, хэзээ ч болов дахин уулзана гэж найдаж байна, Эзэнтэн” гэв. Би “За тэгье. Тайван байж болно. Шалан дээр сөхрөх хэрэггүй. Тайван бай.” гэсэн. Ингээд би тамын шоронгоос гарч, энэ биет ертөнцөд буцаж ирсэн. Өө, дашрамд нь хэлэхэд тамаас аврал эрэн дуудсан, найз байсан гэгдэх нэгнийг уучилж, туслахыг надад зөвшөөрөх эсэхийг би МАПА-гаас асуулаа. БУРХАН үүнийг зөвшөөрсөн. Тэгээд би “Түүнийг тамаас гаргасныхаа дараа хаашаа явуулах вэ?” гэж асуусан. БУРХАН “Дайны зовлон ямар байдгийг мэдрүүлэхээр дайны бүс рүү явуул. Бүх оршихуйд нь шингэсэн энэ харгис хэрцгий зангийн үлдэгдэл бүрэн арилах хүртэл нь тэнд байлга. Дараа нь тэр дахин хүн болж төрж болно.” гэсэн. Би “Мэдлээ, мэдлээ, ЭЗЭНТЭН. Би шалгаж үзээд, Таны Ивээлээр түүнийг аваръя, ЭЗЭНТЭН. Таны Өршөөлд маш их баярлалаа, ЭЗЭНТЭН” гэсэн. БУРХАН “За, явж ажлаа хий” гэв. Би “Үүний дараа өнөөдөр хийх өөр онцгой зүйл байна уу, ЭЗЭНТЭН?” гэж асуулаа. БУРХАН “Үгүй, одоохондоо байхгүй, өнөөдөр өөр зүйл байхгүй.” гэсэн. Тэгээд би “Үүний дараа Суприм Мастер Телевизийн ажлаа хийнэ.” гэв. БУРХАН надад зөвшөөрөл өгсөн. “Танд баярлалаа.” Тиймээс найз байсан гэгдэх хүмүүсээс минь хэн нь дайнтай холбоотойг мэдэхээр Акашийн бүртгэлийн санд нэвтрэхийн тулд хэлбэлзлээ бууруулах шаардлагатай болсон буюу тиймэрхүү зүйл хийх болсон. Тусламж гуйж байсан яг тэр төрөлтөнд өөрийн өршөөлийг зарлахаар там руу очихоосоо өмнө би түүний талаар нэг зүйлийг олж мэдсэн юм. Учир нь түүний үйлийн үрийн зарим зүйл маш муу, бүр маш муу байсан тул түүнийг там надаас хүртэл нууж, тусламж хүссэн дуудлага нь хоёр тохиолдлоос бусдад нь хаашаа ч гараагүй байв. Нэг удаа Энх Тайвны Будда Хаан түүний дуудлагыг сонсоод надад хэлсэн. Гэвч тэр үед би Акашийн бүртгэлээс бүгдийг шалгаж, үүнд цаг гаргахад хэтэрхий завгүй байсан. Тэгээд би энэ тухай дөрвөн өдрийн турш мартсан. Дараа нь 2 дахь удаад яагаад ч юм дуу нь гадагш сонсогдсон, эсвэл там түүнийг илүү чанга хашхирахыг зөвшөөрсөн байж магадгүй. Тэгэхэд Үнэг хатагтай, нэргүй Үнэг Хатагтай үүнийг сонсоод, гүйж ирэн, надад энэ мэдээг дуулгасан. Дашрамд нь хэлэхэд, сүүлийн хэдэн өдөр нэргүй Үнэг Хатагтайгаас нэг их сураг сонссонгүй. Тийм ээ, нэргүй Үнэг Хатагтайгаас нэлээд хэд хоног сураг сонссонгүй. Гэхдээ тэр аз жаргалтай, хүн байгаадаа баярлаж байгаа. Түүнд хангалттай хүч байхгүй, би ч түүнд бусад хүн шиг бүрэн, бүрмөсөн хүн болоход нь хүрэлцэх нэмэлт хүч