ਮਾਤਮਾ ਨੂੰ ਜਾਣਨ ਲਈ, ਸਾਨੂੰ ਪ੍ਰਮਾਤਮਾ ਹੋਣਾ ਚਾਹੀਦਾ ਹੈ, ਗਿਆਰਾਂ ਹਿਸਿਆਂ ਦਾ ਤੀਸਰਾ ਭਾਗ।

ਇਸ ਐਪੀਸੋਡ ਵਿੱਚ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਸਮਝਾਉਂਦੇ ਹਨ ਕਿ ਕਿਵੇਂ ਪ੍ਰਮਾਤਮਾ ਵਿੱਚ ਪੂਰਨ ਵਿਸ਼ਵਾਸ ਸਵਰਗ ਦੀ ਦੌਲਤ ਅਤੇ ਸਾਡੀਆਂ ਪ੍ਰਤਿਭਾਵਾਂ ਨੂੰ ਪ੍ਰਗਟ ਕਰਨ ਦਿੰਦਾ ਹੈ, ਅਤੇ ਪਿਆਰ ਅਤੇ ਚੰਗਿਆਈ ਦੁਆਰਾ ਦਿਲ ਕਿਉਂ ਜਿੱਤੇ ਜਾਣੇ ਚਾਹੀਦੇ ਹਨ।

ਅਤੇ ਇਕ ਬਹੁਤ ਸਮਾਂ ਪਹਿਲਾਂ, ਜਦੋਂ ਮੈਂ ਪਹਿਲੀ ਵਾਰ ਇਟਲੀ ਆਈ ਸੀ, ਮੈਂ ਰੇਲਗੱਡੀ ਵਿੱਚ ਕਿਸੇ ਨੂੰ ਮਿਲੀ ਸੀ - ਇੱਕ ਬਜ਼ੁਰਗ ਔਰਤ। ਅਤੇ ਉਸਨੇ ਮੈਨੂੰ ਆਪਣੇ ਘਰ ਬੁਲਾਇਆ ਅਤੇ ਕੁਝ ਦਿਨਾਂ ਲਈ ਮੇਰੇ ਨਾਲ ਆਪਣੇ ਘਰ ਦੇ ਸਭ ਤੋਂ ਵੱਡੇ ਮਹਿਮਾਨ ਵਾਂਗ ਪੇਸ਼ ਆਈ। ਅਤੇ ਸਾਰੇ ਪਰਿਵਾਰ ਨੇ ਵੀ ਇਹੀ ਕੀਤਾ। ਬਿਨਾਂ ਕਿਸੇ ਕਾਰਨ ਦੇ। ਉਹ ਬਸ ਦਿਆਲਤਾ ਅਤੇ ਪਿਆਰ ਨਾਲ ਪੈਦਾ ਹੋਏ ਹਨ। ਇਸ ਲਈ ਇਹ ਸਾਰੀਆਂ ਗੱਲਾਂ ਫਿਰ ਵਾਪਰੀਆਂ ਜਦੋਂ ਮੈਂ ਇਟਲੀ ਵਾਪਸ ਆਈ ਸੀ। ਅਤੇ ਕਿਉਂਕਿ ਮੈਂ ਇੱਥੇ ਬਹੁਤ ਸਮੇਂ ਤੋਂ ਨਹੀਂ ਆਈ, ਮੈਂ ਭੁੱਲ ਗਈ ਹਾਂ। ਅਤੇ ਇਹ ਪਹਿਲੀ ਵਾਰ ਵਾਂਗ ਜਾਪਦਾ ਸੀ। ਸਾਡੇ ਸਾਰਿਆਂ ਵਾਂਗ, ਜਦੋਂ ਸਾਨੂੰ ਪਹਿਲੀ ਵਾਰ ਸਵਰਗ ਨਾਲ ਜਾਣੂ ਕਰਵਾਇਆ ਜਾਵੇਗਾ, ਤਾਂ ਅਸੀਂ ਵੀ ਸੋਚਾਂਗੇ ਕਿ ਇਹ ਪਹਿਲੀ ਵਾਰ ਹੈ।

