Гоёл бүр харсан хүн бүрийг өргөдөг онцгой Адислалын Хүч агуулдгийг та өөрийн биеэр мэдэрсэн байна. Тиймээс гоёлоо зүүж, ил байлгах нь өөртөө болон эргэн тойрныхоо бүх хүнд туслах хялбар арга юм.

Одоо Хонконгийн Лок-Иугаас кантон хэл дээр илгээсэн захидлыг олон хэлний хадмал орчуулгатай хүргэе:

Тоолшгүй олон хүнийг аварч, эцэс төгсгөлгүй зовлонт Гурван ертөнц, Зургаан замын төрөх, үхэхийн хүрднээс биднийг чөлөөлсөн, Хүндэт Хайрт Цаглашгүй Гурвал Төгс Гэгээрсэн БУРХАН-ИХ Багшдаа хязгааргүй их талархъя! Эцэс төгсгөлгүй талархъя!!! Даруухан амьжиргаатай шавь би талархсан сэтгэлээр, Багшийн дэлхийг аврах үйлсэд санхүүгийн хувь нэмэр оруулахыг хүсэж, гар дээрээ бага зэрэг илүү мөнгөтэй болохоороо С.М. Тэнгэрлэг гоёлоос баяртайгаар худалдан авдаг байлаа. Гэвч миний амьдардаг газарт хулгай гарах нь элбэг байсан тул олон жилийн турш С.М. Тэнгэрлэг гоёлоо сайтар нуун далдалдаг байв... Учир нь хэн нэгэнд харагдаж, хулгайд алдахаас би ихэд айдаг байсан юм.

Нэгэн тохиолоор би маш аюулгүй орчинд түр амьдрах болж, “Сэрүүн гараг” нэртэй, том, үнэт С.М. Тэнгэрлэг зүүлтээ хэсэг хугацаанд санаа амар зүүж явлаа. Дараа нь Арьяабалын бясалгалаа эхлэхийн өмнө зүүлтээ ширээн дээр болгоомжтой тавив. Дотоодын Диваажингийн Аялгууны бясалгалын үеэр би өмнө нь хэзээ ч сонсож байгаагүй, ер бусын үзэсгэлэнтэй, уянгалаг Диваажингийн хөгжим сонссон! Олон хөгжмийн зэмсэг зэрэг тоглож буй мэт боловч туйлын зохицолтой, маш нарийн тансаг сонсогдож, асар зөөлөн, гүн тайтгаруулах, гайхалтай сайхан баяр баясал, Хайрын Хүчийг цацруулж байлаа. Үүнтэй харьцуулахад энэ ертөнцийн хөгжмийн зэмсэг, хөгжим дэндүү бүдүүн бараг, нэг хэвийн, дутмаг юм.

Би түүнээс хойш тэр Тэнгэрлэг хөгжмийг хүссэн үедээ сонсож чадна гэж бодоод, ийм хүчтэй, өндөр түвшний Адислалын Хүч түүнийг удахгүй эдгэрэхэд тусална гэж найдан, гэр бүлийнхээ өндөр настай эмэгтэйд зүүлтээ эргэлзэлгүй өгсөн. Харамсалтай нь 2 хоногийн дараа тэрээр нүүхдээ С.М. Тэнгэрлэг гоёлыг гээчихсэн. Түүнээс хойш би зөөлөн, баясгалант Хайрын Хүч цацруулдаг тэр гайхамшигт Диваажингийн хөгжмийг дахин сонсоогүй.

С.М. Тэнгэрлэг хувцас, С.М. Тэнгэрлэг гоёлыг нууж болохгүй, Адислалын Хүч нь үйлчлэхийн тулд ил байх ёстой гэж би сонсож байсан. Би үүнд итгээгүй байлаа. Харин өөрийн биеэр мэдэрсний дараа С.М. Тэнгэрлэг гоёлоо нууж зүрхлэхээ больсон. Хаана ч амьдарсан, үлдсэн бүх жижиг унжлага, бөгжөө ширээн дээр ил тавьж, Адислалын Хүчийг нь аль болох саадгүй, чөлөөтэй цацруулах боломж олгодог. Мөн С.М. Тэнгэрлэг гоёл том байх тусам илүү их Адислалын Хүчийг тээж, дамжуулдаг бололтой... Энэ нь том цахилгааны кабель, жижиг утасны цахилгаан дамжуулах чадал өөр байдагтай адил юм. Өнөөдөр Арьяабалын бясалгал хийхдээ би үүнийг гэнэт санаж, хүн бүрд хэрэг болох болов уу хэмээн хуваалцахаар шийдлээ. Алгаа хавсран хүндэтгэн өргөсөн, авшигтан Лок-Иу Хонконгоос

Ухааран сэрсэн Лок-Иу, захидал илгээсэн танд баярлалаа. Их Багш сургамжит хариу ирүүлжээ:

“Өгөөмөр Лок-Иу, өгөөмөр сэтгэл тань хайр татам юм! С.М. Тэнгэрлэг гоёлыг нууж хадгалах ёсгүйг ухаарсан нь сайн байна. Тэдний зорилго бол дэлхийг адисалж, өргөх явдал юм. Гоёл бүр харсан хүн бүрийг өргөдөг онцгой Адислалын Хүч агуулдгийг та өөрийн биеэр мэдэрсэн байна. Тиймээс гоёлоо зүүж, ил байлгах нь өөртөө болон эргэн тойрныхоо бүх хүнд туслах хялбар арга юм. Үргэлжлүүлэн сайн бясалгаарай, тэгвэл тэр Диваажингийн хөгжмийг дахин сонсож магадгүй! Та болон Хонконгийн уужим сэтгэлт ард түмэн дотооддоо БУРХАНЫ хязгааргүй амар амгаланг мэдрэх болтугай. БУРХАНЫ ИВЭЭЛЭЭР танд маш их Хайрыг илгээе!”