ਸਤਿਗੁਰੂ ਜੀ ਜਵਾਨੀ ਦੇ ਰਾਜੇ ਦਾ ਸਵਾਗਤ ਕਰਦੇ ਹਨ, ਤਿੰਨ ਹਿਸਿਆਂ ਦਾ ਤੀਸਰਾ ਭਾਗ

ਮੈਂ ਸੱਚਮੁੱਚ ਉਮੀਦ ਕਰਦੀ ਹਾਂ ਅਤੇ ਆਪਣੇ ਪਿਆਰੇ ਪਿਤਾ, ਪ੍ਰਮਾਤਮਾ ਅੱਗੇ ਪ੍ਰਾਰਥਨਾ ਕਰਦੀ ਹਾਂ ਕਿ ਮੈਂ ਤੁਹਾਡੇ ਲਈ ਹੋਰ ਸੁਚਾਰੂ ਢੰਗ ਨਾਲ, ਹੋਰ ਸ਼ਾਂਤੀ ਨਾਲ ਕੰਮ ਕਰ ਸਕਾਂਗੀਂ, ਅਤੇ ਆਪਣੇ ਜਾਣ ਤੋਂ ਪਹਿਲਾਂ ਕੰਮ ਪੂਰਾ ਕਰ ਲਵਾਂਗੀਂ । ਮੇਰਾ ਮਤਲਬ ਹੈ ਸਮੇਂ, ਸਥਾਨ ਅਤੇ ਪੁਲਾੜ ਦੇ ਇਸ ਪਰਿਵਰਤਨਸ਼ੀਲ ਸਮੇਂ ਤੋਂ ਗੁਜ਼ਰ ਜਾਣਾ, ਮੇਰਾ ਮਤਲਬ ਹੈ ਗ੍ਰਹਿ, ਇਸ ਗ੍ਰਹਿ ਤੋਂ। ਮੈਂ ਅਜੇ ਵੀ ਨਹੀਂ ਹਾਂ... ਪੂਰੀ ਤਰਾਂ ਇੱਥੇ ਨਹੀਂ ਹਾਂ, ਪਰ ਮੈਂ ਠੀਕ ਹਾਂ। ਚਿੰਤਾ ਨਾ ਕਰੋ। ਮੈਂ ਤੁਹਾਨੂੰ ਆਪਣੀ ਜ਼ਿੰਦਗੀ ਦੀ ਕਹਾਣੀ ਦੇ ਕੁਝ ਟੁਕੜੇ ਦੱਸ ਰਹੀ ਹਾਂ ਜੇਕਰ ਇਹ ਜਾਣਨਾ ਤੁਹਾਡੇ ਲਈ ਦਿਲਚਸਪ ਹੋਵੇ। ਹੋ ਸਕਦਾ ਹੈ ਕਿ ਇਹ ਹੋਵੇ, ਪਰ ਮੈਂ ਠੀਕ ਹਾਂ। ਮੈਂ ਧਰਮ-ਘੁੰਮਣ ਵਾਲੇ ਪਹੀਏ ਦਾ ਰਾਜਾ ਵੀ ਹਾਂ, ਇਸ ਲਈ ਮੈਂ ਠੀਕ ਹੋਵਾਂਗੀਂ। ਇਸ ਵੇਲੇ, ਅਤੇ ਮੈਂ ਇਸ ਦਾ ਸਮਰਥਨ ਵੀ ਕਰਦੀ ਹਾਂ, ਮੈਂ ਇਥੋਂ ਤਕ ਅਤਿਅੰਤ ਸ਼ਕਤੀਸ਼ਾਲੀ ਤਿੰਨ ਮੁੜ-ਇਕਠੇ ਹੋਇਆਂ ਵਿੱਚੋਂ ਇੱਕ ਹਾਂ। ਇਸ ਲਈ ਮੇਰੇ ਬਾਰੇ ਚਿੰਤਾ ਨਾ ਕਰੋ। ਮੈਂ ਆਪਣਾ ਕੰਮ ਵਧੀਆ ਕਰ ਰਹੀ ਹਾਂ। ਬਹੁਤ ਸਾਰੇ ਰਾਜੇ ਵੀ ਇਸ ਗੱਲ ਦੀ ਪੁਸ਼ਟੀ ਕਰਦੇ ਹਨ। ਜਵਾਨੀ ਦੇ ਰਾਜੇ ਨੇ ਵੀ ਇਸਦੀ ਪੁਸ਼ਟੀ ਕੀਤੀ।

ਮੇਰੇ ਕੋਲ ਰਾਜਿਆਂ ਨਾਲ ਹੋਰ ਵੀ ਬਹੁਤ ਸਾਰੀਆਂ ਗੱਲਾਂਬਾਤਾਂ ਰਿਕਾਰਡ ਕੀਤੀਆਂ ਹੋਈਆਂ ਹਨ, ਅਤੇ ਪੂਰੀਆਂ ਨਹੀਂ ਹੋਈਆਂ, ਇਸ ਲਈ ਅਸਲ ਵਿੱਚ ਮੈਂ ਉਨਾਂ ਨੂੰ ਅਜੇ ਤੱਕ ਤੁਹਾਨੂੰ ਨਹੀਂ ਦਿਖਾ ਸਕੀ। ਪਰ ਕਿਉਂਕਿ ਜਵਾਨੀ ਦੇ ਰਾਜੇ ਦੀ ਕਹਾਣੀ ਪਹਿਲਾਂ ਹੀ ਇੱਥੇ ਹੈ, ਅਤੇ ਮੈਂ ਇਸਦਾ ਲਗਭਗ 100% ਰਿਕਾਰਡ ਕੀਤਾ ਹੈ, ਮੈਂ ਸ਼ਾਇਦ ਆਪਣੀ ਟੀਮ ਨੂੰ ਇਸਨੂੰ ਟ੍ਰਾਂਸਕ੍ਰਾਈਬ ਕਰਨ ਦੇਵਾਂਗੀ ਅਤੇ ਤੁਹਾਨੂੰ ਦਿਖਾਉਣ ਲਈ ਇਸਨੂੰ ਤਿਆਰ ਕਰਾਂਗੀ। ਇਹ ਧਰਤੀ ਉੱਤੇ ਮੇਰੀ ਜ਼ਿੰਦਗੀ ਦਾ ਸਿਰਫ਼ ਇੱਕ ਛੋਟਾ ਜਿਹਾ ਹਿੱਸਾ ਹੈ। ਸ਼ਾਇਦ ਤੁਸੀਂ ਜਾਣਨਾ ਚਾਹੋਗੇ। ਜੇ ਤੁਹਾਨੂੰ ਜਾਣਨਾ ਪਸੰਦ ਨਹੀਂ ਹੈ, ਤਾਂ ਕੋਈ ਗੱਲ ਨਹੀਂ - ਇਸਨੂੰ ਪੁਰਾਣੇ ਸਮੇਂ ਦੀਆਂ ਕੁਝ ਪਰੀ ਕਹਾਣੀਆਂ ਵਾਂਗ ਲਓ।

