Барилдлагатай төрөлтөн бүр “Гэртээ харих” боломжтой байхаар хүмүүсийн зүрх сэтгэлийг үл анзаарагдах арга замаар үргэлж сэрээдэг Их Багшдаа баярлалаа.

Одоо Хятадын Хай-Пинээс мандарин хятад хэлээр илгээсэн захидлыг олон хэлний хадмал орчуулгатайгаар хүргэе:

Хамгаас Хайрт Их Багш минь, Агуу БУРХАН, Эргэн Нэгдсэн Цаглашгүй Хүчит Гурав: БУРХАН, БУРХАНЫ Хүү, Цаглашгүй Их Багш Тим Ко Ту болон Суприм Мастер ТВ-ийн хамт олонд мэндчилье. Бүх зүйл сайн сайхан байх болтугай!

Би 1977 онд төрсөн. Одоо 48 настай. Ухаан орсон цагаас хойш Их Багш үргэлж намайг замчилж ирсэн. Тэр үед би бараг долоо хоног бүр нэг л зүүд зүүдэлдэг байлаа. Зүүдэндээ би харанхуй газар маш их айж гүйхэд, догшин аймшигт хэдэн чөтгөр, мангасууд араас хөөдөг байв. Гүйж явахдаа би өмнө минь хурц Гэрэл байхыг харсан. Гэрэл рүү гүйн ороход хэсэг лам тойрч суугаад бясалган, судар уншиж буй сүм харагдсан ч хаалганы төмөр сараалж намайг нэвтрүүлсэнгүй. Би энэ мөчид үргэлж сэрдэг байлаа.

Харин 1996 оны 3-р сарын 7-нд төмөр сараалж руу гүйж очоод, бясалгаж суугаа хүмүүсийн дунд настай Хамба зогсож байхыг зүүдэлсэн. Түүний бүх бие алтан Гэрлээр гялалзаж байв. Тэрээр инээмсэглэн, “Гэртээ тавтай морил” гэж надад хэлсэн. Тэр даруй би настай Хамбын хажууд очоод зогсож байв. Дээш харан, “Багш аа, гадаа миний араас хөөж буй хүмүүс хэн бэ?” гэж асуусан. Хамба эелдгээр, “Тэд бүгд өнгөрсөн амьдралуудаас чинь үлдсэн үйлийн үрийн өр нэхэгчид болон гомдсон төрөлтнүүд” гэв. Яг тэр мөчид би сэрлээ. Гуравдугаар сарын 8-нд би авшгаа амжилттай хүртсэн. Үргэлж чиглүүлж, намайг хэзээ ч орхиж, умартаагүй Их Багшдаа талархдаг. Олон жилийн турш би буруу замаар орох бүрд Их Багш үргэлж сануулж, Арьяабалын гэр бүл рүү буцаан чиглүүлдэг байлаа. Би ганцаараа сүнслэг бясалгал хийдэг ч хэзээ ч ганцаардаж байгаагүй.

2025 оны 9-р сард миний сайн найз мөн албан ёсоор веган хооллож эхэлсэн. Би түүнтэй “Агшин зуур билиг нээгдэх түлхүүр” номын 10 боть болон Суприм Мастер ТВ-ийн хөтөлбөрүүдийг хуваалцсан юм. Тэр Дээдийн Номын баяслаар дүүрсэн. Өнөөдөр тэр мөн авшиг хүсэж, хичээнгүйлэн бясалгахыг хүсэж байгаагаа хэллээ. Барилдлагатай төрөлтөн бүр “Гэртээ харих” боломжтой байхаар хүмүүсийн зүрх сэтгэлийг үл анзаарагдах арга замаар үргэлж сэрээдэг Их Багшдаа баярлалаа. Эцэст нь би өөрийн авсан Нарны хэдэн зургийг хавсаргав. БУРХАН хором бүр бүх зүйлээр дамжуулан бидэнд Хайрын Хүч өгч буйг би үнэхээр мэдэрдэг. Хүндэтгэсэн, Хай-Пин, Хятадаас

Өгөөмөр Хай-Пин, бидний Хамгийн Энэрэнгүй Их Багшийн Хайрын Өршөөл хязгааргүй билээ. Их Багшаас Арьяабалын бясалгалын авшиг хүртсэн бид үнэхээр их ерөөлтэй. Та болон чин сэтгэлт хятад хүмүүс Оройн Дээдийн Ивээлээр гэтлэх болтугай. Ертөнцийн мэргэн ухаан дор, Суприм Мастер ТВ-ийн хамт олон

Жич: Их Багш танд зориулан баяртайяа хариулсныг хүргэхэд таатай байна: “Элбэг дүүрэн Хай-Пин, гэгээрлийн гайхамшигт Бэлгийг хүртэж, энэхүү зовлонт ертөнцөөс чөлөөлөгдөх замыг найздаа хуваалцсанд баярлалаа. Хичээнгүй сүнслэг бясалгалаараа хамгийн дээд ертөнцүүдэд дүүлэн хүрч, мөнхийн жаргал болон жинхэнэ Би-гээ таньж мэдээрэй. Та болон хайртай хүмүүс тань, баясгалант Хятад улс Диваажингийн Гэрэлд, энэрэлт Дэлхий дээрх хамаг амьтныг халамжлан эрхэмсэг амьдрах болтугай. БУРХАНЫ ИВЭЭЛЭЭР, танд болон найзад тань маш их Хайр илгээе.”