ਮੈਨੂੰ ਲੱਗਦਾ ਹੈ ਕਿ [ਪ੍ਰਭੂ] ਯਿਸੂ ਮਸੀਹ ਨੇ ਇਸ ਧਰਤੀ 'ਤੇ ਇੱਕ ਬਹੁਤ ਵੱਡਾ ਪ੍ਰਭਾਵ ਛੱਡਿਆ ਹੈ, ਹਾਲਾਂਕਿ ਪ੍ਰਭੂ ਸਾਨੂੰ ਲਗਭਗ 2000 ਸਾਲ ਪਹਿਲਾਂ ਛੱਡ ਗਏ ਹਨ। ਇਸ ਲਈ ਹਰ ਚੰਗੀ ਚੀਜ਼, ਭਾਵੇਂ ਇਹ ਪੁਰਾਣੀ ਹੋਵੇ, ਹਮੇਸ਼ਾ ਉਪਯੋਗੀ ਹੁੰਦੀ ਹੈ। ਅਤੇ ਹਰ ਵਾਰ ਜਦੋਂ ਅਸੀਂ ਲੋਕਾਂ ਨਾਲ ਦਿਆਲਤਾ ਨਾਲ ਪੇਸ਼ ਆਉਂਦੇ ਹਾਂ, ਅਸੀਂ ਆਪਣੇ ਅਤੇ ਉਸ ਵਿਅਕਤੀ ਦੇ ਵਿਚਕਾਰ, ਅਤੇ ਆਲੇ ਦੁਆਲੇ ਦੇ ਮਾਹੌਲ ਵਿੱਚ ਵੀ ਇੱਕ ਵੱਡਾ ਸਵਰਗ ਬਣਾ ਲਿਆ ਹੈ। ([ਪ੍ਰਭੂ] ਯਿਸੂ ਨੇ ਦੁਨੀਆਂ ਨੂੰ ਐਟਮ ਬੰਬ, ਰੇਡੀਓਐਕਟਿਵ ਮਿਜ਼ਾਈਲ ਨਾਲ ਨਹੀਂ ਜਿੱਤ‌ਿਆ ਸੀ, ਪਰ ਉਨਾਂ ਨੇ ਪਿਆਰ ਨਾਲ ਜਿੱਤਿਆ ਹੈ। ਅਤੇ ਇਹੀ ਉਹ ਹੈ ਜੋ, ਬਦਕਿਸਮਤੀ ਨਾਲ, ਸਾਡੇ ਵਿੱਚੋਂ ਕਈਆਂ ਨੇ ਬਹੁਤ ਚੰਗੀ ਤਰ੍ਹਾਂ ਨਹੀਂ ਸਿੱਖਿਆ ਹੈ।

ਜੇਕਰ ਦੁਨੀਆਂ ਦੇ ਹਰ ਕੋਈ ਇਤਾਲਵੀ ਲੋਕਾਂ ਵਾਂਗ ਵਿਹਾਰ ਕਰਦਾ ਹੁੰਦਾ, ਤਾਂ ਸਾਡੇ ਕੋਲ ਹਰ ਦੇਸ਼ ਲਈ ਘੱਟ ਜੰਗ, ਵਧੇਰੇ ਸ਼ਾਂਤੀ ਅਤੇ ਵਧੇਰੇ ਖੁਸ਼ਹਾਲੀ ਹੋਵੇਗੀ। ਜਦੋਂ ਤੋਂ ਪ੍ਰਭੂ ਯਿਸੂ ਸਾਨੂੰ ਛੱਡ ਕੇ ਚਲੇ ਗਏ ਹਨ, ਸਾਡੇ ਵਿੱਚੋਂ ਕੁਝ ਭੁੱਲ ਗਏ ਹਨ ਕਿ ਪ੍ਰਮਾਤਮਾ ਦੇ ਰਾਹ 'ਤੇ ਕਿਵੇਂ ਚੱਲਣਾ ਹੈ, ਪ੍ਰਮਾਤਮਾ ਦੇ ਗੁਣਾਂ ਵਿੱਚ ਕਿਵੇਂ ਕੰਮ ਕਰਨਾ ਹੈ, ਇਹ ਵੀ ਕਿਵੇਂ ਯਾਦ ਰੱਖਣਾ ਹੈ ਕਿ ਅਸੀਂ ਪ੍ਰਮਾਤਮਾ ਦਾ ਹਿੱਸਾ ਹਾਂ। ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਇਤਾਲਵੀ ਲੋਕ ਪ੍ਰਮਾਤਮਾ ਨੂੰ ਬਹੁਤ ਚੰਗੀ ਤਰ੍ਹਾਂ ਯਾਦ ਕਰਦੇ ਹਨ। ਮੇਰੇ ਲਈ ਇੱਥੇ ਆ ਕੇ ਮਨੁੱਖਜਾਤੀ ਉੱਤੇ ਪ੍ਰਭੂ ਯਿਸੂ ਦੀਆਂ ਸਿੱਖਿਆਵਾਂ ਦੇ ਸ਼ਾਨਦਾਰ, ਅਦੁਭਤ ਪ੍ਰਭਾਵ ਨੂੰ ਦੇਖਣਾ ਬਹੁਤ ਖੁਸ਼ੀ ਦੀ ਗੱਲ ਹੈ। ਕੀ ਅਸੀਂ ਦੇਖ ਸਕਦੇ ਹਾਂ ਕਿ ਇੱਕ ਵਿਅਕਤੀ ਗ੍ਰਹਿ ਦੀ ਪੂਰੀ ਨਸਲ ਉੱਤੇ, ਜਾਂ ਘੱਟੋ ਘੱਟ ਇਸ ਗ੍ਰਹਿ ਦੇ ਕੁਝ ਹਿੱਸਿਆਂ ਵਿੱਚ ਕਿੰਨਾ ਵੱਡਾ ਪ੍ਰਭਾਵ ਪਾ ਸਕਦਾ ਹੈ? ਖਾਸ ਕਰਕੇ ਇਟਲੀ ਵਿੱਚ।

ਇਸ ਲਈ ਇੱਕ ਉਦਾਹਰਣ ਹਮੇਸ਼ਾ ਸਿਧਾਂਤ ਦੀਆਂ ਇੱਕ ਹਜ਼ਾਰ ਕਿਤਾਬਾਂ ਨਾਲੋਂ ਬਿਹਤਰ ਹੁੰਦੀ ਹੈ। ਸਿਰਫ਼ ਪਿਆਰ ਹੀ ਇਕ ਇੰਨਾ ਵੱਡਾ, ਚਿਰਸਥਾਈ ਪ੍ਰਭਾਵ ਪਾ ਸਕਦਾ ਹੈ। ਇਤਾਲਵੀ ਲੋਕਾਂ ਲਈ, ਮੈਂ ਸਿਰਫ਼ ਤੁਹਾਡੀ ਪ੍ਰਸ਼ੰਸਾ ਕਰ ਸਕਦੀ ਹਾਂ ਅਤੇ ਤੁਹਾਨੂੰ ਜਾਣ ਕੇ ਮੇਰਾ ਡੂੰਘਾ ਸਤਿਕਾਰ ਅਤੇ ਖੁਸ਼ੀ ਹੈ। ਪ੍ਰਭੂ ਨੇ ਤੁਹਾਨੂੰ ਬਹੁਤ ਅਸੀਸ ਦਿੱਤੀ ਹੈ, ਅਤੇ ਇਹ ਤੁਹਾਡੇ ਸੱਭਿਆਚਾਰ ਵਿੱਚ, ਤੁਹਾਡੀ ਆਰਕੀਟੈਕਚਰ ਵਿੱਚ, ਤੁਹਾਡੇ ਕਲਾਤਮਕ ਖਜ਼ਾਨੇ ਵਿੱਚ ਵੀ ਪ੍ਰਗਟ ਹੁੰਦਾ ਹੈ ਜੋ ਤੁਹਾਡੇ ਸਥਾਨਾਂ 'ਤੇ ਉਸ ਸਮੇਂ ਦੌਰਾਨ ਛਾਪਿਆ ਗਿਆ ਹੈ ਜਦੋਂ ਤੋਂ ਪ੍ਰਭੂ ਯਿਸੂ ਨੇ ਤੁਹਾਡੀ ਧਰਤੀ ਨੂੰ ਆਪਣੀ ਸਿੱਖਿਆ ਨਾਲ ਸਜਾਇਆ ਹੈ।