ਦਰਅਸਲ, ਬਹੁਤ ਸਾਰੀਆਂ ਪਰੀ ਕਹਾਣੀਆਂ ਭਿਆਨਕ ਜਾਦੂ-ਟੂਣਿਆਂ ਅਤੇ ਕਾਲੇ ਜਾਦੂ ਅਤੇ ਉਨ੍ਹਾਂ ਬਦਸੂਰਤ ਜੀਵਾਂ ਬਾਰੇ ਹਨ ਜੋ ਬੱਚਿਆਂ ਨੂੰ ਨੁਕਸਾਨ ਪਹੁੰਚਾਉਣ, ਜਾਨਵਰ-ਲੋਕਾਂ ਨੂੰ ਨੁਕਸਾਨ ਪਹੁੰਚਾਉਣ, ਇੱਥੋਂ ਤੱਕ ਕਿ ਵੱਡੇ ਬਾਲਗਾਂ, ਮਨੁੱਖਾਂ ਨੂੰ ਵੀ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕਰਦੇ ਹਨ, ਉਹ ਸੱਚ ਹਨ। ਹੋ ਸਕਦਾ ਹੈ ਕਿ ਉਨ੍ਹਾਂ ਵਿੱਚ ਕਲਪਨਾ ਜਾਂ ਅਨੁਮਾਨ ਦਾ ਕੁਝ ਛੋਟਾ ਹਿੱਸਾ ਬੁਣਿਆ ਹੋਇਆ ਹੋਵੇ। ਅਤੇ ਜ਼ਿਆਦਾਤਰ ਲੋਕ ਇਸ 'ਤੇ ਵਿਸ਼ਵਾਸ ਨਹੀਂ ਕਰ ਸਕਦੇ। ਜ਼ਿਆਦਾਤਰ ਲੋਕ ਇਨ੍ਹਾਂ ਕਹਾਣੀਆਂ 'ਤੇ ਵਿਸ਼ਵਾਸ ਨਹੀਂ ਕਰ ਸਕਦੇ, ਪਰ ਮੈਂ ਤੁਹਾਨੂੰ ਯਕੀਨ ਦਿਵਾ ਸਕਦੀ ਹਾਂ ਕਿ ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਸੱਚੀਆਂ ਕਹਾਣੀਆਂ ਹਨ। ਉਹ ਇਹ ਬੱਚਿਆਂ ਨੂੰ ਦੱਸਦੇ ਹਨ, ਅਤੇ ਇਹ ਉਨ੍ਹਾਂ ਲਈ ਸੌਣ ਦੇ ਸਮੇਂ ਦੀ ਇੱਕ ਕਹਾਣੀ ਵਾਂਗ ਹੈ, ਪਰ ਇਹ ਸੱਚ ਹੈ। ਕਈ ਵਾਰ ਉਹ ਬੱਚਿਆਂ ਨੂੰ ਇੱਕ ਜਾਦੂਈ ਕਿਸਮ ਦੀ ਬੁਰਾਈ ਸਿਖਾਉਣ ਲਈ ਅਗਵਾ ਵੀ ਕਰ ਲੈਂਦੇ ਹਨ। ਉਮੀਦ ਹੈ ਕਿ ਇਹ ਉਨ੍ਹਾਂ ਮਨੁੱਖਾਂ ਨਾਲ ਦੁਬਾਰਾ ਨਹੀਂ ਵਾਪਰੇਗਾ ਜੋ ਕਮਜ਼ੋਰ, ਮਾਸੂਮ ਹਨ, ਅਤੇ ਆਸਾਨੀ ਨਾਲ ਪ੍ਰਭਾਵਿਤ ਹੋ ਸਕਦੇ ਹਨ ਜਾਂ ਦੂਜੇ ਮਨੁੱਖਾਂ ਲਈ ਕਿਸੇ ਸ਼ੱਕੀ, ਨੁਕਸਾਨਦੇਹ ਕਾਰੋਬਾਰ ਵਿੱਚ ਫਸ ਸਕਦੇ ਹਨ, ਜੋ ਕਿ ਉਨ੍ਹਾਂ ਲੋਕਾਂ ਵਾਂਗ ਹੈ ਜੋ ਲੋਕ ਸਕੈਮ ਕਰਦੇ ਹਨ, ਲੋਕਾਂ ਨੂੰ ਨੁਕਸਾਨ ਪਹੁੰਚਾਉਣ ਲਈ, ਉਨ੍ਹਾਂ ਦੀ ਮਿਹਨਤ ਨਾਲ ਕਮਾਈ ਕੀਤੀ ਬੱਚਤ ਨੂੰ ਲੁੱਟਣ, ਅਤੇ ਉਨ੍ਹਾਂ ਦੀ ਇੱਜ਼ਤ, ਉਨ੍ਹਾਂ ਦੇ ਨੈਤਿਕ ਵਿਸ਼ਵਾਸਾਂ ਅਤੇ ਪ੍ਰਮਾਤਮਾ ਵਿੱਚ ਵਿਸ਼ਵਾਸ ਨੂੰ ਲੁੱਟਣ ਲਈ ਘੁਟਾਲੇ ਕਰਦੇ ਹਨ।