өгөөгүй. Мөн би түүнд Хүчээ хэтэрхий их өгвөл тэр үхнэ. Тэгвэл үнэг-хүн хэвээрээ сүнслэг дадал бясалгалаа хийсээр, долоо хоногийн хэдэн өдөр хүн болж амьдрахын баяр баяслыг ч эдэлж чадахгүй. Тиймээс бусад бүх зүйлийн адил сайн зүйлийг шингээхэд ч хугацаа хэрэгтэй. Хамгийн сайн аминдэм байсан ч бүтэн савыг нэг дор ууж болохгүйтэй адил. Би Үнэг Хатагтайгаас “Хүний ертөнцөд хэрхэн амьдарч байна? Идэх, уух юмтай, сайн байгаа биз дээ?” гэж асуусан. Тэр “Тийм, тийм. Хүмүүс надад маш сайхан ханддаг. Тэд надад идэх, уух юм, бүр шүүс, ус, төрөл бүрийн хоол, жимс өгдөг. Маш сайхан. Би ч бас очсон газар бүрдээ тусалж, тэдний сайхан сэтгэлийн хариуг барьдаг. Хашааг нь цэвэрлэх гэх мэт хүссэн бүхнийг нь хийж тусалдаг. Зүлэг хадах, цэцэрлэгийнх нь модыг засах, эсвэл тэжээвэр амьтан-хүмүүсийг нь салхилуулахыг сурч байна. Эхэндээ нохой-хүмүүс намайг хэн болохыг мэдээд хуцаад байдаг байсан. Гэхдээ дараа нь би тэдэнтэй харилцаж, хор хүргэх санаагүйгээ хэлсэн. Би зүгээр л амьдралаа залгуулахын тулд жаахан ажиллах хэрэгтэй. ‘Тиймээс надтай эвтэйхэн хамт явж, надад туслаарай.’ гэж хэлэхэд тэд тэгдэг болсон. Хүмүүс бүр нэрийг минь асуудаг. Тэгэхэд нь би: ‘Намайг Лиза гэдэг. Миний санаж байгаа зүйл ердөө энэ.’ гэдэг. Тэд бас гэр минь хаана байдгийг асуудаг. Би ‘Надад гэр байхгүй. Боломжтой газраа, хаана ч хамаагүй унтдаг.’ гэдэг. Тэгэхээр тэд надад нэмэлт хувцас, хөнжил өгч, гарааш, эсвэл цэцэрлэгийнхээ амбаарт унтаж болно гэдэг. Хүмүүс надад үнэхээр сайхан ханддаг. Тэд намайг өнчин, эсвэл ой санамжаа алдсан ч юм уу гэж боддог. Намайг эелдэг, дөлгөөн, маш даруу, боловсон ярьдаг, хор хүргэдэггүй, ямар ч хор хөнөөлтэй шинжгүйг хараад сайхан ханддаг. Тиймээс хаана ч очсон хүмүүс тусалдаг. Туслахгүй бол би зүгээр л өөр айлд очдог. Би сайн байгаа.” гэсэн. Тэгээд би үнэг-хүнд “Ямар сайхан юм бэ, би чиний өмнөөс баярлаж байна. Чиний өмнөөс баярлаж байна. Ийм амьдрал бас их эрх чөлөөтэй. Чи сайн байна. БУРХАНЫГ санаж, үргэлж залбирч байгаарай. Тэгэхгүй бол хүч чинь суларч, дахин хүн болж чадахгүй, бүр юу ч хийж чадахгүй болно.” гэсэн. Тиймээс Үнэг Хатагтай “Тийм ээ, тийм шүү, тийм, би мэднэ, Их Багш аа. Би маш сайн мэднэ. Би мэднэ. Таны Энэрэл, Хайрын ачаар хүн болж, долоо хоногийн хэдэн өдөр хүний амьдралаар амьдрах боломж олгосонд би Төгс Хүчит БУРХАНД сэтгэлдээ үргэлж талархдаг.” гэв. Photo Caption: “Нарны Туяатай Адил Дулаахан, Гэрэлтэй бай”