ਮੈਨੂੰ ਇਸ ਦੁਨੀਆਂ ਦੇ ਸਾਰੇ ਮਨੁੱਖਾਂ ਲਈ ਬਹੁਤ ਅਫ਼ਸੋਸ ਹੈ, ਸਿਵਾਏ ਉਨ੍ਹਾਂ ਦੇ ਜੋ ਅਸਲੀ ਮਨੁੱਖ ਨਹੀਂ ਹਨ, ਪਰ ਮਨੁੱਖੀ ਸਰੀਰ ਰੱਖਦੇ ਹਨ, ਜਾਂ ਮਨੁੱਖਾਂ ਨੂੰ ਮਾਰ ਕੇ ਜੀਉਂਦੇ ਰਹਿਣ ਲਈ ਉਨ੍ਹਾਂ ਦੇ ਸਰੀਰ ਚੁੱਕ ਲੈਂਦੇ ਹਨ, ਮਨੁੱਖਾਂ ਦੀ ਬਚਾਅ ਲਈ ਕੀਤੀ ਗਈ ਮਿਹਨਤ ਨੂੰ ਚੂਸਦੇ ਹਨ ਅਤੇ ਉਨ੍ਹਾਂ ਨੂੰ ਭਰਮਾਉਂਦੇ ਹਨ, ਉਨ੍ਹਾਂ ਨੂੰ ਕਈ ਤਰੀਕਿਆਂ ਨਾਲ ਨੁਕਸਾਨ ਪਹੁੰਚਾਉਂਦੇ ਹਨ। ਮੈਨੂੰ ਸੱਚਮੁੱਚ ਉਨ੍ਹਾਂ 'ਤੇ ਤਰਸ ਨਹੀਂ ਆ ਰਿਹਾ। ਉਨ੍ਹਾਂ ਕੋਲ ਆਤਮਾਵਾਂ ਨਹੀਂ ਹਨ। ਉਹ ਸਿਰਫ਼ ਮਾੜੇ ਕੰਮ ਕਰਨ ਲਈ, ਦੂਜੇ ਮਨੁੱਖਾਂ ਨੂੰ ਨੁਕਸਾਨ ਪਹੁੰਚਾਉਣ ਲਈ ਇੱਕ ਮਨੁੱਖੀ ਸਰੀਰ ਉਧਾਰ ਲੈਂਦੇ ਹਨ। ਮੈਨੂੰ ਕਦੇ ਅਫ਼ਸੋਸ ਨਹੀਂ ਹੁੰਦਾ। ਜਦੋਂ ਵੀ ਮੈਂ ਉਨ੍ਹਾਂ ਨੂੰ ਤਬਾਹ ਕਰ ਸਕਦੀ ਹਾਂ, ਮੈਂ ਬਿਨਾਂ ਸੋਚੇ ਸਮਝੇ ਕਰਾਂਗੀ। ਕਿਉਂਕਿ ਮੈਂ ਉਨ੍ਹਾਂ ਨੂੰ ਇੱਕ ਜ਼ਿੰਦਗੀ ਦਾ ਰਸਤਾ ਵੀ ਦਿੰਦੀ ਹਾਂ - ਮੈਂ ਉਨ੍ਹਾਂ ਲਈ ਇੱਕ ਦੁਨੀਆ ਬਣਾਈ, ਪਰ ਉਨ੍ਹਾਂ ਨੇ ਇਸਨੂੰ ਸਵੀਕਾਰ ਨਹੀਂ ਕੀਤਾ। ਉਹ ਸਿਰਜਿਆ-ਹੋਇਆ ਸੰਸਾਰ ਤਿੰਨਾਂ ਸੰਸਾਰਾਂ ਤੋਂ ਵੀ ਉੱਪਰ ਹੈ, ਇਸ ਲਈ ਉਹ ਸੰਸਾਰ ਕਦੇ ਵੀ ਨਾਸ਼ ਨਹੀਂ ਹੋਵੇਗਾ। ਉਹ ਉੱਥੇ ਹਮੇਸ਼ਾ ਲਈ, ਸੁਤੰਤਰ, ਨਿਰਪੱਖ ਅਤੇ ਅਨੰਦ ਨਾਲ ਰਹਿ ਸਕਦੇ ਹਨ, ਬਿਨਾਂ ਮੈਨੂੰ ਜਾਂ ਕੁਝ ਵੀ ਵਾਪਸ ਕੀਤੇ। ਅਤੇ ਪ੍ਰਮਾਤਮਾ ਮੈਨੂੰ ਇਹ ਕਰਨ ਦੀ ਆਗਿਆ ਦਿੰਦਾ ਹੈ।

ਪਰ ਨਹੀਂ, ਉਨ੍ਹਾਂ ਵਿੱਚੋਂ ਕੁਝ ਸਿਰਫ਼ ਇਸ ਲਈ ਕਤਲ ਕਰਨ, ਮਾਰਨ ਅਤੇ ਦੂਜੇ ਜੀਵਾਂ ਨੂੰ ਨੁਕਸਾਨ ਪਹੁੰਚਾਉਣ ਦੀ ਬੁਰੀ ਆਦਤ ਨਾਲ ਜੁੜੇ ਰਹਿਣਾ ਚਾਹੁੰਦੇ ਹਨ ਕਿਉਂਕਿ ਉਹ ਦੁਖ-ਵਿਚ-ਮਜ਼ਾ-ਲੈਣ ਵਾਲੇ ਹਨ। ਉਹ ਇਹ ਸਭ ਕੁਝ ਮਜ਼ੇ ਲਈ ਜਾਂ ਉਨ੍ਹਾਂ ਮਨੁੱਖਾਂ ਤੋਂ ਬਦਲਾ ਲੈਣ ਲਈ ਕਰਦੇ ਹਨ ਜੋ ਉਨ੍ਹਾਂ ਦੀ ਦੁਸ਼ਟ ਉਦਾਹਰਣ ਦੀ ਪਾਲਣਾ ਨਹੀਂ ਕਰਦੇ। ਉਹ ਉਨ੍ਹਾਂ ਨੂੰ, ਜਾਂ ਕਿਸੇ ਵੀ ਸੰਤਾਂ ਅਤੇ ਰਿਸ਼ੀਆਂ ਨੂੰ ਤਬਾਹ ਕਰਨ ਦੀ ਕੋਸ਼ਿਸ਼ ਕਰਨਗੇ ਜੋ ਮਨੁੱਖਾਂ ਦੀ ਮਦਦ ਕਰਨ ਲਈ ਸਖ਼ਤ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਮਨੁੱਖਤਾ ਨੂੰ ਉੱਚਾ ਚੁੱਕਣ ਲਈ ਬਹੁਤ ਸਾਰੀਆਂ ਕੁਰਬਾਨੀਆਂ ਦੇ ਰਹੇ ਹਨ। ਉਹ ਉਨ੍ਹਾਂ ਨੂੰ ਪਸੰਦ ਨਹੀਂ ਕਰਦੇ। ਉਹ ਉਨ੍ਹਾਂ ਨੂੰ ਹਰ ਸੰਭਵ ਤਰੀਕੇ ਨਾਲ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਇਸੇ ਲਈ ਪ੍ਰਾਚੀਨ ਸਮੇਂ ਤੋਂ, ਬਹੁਤ ਸਾਰੇ ਗੁਰੂਆਂ ਨੂੰ ਇੰਨੇ ਬੇਰਹਿਮ ਤਰੀਕੇ ਨਾਲ ਮਾਰਿਆ ਗਿਆ ਹੈ, ਉਨ੍ਹਾਂ ਦੁਆਰਾ ਮਾਰਿਆ ਗਿਆ ਹੈ, ਕਿਉਂਕਿ ਉਹ ਸਲੀਬ 'ਤੇ ਚੜ੍ਹਾ ਰਹੇ ਹਨ, ਅਤੇ ਉਹ ਬਹੁਤ ਸਾਰੇ ਕਮਜ਼ੋਰ ਮਨੁੱਖਾਂ ਜਾਂ ਮਨੁੱਖਾਂ ਦੇ ਰੂਪ ਵਿੱਚ ਆਪਣੇ ਦੁਸ਼ਟ ਮੈਂਬਰਾਂ ਨੂੰ ਕਿਸੇ ਵੀ ਗੁਰੂ ਲਈ ਅਜਿਹੇ ਅੱਤਿਆਚਾਰ ਪੈਦਾ ਕਰਨ ਲਈ ਪ੍ਰਭਾਵਿਤ ਕਰਦੇ ਹਨ।

ਮੈਂ ਖੁਦ, ਹੁਣ ਤੱਕ ਆਪਣੀ ਜ਼ਿੰਦਗੀ ਦੌਰਾਨ, ਕਈ ਵਾਰ ਲਗਭਗ, ਮੇਰਾ ਮਤਲਬ ਹੈ, ਤੁਸੀਂ ਕਹਿ ਸਕਦੇ ਹੋ, ਸਲੀਬ ਦਿੱਤੀ ਗਈ। ਇਹ ਸਾਡੇ ਪ੍ਰਭੂ ਯਿਸੂ ਮਸੀਹ ਦੇ ਮਾਮਲੇ ਵਿੱਚ ਇਸ ਤਰ੍ਹਾਂ ਨਹੀਂ ਲੱਗਦਾ, ਪਰ ਇਹ ਬਸ ਉਹੀ ਹੈ, ਉਹੀ ਹੈ। ਉਹੀ ਦ੍ਰਿਸ਼ ਨਹੀਂ, ਪਰ ਉਹੀ ਮੁਸੀਬਤ, ਉਹੀ ਦੁੱਖ, ਸਰੀਰਕ, ਮਾਨਸਿਕ, ਮਨੋਵਿਗਿਆਨਕ, ਕਿਸੇ ਵੀ ਤਰ੍ਹਾਂ ਦਾ - ਅਤੇ ਮੇਰੇ ਬਹੁਤ ਸਾਰੇ ਕੰਮ ਵਿੱਚ ਦੇਰੀ ਕਰਨਾ ਅਤੇ ਮੇਰੀ ਕੁਝ ਅਧਿਆਤਮਿਕ ਸ਼ਕਤੀ ਨੂੰ ਵੀ ਬਰਬਾਦ ਕਰਨਾ। ਮੈਂ ਸੱਚਮੁੱਚ ਆਪਣੇ ਆਪ ਨੂੰ ਬਚਾਉਣ ਲਈ ਬਹੁਤ ਕੋਸ਼ਿਸ਼ ਕਰ ਰਹੀ ਹਾਂ ਤਾਂ ਜੋ ਮੈਂ ਪ੍ਰਮਾਤਮਾ ਦੇ ਮਿਸ਼ਨ ਨੂੰ ਜਾਰੀ ਰੱਖ ਸਕਾਂ ਅਤੇ ਇਸ ਸੰਸਾਰ ਵਿੱਚ ਮਨੁੱਖਾਂ ਦੀ ਮਦਦ ਕਰਦੀ ਰਹਿ ਸਕਾਂ। ਅਤੇ ਮੈਂ ਹੁਣ ਵੀ ਇੱਥੇ ਹਾਂ, ਪ੍ਰਮਾਤਮਾ ਦੀ ਸੁਰੱਖਿਆ ਦਾ ਧੰਨਵਾਦ, ਸਾਰੇ ਸੰਤਾਂ ਅਤੇ ਰਿਸ਼ੀ-ਮੁਨੀ ਅਤੇ ਯੋਗਤਾ ਦਾ ਧੰਨਵਾਦ, ਸਾਰੇ ਧਰਮ ਰੱਖਿਅਕਾਂ, ਰੱਖਿਆ ਰਾਜਾ, ਅਤੇ ਹੋਰ ਕਿਸੇ ਵੀ ਵਿਅਕਤੀ ਦਾ ਧੰਨਵਾਦ ਜੋ ਮੇਰੇ ਕੰਮ ਵਿੱਚ ਮਦਦ ਕਰਦੇ ਹਨ। ਮੈਂ ਹਮੇਸ਼ਾ ਲਈ ਕਰਜ਼ਦਾਰ ਹਾਂ। ਪ੍ਰਮਾਤਮਾ ਤੁਹਾਨੂੰ ਹਮੇਸ਼ਾ ਪਿਆਰ ਕਰੇ, ਤੁਹਾਨੂੰ ਸਭ ਤੋਂ ਵਧੀਆ ਸੰਭਵ ਅਸੀਸ, ਯੋਗਤਾ ਅਤੇ ਕਿਰਪਾ ਬਖਸ਼ੇ। ਆਮੇਨ।

ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਮੈਂ ਅੰਤ ਵਿੱਚ ਜਵਾਨੀ ਦੇ ਰਾਜੇ ਨੂੰ ਅਧਿਆਤਮਿਕ ਸੰਸਾਰ ਵਿੱਚ ਮਿਲ ਸਕੀ - ਧਰਤੀ ਉੱਤੇ, ਪਰ ਇੱਕ ਅਧਿਆਤਮਿਕ ਦ੍ਰਿਸ਼ ਵਿੱਚ, ਕਿਉਂਕਿ ਅਸੀਂ ਸਰੀਰਕ ਤੌਰ 'ਤੇ ਨਹੀਂ ਮਿਲ ਸਕਦੇ। ਸਾਡੇ ਕੋਲ ਹੋਰ ਵੀ ਰਾਜੇ ਹਨ ਜਿਨ੍ਹਾਂ ਨਾਲ ਮੈਂ ਗੱਲ ਕੀਤੀ ਹੈ ਅਤੇ ਮਿਲੀ ਹਾਂ, ਪਰ ਜਦੋਂ ਮੈਂ ਕਰ ਸਕਾਂਗੀ ਤਾਂ ਮੈਂ ਉਨ੍ਹਾਂ ਨੂੰ ਤੁਹਾਡੇ ਨਾਲ ਮਿਲਾਵਾਂਗੀ। ਮੇਰੀ ਜ਼ਿੰਦਗੀ ਬਹੁਤ ਵਿਅਸਤ ਹੈ, ਬਹੁਤ ਜ਼ਿਆਦਾ ਰੁਝੇਵਿਆਂ-ਭਰੀ ਹੈ, ਹਰ ਦਿਸ਼ਾ ਵਿੱਚ ਲੜ ਰਹੀ ਹਾਂ, ਆਪਣੇ ਆਪ ਨੂੰ ਅਖੰਡ, ਸਾਲਮ ਰੱਖ ਰਹੀ ਹਾਂ ਅਤੇ ਅਧਿਆਤਮਿਕ ਕੰਮ ਕਰ ਰਹੀ ਹਾਂ ਅਤੇ ਨਾਲ ਹੀ ਸੰਸਾਰ ਦੀ ਰੱਖਿਆ ਕਰ ਰਹੀ ਹਾਂ। ਇਸ ਲਈ ਮੈਂ ਹਮੇਸ਼ਾ ਉਹ ਸਭ ਕੁਝ ਨਹੀਂ ਕਰ ਸਕਦੀ ਜੋ ਮੈਂ ਕਰਨਾ ਚਾਹੁੰਦੀ ਹਾਂ, ਘੱਟ ਤੋਂ ਘੱਟ ਸਮੇਂ ਵਿੱਚ। ਮੈਨੂੰ ਉਮੀਦ ਹੈ ਅਤੇ ਮੈਨੂੰ ਲੱਗਦਾ ਹੈ ਕਿ ਤੁਸੀਂ ਸਮਝ ਗਏ ਹੋਵੋਗੇ। ਇਸ ਲਈ ਭਾਵੇਂ ਮੈਂ ਤੁਹਾਨੂੰ ਵਾਅਦਾ ਕੀਤਾ ਹੈ ਕਿ ਮੈਂ ਆਪਣੇ ਅਤੇ ਪਹਿਲੇ ਰਾਜੇ ਵਿਚਕਾਰ ਹੋਈ ਸਾਰੀ ਜਾਣਕਾਰੀ ਦੀ ਰਿਕਾਰਡਿੰਗ ਅਤੇ ਇਕੱਠੀ ਕਰਾਂਗੀ, ਪਰ ਹੁਣ ਤੱਕ, ਬਹੁਤ ਸਾਰੀਆਂ ਚੀਜ਼ਾਂ ਵਾਪਰ ਚੁੱਕੀਆਂ ਹਨ। ਇਸ ਲਈ ਕਿਰਪਾ ਕਰਕੇ ਕਿਸੇ ਵੀ ਪਲ ਜੋ ਵੀ ਮੈਂ ਪੇਸ਼ ਕਰ ਸਕਦੀ ਹਾਂ, ਉਸਨੂੰ ਸਵੀਕਾਰ ਕਰੋ।

ਅਤੇ ਦੁਨੀਆਂ ਨੂੰ ਬਚਾਉਣ ਲਈ, ਮਨੁੱਖਾਂ ਨੂੰ ਬਚਾਉਣ ਲਈ ਪ੍ਰਮਾਤਮਾ ਦਾ ਕੰਮ ਕਰਨ ਲਈ, ਕਈ ਤਰੀਕਿਆਂ ਨਾਲ ਮੇਰੀ ਮਦਦ ਕਰਨ ਲਈ ਤੁਹਾਡਾ ਬਹੁਤ ਧੰਨਵਾਦ। ਮੈਂ ਤੁਹਾਡਾ ਦਿਲ ਦੀਆਂ ਗਹਿਰਾਈਆਂ ਤੋਂ ਧੰਨਵਾਦ ਕਰਦੀ ਹਾਂ। ਮੈਂ ਨਾ ਸਿਰਫ਼ ਆਪਣੀ ਟੀਮ ਦੇ ਮੈਂਬਰਾਂ, ਇੰਨ-ਹਾਉਜ਼ ਮੈਂਬਰਾਂ ਅਤੇ ਦੂਰ-ਦੁਰਾਡੇ ਦੀਆਂ ਟੀਮਾਂ ਦਾ, ਸਗੋਂ ਬਹੁਤ ਸਾਰੇ ਸੰਬੰਧਿਤ ਪ੍ਰਮਾਤਮਾ ਦੇ ਪੈਰੋਕਾਰਾਂ ਦਾ ਧੰਨਵਾਦ ਕਰਦੀ ਹਾਂ ਜਿਨ੍ਹਾਂ ਨੇ ਇਸ ਸੰਸਾਰ ਨੂੰ ਬਚਾਉਣ ਲਈ ਸਾਡੇ ਸ਼ਾਨਦਾਰ ਪ੍ਰੋਜੈਕਟ ਦੀ ਮਦਦ ਕਰਨ ਵਿੱਚ ਹੱਥ ਵਟਾਇਆ ਹੈ। ਪਰ ਮੈਂ ਉਨ੍ਹਾਂ ਅਖੌਤੀ ਗੈਰ-ਪੈਰੋਕਾਰਾਂ ਦਾ ਵੀ ਧੰਨਵਾਦ ਕਰਦੀ ਹਾਂ, ਜੋ ਹਰ ਤਰ੍ਹਾਂ ਦੇ ਮੌਸਮ ਵਿੱਚ ਸੜਕਾਂ 'ਤੇ ਪ੍ਰਦਰਸ਼ਨ ਕਰਦੇ ਹਨ ਤਾਂ ਜੋ ਬੇਜ਼ੁਬਾਨ ਜਾਨਵਰ-ਲੋਕਾਂ - ਉਨ੍ਹਾਂ ਦੀ ਦੁਰਦਸ਼ਾ, ਉਨ੍ਹਾਂ ਦੀਆਂ ਬੇਇਨਸਾਫ਼ੀਆਂ, ਅਤੇ ਮਨੁੱਖਾਂ ਦੀ ਮਦਦ ਕਰਨ ਲਈ ਕਈ ਤਰ੍ਹਾਂ ਦੇ ਹੋਰ ਸੰਗਠਿਤ ਜਾਂ ਵਿਅਕਤੀਗਤ ਯਤਨਾਂ ਲਈ ਆਵਾਜ਼ ਉਠਾਈ ਜਾ ਸਕੇ।

ਅਸੀਂ ਕਾਫ਼ੀ ਸੂਚੀਬੱਧ ਨਹੀਂ ਕਰ ਸਕਦੇ, ਇੱਥੋਂ ਤੱਕ ਕਿ ਬੱਚਿਆਂ ਦੇ ਅਗਵਾਕਾਰਾਂ ਦੇ ਵਿਰੁੱਧ, ਗਰਭ ਵਿੱਚ ਭਰੂਣ ਹੱਤਿਆ ਦੇ ਵਿਰੁੱਧ, ਕਿਤੇ ਵੀ ਗੈਰ-ਵਾਜਬ ਯੁੱਧਾਂ ਦੇ ਵਿਰੁੱਧ, ਯੁੱਧ ਪੀੜਤਾਂ, ਆਫ਼ਤ ਪੀੜਤਾਂ ਦੀ ਮਦਦ ਕਰਨ, ਅਤੇ ਸ਼ੁੱਧ-ਦਿਲ ਵਾਲੇ ਵਿਗਿਆਨਕ ਲੋਕਾਂ ਅਤੇ ਅਸਲੀ ਵਿਗਿਆਨੀਆਂ, ਹਰ ਤਰ੍ਹਾਂ ਦੇ ਵਿਅਕਤੀਆਂ ਦੀਆਂ ਕਾਢਾਂ ਦਾ ਸਮਰਥਨ ਕਰਨ ਵਾਲੇ - ਮੈਂ ਉਨ੍ਹਾਂ ਦੀ ਕਰਜ਼ਦਾਰ ਹਾਂ। ਮੈਂ ਤੁਹਾਡਾ ਸਾਰਿਆਂ ਦਾ ਧੰਨਵਾਦ ਕਰਦੀ ਹਾਂ। ਤੁਹਾਡਾ ਸਾਰਿਆਂ ਦਾ ਧੰਨਵਾਦ। ਭਾਵੇਂ ਮੈਂ ਤੁਹਾਡਾ ਸਾਰਿਆਂ ਦਾ ਜ਼ਿਕਰ ਨਹੀਂ ਕਰ ਸਕਦੀ, ਮੈਂ ਤੁਹਾਡਾ ਧੰਨਵਾਦ ਕਰਦੀ ਹਾਂ। ਪ੍ਰਮਾਤਮਾ ਤੁਹਾਨੂੰ ਬਹੁਤ, ਬਹੁਤ ਕਈ ਗੁਣਾ ਅਸੀਸ ਦੇਵੇ।

ਉਨ੍ਹਾਂ ਵਾਂਗ ਜੋ ਲੋੜ ਪੈਣ 'ਤੇ ਮੁਸ਼ਕਲ ਅਤੇ ਖ਼ਤਰਨਾਕ ਸਥਿਤੀਆਂ ਵਿੱਚ ਮਨੁੱਖਾਂ ਨੂੰ ਬਚਾਉਂਦੇ ਹਨ, ਜਾਨਵਰ-ਲੋਕਾਂ ਨੂੰ ਬਚਾਉਂਦੇ ਹਨ, ਜਾਨਵਰ-ਲੋਕਾਂ ਦੀ ਦੇਖਭਾਲ ਕਰਦੇ ਹਨ, ਜਾਨਵਰ-ਲੋਕਾਂ ਦੀ ਵਕਾਲਤ ਕਰਦੇ ਹਨ - ਉਨ੍ਹਾਂ ਦੇ ਦਿਆਲੂ ਇਲਾਜ ਲਈ। ਅਸੀਂ ਇਨ੍ਹਾਂ ਸਾਰੇ ਸ਼ਾਂਤ ਨਾਇਕਾਂ ਦੀ ਸੂਚੀ ਕਦੇ ਵੀ ਕਾਫ਼ੀ ਨਹੀਂ ਦੇ ਸਕਦੇ। ਪੁਲਿਸ ਵਾਲੇ, ਅੱਗ-ਬੁਝਾਉਣ ਵਾਲੇ ਵੀ, ਉਹ ਬਹੁਤ ਸਾਰੇ ਮਨੁੱਖਾਂ, ਬਹੁਤ ਸਾਰੇ ਜਾਨਵਰ-ਲੋਕਾਂ, ਅਣਗਿਣਤ ਜਾਨਵਰ-ਲੋਕਾਂ ਨੂੰ ਬਚਾਉਣ ਲਈ ਅਤੇ ਹੋਰ ਬਹੁਤ ਸਾਰੇ ਕੰਮ ਜੋ ਉਹ ਕਰਦੇ ਹਨ ਆਪਣੀਆਂ ਜਾਨਾਂ ਜੋਖਮ ਵਿੱਚ ਪਾਉਂਦੇ ਹਨ ਜਿਨ੍ਹਾਂ ਨੂੰ ਇੱਥੇ ਸੂਚੀਬੱਧ ਕਰਨ ਲਈ ਸਾਡੇ ਕੋਲ ਇੰਨਾ ਸਮਾਂ ਵੀ ਨਹੀਂ ਹੈ। ਮੈਂ ਤੁਹਾਡਾ ਸਾਰਿਆਂ ਦਾ ਧੰਨਵਾਦ ਕਰਦੀ ਹਾਂ।

ਮੈਂ ਉਨ੍ਹਾਂ ਆਮ ਮਨੁੱਖਾਂ ਦਾ ਵੀ ਧੰਨਵਾਦ ਕਰਦੀ ਹਾਂ ਜੋ ਸਿਰਫ਼ ਆਪਣੇ ਕੰਮ ਨੂੰ ਧਿਆਨ ਵਿੱਚ ਰੱਖਦੇ ਹਨ, ਆਪਣੇ ਪੇਸ਼ੇ ਵਿੱਚ ਆਪਣਾ ਚੰਗਾ ਕੰਮ ਕਰਦੇ ਹਨ, ਅਤੇ ਇਸ ਸੰਸਾਰ ਨੂੰ ਭੌਤਿਕ, ਭੌਤਿਕ ਤੌਰ 'ਤੇ ਬਣਾਉਣ ਵਿੱਚ ਮਦਦ ਕਰਦੇ ਹਨ, ਤਾਂ ਜੋ ਸਾਰਿਆਂ ਕੋਲ ਰਹਿਣ ਲਈ ਇੱਕ ਆਰਾਮਦਾਇਕ ਜਗ੍ਹਾ, ਇੱਕ ਸੁਰੱਖਿਅਤ ਘਰ ਅਤੇ ਆਪਣੀ ਸਿਹਤ ਲਈ ਡਾਕਟਰੀ ਦੇਖਭਾਲ ਹੋਵੇ। ਪ੍ਰਮਾਤਮਾ ਤੁਹਾਨੂੰ ਸਾਰਿਆਂ ਨੂੰ ਬਹੁਤ-ਬਹੁਤ ਅਸੀਸ ਦੇਵੇ। ਅਤੇ ਤੁਹਾਨੂੰ ਸ਼ਾਂਤੀ, ਪਿਆਰ, ਅਤੇ ਕੋਈ ਵੀ ਚੰਗੀ ਚੀਜ਼ ਮਿਲੇ ਜੋ ਤੁਸੀਂ ਚਾਹੁੰਦੇ ਹੋ। ਆਮੇਨ।

ਅਸੀਂ ਆਪਣੇ ਇਕਲੌਤੇ ਪਿਤਾ, ਮਾਤਾ-ਪਿਤਾ, MAPA, ਸਰਬਸ਼ਕਤੀਮਾਨ ਪ੍ਰਮਾਤਮਾ, ਪ੍ਰਮਾਤਮਾ, ਅਤਿਅੰਤ ਸ਼ਕਤੀਸ਼ਾਲੀ, ਸਾਰੇ ਬ੍ਰਹਿਮੰਡਾਂ ਦੇ ਇਕਲੌਤੇ ਪ੍ਰਮਾਤਮਾ ਦਾ ਧੰਨਵਾਦ ਕਰਦੇ ਹਾਂ, ਸਾਨੂੰ ਹਮੇਸ਼ਾ, ਹਮੇਸ਼ਾ ਅਤੇ ਹਮੇਸ਼ਾ ਲਈ ੳਨਾਂ ਦਾ ਧੰਨਵਾਦ ਕਰਨਾ ਚਾਹੀਦਾ ਹੈ। ਪ੍ਰਮਾਤਮਾ ਸਾਨੂੰ ਅਸੀਸ ਦੇਵੇ, ਸਾਨੂੰ ਲਗਾਤਾਰ ਪਿਆਰ ਕਰੇ, ਅਤੇ ਸਾਨੂੰ ਅਧਿਆਤਮਿਕ ਤੌਰ 'ਤੇ ਉੱਚਾ ਚੁੱਕੇ ਤਾਂ ਜੋ ਅਸੀਂ ਸਾਰੇ ਉਨਾਂ ਨੂੰ ਯਾਦ ਰੱਖ ਸਕੀਏ ਅਤੇ ਪ੍ਰਮਾਤਮਾ ਦੁਆਰਾ ਨਿਯੁਕਤ-ਕੀਤੇ ਗਏ ਕਿਸੇ ਵੀ ਗਿਆਨਵਾਨ ਗੁਰੂ ਦੁਆਰਾ ਘਰ ਜਾਣ ਦਾ ਰਸਤਾ ਜਾਣ ਸਕੀਏ।

ਤੁਹਾਨੂੰ ਮੇਰੇ ਪਿੱਛੇ ਚੱਲਣ ਦੀ ਲੋੜ ਨਹੀਂ ਹੈ ਕਿਉਂਕਿ ਹੋ ਸਕਦਾ ਹੈ ਕਿ ਇਹ ਤੁਹਾਡਾ ਸਮਾਂ ਨਾ ਹੋਵੇ ਕਿ ਤੁਸੀਂ ਘਰ ਜਾਣ ਲਈ ਪ੍ਰਮਾਤਮਾ ਦੀ ਸਿੱਖਿਆ ਨੂੰ ਅਪਣਾਓ। ਹੋ ਸਕਦਾ ਹੈ ਕਿ ਤੁਹਾਡੇ ਕੋਲ ਅਜੇ ਵੀ ਇਸ ਗ੍ਰਹਿ 'ਤੇ ਕੰਮ ਕਰਨਾ ਬਾਕੀ ਹੈ ਅਤੇ ਤੁਸੀਂ ਅਜੇ ਘਰ ਨਹੀਂ ਜਾਣਾ ਚਾਹੁੰਦੇ। ਇਹ ਠੀਕ ਹੈ। ਬਸ ਨੈਤਿਕ ਤੌਰ 'ਤੇ ਤੰਦਰੁਸਤ ਰਹੋ। ਪ੍ਰਭੂ ਯਿਸੂ, ਬੁੱਧ ਅਤੇ ਹੋਰ ਬਹੁਤ ਸਾਰੇ ਗੁਰੂਆਂ ਵਰਗੇ ਪੁਰਾਣੇ ਗੁਰੂਆਂ ਦੀਆਂ ਸਿੱਖਿਆਵਾਂ ਨੂੰ ਪੜ੍ਹੋ - ਅਸੀਂ ਇੱਥੇ ਉਨ੍ਹਾਂ ਸਾਰਿਆਂ ਦੀ ਸੂਚੀ ਵੀ ਨਹੀਂ ਦੇ ਸਕਦੇ। ਅਤੇ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਦੇਖੋ। ਇਸ ਤੋਂ ਜੋ ਸਿੱਖ ਸਕਦੇ ਹੋ ਸਿੱਖੋ। ਆਪਣੀ ਜਾਨ ਦੀ ਰੱਖਿਆ ਕਰੋ, ਆਪਣੇ ਬੱਚਿਆਂ ਦੀ ਰੱਖਿਆ ਕਰੋ, ਆਪਣੇ ਨੈਤਿਕ ਤੌਰ 'ਤੇ ਤੰਦਰੁਸਤ, ਪ੍ਰਮਾਤਮਾ-ਵਿਸ਼ਵਾਸੀ ਜੀਵਨ ਢੰਗ ਦੀ ਰੱਖਿਆ ਕਰੋ। ਕਿਰਪਾ ਕਰਕੇ, ਜੋ ਵੀ ਚੰਗਾ ਹੈ, ਜੇ ਤੁਸੀਂ ਕਰ ਸਕਦੇ ਹੋ, ਤਾਂ ਇਸਨੂੰ ਹੁਣੇ ਕਰੋ, ਤੁਰੰਤ। ਜੋ ਵੀ ਬੁਰਾ ਹੈ, ਆਪਣੀ ਜ਼ਮੀਰ ਦੇ ਵਿਰੁੱਧ, ਉਸਨੂੰ ਰੋਕੋ, ਇਸ ਤੋਂ ਦੂਰ ਰਹੋ। ਤੁਹਾਨੂੰ ਬੱਸ ਇਹੀ ਕਰਨਾ ਹੈ: ਪ੍ਰਮਾਤਮਾ 'ਤੇ ਭਰੋਸਾ ਰੱਖੋ, ਚੰਗਾ ਕਰੋ, ਨੈਤਿਕ ਤੌਰ 'ਤੇ ਤੰਦਰੁਸਤ ਰਹੋ। ਜੇਕਰ ਤੁਸੀਂ ਇਸ ਦੁਨੀਆਂ ਵਿੱਚ ਜਾਂ ਕਿਸੇ ਹੋਰ ਦੁਨੀਆਂ ਵਿੱਚ ਸ਼ਾਂਤੀ, ਖੁਸ਼ੀ, ਸੰਤੁਸ਼ਟੀ ਅਤੇ ਸੁਰੱਖਿਅਤ ਢੰਗ ਨਾਲ ਰਹਿਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਬੱਸ ਇਹੀ ਕਰਨਾ ਪਵੇਗਾ। ਪ੍ਰਮਾਤਮਾ ਸਾਨੂੰ ਸਾਰਿਆਂ ਨੂੰ ਅਸੀਸ ਦੇਵੇ। ਆਮੇਨ।

Photo Caption: "ਆਹ, ਨਿਊਂ ਲੈਂਡ ਆਸ਼ਰਮ। ਤਾਈਵਾਨ, ਧੰਨ ਅਧਿਆਤਮਿਕ ਸਥਾਨ!"

ਫੋਟੋ ਡਾਊਨਲੋਡ ਕਰੋ