ਆਧੁਨਿਕ ਸਮੇਂ ਵਿੱਚ ਵੀ, ਬਹੁਤ ਸਾਰੇ ਕਲਾਕਾਰ ਤੁਹਾਡੀ ਧਰਤੀ ਤੋਂ ਉੱਭਰੇ ਹਨ ਅਤੇ ਆਪਣੀ ਸੁੰਦਰਤਾ ਦੇ ਪਿਆਰ ਨਾਲ ਦੁਨੀਆ ਨੂੰ ਜਿੱਤ ਲਿਆ, ਅਤੇ ਤੁਸੀਂ ਚੰਗੀ ਤਰ੍ਹਾਂ ਜਾਣਦੇ ਹੋ - ਬਹੁਤ ਸਾਰੇ ਮਸ਼ਹੂਰ ਕਲਾਕਾਰ ਇਤਾਲਵੀ ਹਨ। ਇਸ ਲਈ ਦੁਨੀਆਂ ਦੇ ਲੋਕਾਂ ਨੂੰ ਇਸ ਉਦਾਹਰਣ ਤੋਂ ਸਿੱਖਣਾ ਚਾਹੀਦਾ ਹੈ ਕਿ ਸਾਨੂੰ ਕਿਸੇ ਹੋਰ ਦਾ ਦਿਲ ਚੰਗਿਆਈ ਨਾਲ, ਪਿਆਰ ਨਾਲ, ਸੁੰਦਰਤਾ ਨਾਲ, ਨੇਕੀ ਨਾਲ ਜਿੱਤਣਾ ਚਾਹੀਦਾ ਹੈ, ਹਥਿਆਰਾਂ ਨਾਲ ਨਹੀਂ। ਤੁਸੀਂ ਜਾਣਦੇ ਹੋ ਕਿ ਤੁਹਾਡੇ ਕਲਾਕਾਰਾਂ ਨੇ ਆਪਣੀਆਂ ਪ੍ਰਤਿਭਾਵਾਂ ਨਾਲ, ਸੁੰਦਰ ਫੈਸ਼ਨ ਨਾਲ, ਗਹਿਣਿਆਂ ਨਾਲ, ਵਧੀਆ ਅਵਸ਼ੇਸ਼ਾਂ ਨਾਲ, ਅਤੇ ਬਹੁਤ ਸਾਰੀਆਂ ਸੁੰਦਰ ਪੇਂਟਿੰਗਾਂ, ਮੂਰਤੀਆਂ, ਅਤੇ ਇਸ ਤਰ੍ਹਾਂ ਦੇ ਹੋਰ ਬਹੁਤ ਸਾਰੇ ਤਰੀਕਿਆਂ ਨਾਲ ਦੁਨੀਆਂ ਨੂੰ ਜਿੱਤ ਲਿਆ ਹੈ। ਪਿਕਾਸੋ ਨਾਲ... ਕੀ ਉਹ ਇਤਾਲਵੀ ਹੈ, ਵੈਸੇ? ਨਹੀਂ, ਉਹ ਨਹੀਂ ਹੈ? (ਨਹੀਂ।) ਨਾਮ ਤਾਂ ਇਸ ਤਰ੍ਹਾਂ ਹੀ ਲੱਗਦਾ ਹੈ। ਮੈਂ ਚਾਹੁੰਦੀ ਹਾਂ ਕਿ ਉਹ ਅਜਿਹਾ ਹੋਵੇ। ਠੀਕ ਹੈ, ਮਾਈਕਲਐਂਜਲੋ, ਠੀਕ ਹੈ? ਉਦਾਹਰਣ ਵਜੋਂ, ਉਹ ਹੋਰ ਵੀ ਵੱਡਾ ਹੈ। ਅਤੇ ਸਾਰੀ ਦੁਨੀਆਂ ਨੂੰ ਇੱਥੇ ਆਉਣਾ ਪਵੇਗਾ। ਸਾਰੀ ਦੁਨੀਆ ਨੂੰ ਇਹਨਾਂ ਮਾਸਟਰਪੀਸਾਂ ਦੀ ਪ੍ਰਸ਼ੰਸਾ ਕਰਨ ਲਈ ਇੱਥੇ ਆਉਣਾ ਪਵੇਗਾ, ਬਿਲਕੁਲ ਤੁਹਾਡੀ ਧਰਤੀ ਦੇ ਦਿਲ ਵਿੱਚ। ਨਹੀਂ, ਨਹੀਂ, ਇਹ ਨਹੀਂ ਹੈ। ਮਾਫ਼ ਕਰਨਾ। ਗਲਤੀ। 'O' ਵਾਲੀ ਹਰ ਚੀਜ਼, 'ਆਈ' ਵਾਲੀ, ਮੈਨੂੰ ਲੱਗਦਾ ਸੀ ਕਿ ਇਹ ਇਤਾਲਵੀ ਹੈ। ਬਰਟੂਚੀਨੀ, ਮਾਈਕਲਐਂਜਲੋ, ਆਦਿ। ਲੈਂਬੋਰਗਿਨੀ ਬਾਰੇ ਕੀ? ਇਹ ਕਿਵੇਂ ਹੈ? ਕੀ ਇਹ ਇਤਾਲਵੀ ਹੈ? ਤੁਹਾਨੂੰ ਪਤਾ ਹੈ ਕਿ ਇਸਦੀ ਕੀਮਤ ਕਿੰਨੀ ਹੈ? ਤਿੰਨ ਲੱਖ ਅਮਰੀਕਨ ਡਾਲਰ। ਸਭ ਤੋਂ ਮਹਿੰਗ‌ੀਆਂ ਵਿੱਚੋਂ ਇੱਕ। ਅਤੇ ਫਰਾਰੀ। ਸਭ ਤੋਂ ਮਸ਼ਹੂਰ, ਸਭ ਤੋਂ ਮਹਿੰਗੀ। ਇਟਲੀ ਵਿੱਚ ਕਾਰਾਂ ਵੀ ਬਣਾਈਆਂ ਜਾਂਦੀਆਂ ਹਨ। ਤਾਂ ਤੁਹਾਡੇ ਕੋਲ ਇੰਨੀਆਂ ਬਰਕਤਾਂ ਹਨ। ਮੈਂ ਅੱਗੇ ਵੀ ਗੱਲ ਕਰ ਸਕਦੀ ਹਾਂ, ਪਰ ਮੈਂ ਤੁਹਾਡੀ ਆਰਥਿਕਤਾ ਲਈ ਇਸ਼ਤਿਹਾਰ ਦੇਣ ਦੀ ਕੋਸ਼ਿਸ਼ ਨਹੀਂ ਕਰ ਰਹੀ, ਇਸ ਲਈ ਅਸੀਂ ਇੱਥੇ ਹੀ ਰੁਕਦੇ ਹਾਂ।

ਤਾਂ ਇਹ ਸਿਰਫ਼ ਇਹ ਦਰਸਾਉਂਦਾ ਹੈ… ਮੈਂ ਸਿਰਫ਼ ਇਹ ਕਹਿਣਾ ਚਾਹੁੰਦੀ ਹਾਂ ਕਿ ਜਦੋਂ ਸਾਡੇ ਕੋਲ ਪ੍ਰਮਾਤਮਾ ਵਿੱਚ ਇੰਨਾ ਵਿਸ਼ਵਾਸ ਹੁੰਦਾ ਹੈ, ਤਾਂ ਸਾਡੀ ਸਾਰੀ ਸੁੱਤੀ ਹੋਈ ਪ੍ਰਤਿਭਾ, ਸਵਰਗ ਦੀ ਸਾਰੀ ਦੌਲਤ, ਹਕੀਕਤ ਵਿੱਚ ਵੀ ਪ੍ਰਗਟ ਹੁੰਦੀ ਹੈ। ਅਤੇ ਤੁਹਾਨੂੰ ਇੱਥੇ ਵੈਟੀਕਨ ਰਾਜ ਦਾ ਆਸ਼ੀਰਵਾਦ ਵੀ ਪ੍ਰਾਪਤ ਹੈ। ਅਤੇ ਤੁਸੀਂ ਆਪਣੀ ਧਰਤੀ 'ਤੇ ਬਹੁਤ ਸਾਰੇ ਦਿਆਲੂ, ਦਿਆਲੂ ਪੋਪਾਂ ਦੀ ਮੌਜੂਦਗੀ ਨਾਲ ਬਖਸ਼ਿਸ਼ ਪ੍ਰਾਪਤ ਕਰਦੇ ਹੋ। ਅਤੇ ਤੁਹਾਨੂੰ ਹੁਣ ਸਭ ਤੋਂ ਮਸ਼ਹੂਰ ਪਾਪਾ ਦਾ ਆਸ਼ੀਰਵਾਦ ਪ੍ਰਾਪਤ ਹੋਇਆ ਹੈ - ਸਭ ਤੋਂ ਮਸ਼ਹੂਰ, ਸਭ ਤੋਂ ਪਿਆਰੇ ਪਵਿੱਤਰ ਵਿਅਕਤੀਆਂ ਵਿੱਚੋਂ ਇੱਕ। ਇਸ ਲਈ ਤੁਹਾਨੂੰ ਬਹੁਤ ਖੁਸ਼ ਹੋਣਾ ਚਾਹੀਦਾ ਹੈ। ਅਤੇ ਤੁਹਾਨੂੰ ਹਰ ਰੋਜ਼ ਪ੍ਰਮਾਤਮਾ ਦਾ ਧੰਨਵਾਦ ਕਰਨਾ ਚਾਹੀਦਾ ਹੈ। ਮੈਂ ਇੱਥੇ ਹੋਣ ਲਈ ਬਹੁਤ ਖੁਸ਼ਕਿਸਮਤ ਹਾਂ, ਭਾਵੇਂ ਇਥੋਂ ਤਕ ਕੁਝ ਦਿਨਾਂ ਲਈ ਹੀ। ਇਸ ਲਈ, ਤੁਹਾਡੇ ਵਿੱਚੋਂ ਕਈਆਂ ਲਈ, ਜੇਕਰ ਤੁਸੀਂ ਅਜੇ ਵੀ ਬਹੁਤ ਖੁਸ਼ ਨਹੀਂ ਹੋ, ਜੇਕਰ ਤੁਸੀਂ ਅਜੇ ਵੀ ਸੋਚਦੇ ਹੋ ਕਿ ਤੁਸੀਂ ਸੱਚਮੁੱਚ ਪ੍ਰਮਾਤਮਾ ਨੂੰ ਡੂੰਘਾਈ ਨਾਲ ਜਾਣਨਾ ਚਾਹੁੰਦੇ ਹੋ, ਤੁਸੀਂ ਸੱਚਮੁੱਚ ਚਾਹੁੰਦੇ ਹੋ... ਪ੍ਰਮਾਤਮਾ ਨਾਲ ਸਿੱਧੀ ਗਲ ਕਰਨੀ, ਪ੍ਰਮਾਤਮਾ ਨੂੰ ਛੂਹਣਾ, ਪ੍ਰਮਾਤਮਾ ਨੂੰ ਜੱਫੀ ਪਾਉਣੀ, ਜਾਂ ਪ੍ਰਮਾਤਮਾ ਨੂੰ ਸੁਣਨਾ, ਫਿਰ ਮੈਂ ਇੱਥੇ ਥੋੜ੍ਹੇ ਸਮੇਂ ਲਈ ਰਹਿੰਦਿਆਂ ਇਹ ਵਾਧੂ ਬੋਨਸ ਦੇ ਸਕਦੀ ਹਾਂ।

ਮਾਫ਼ ਕਰਨਾ। ਇਹ ਯੂਰਪ ਤੋਂ ਆਇਆ ਧੂੰਆਂ ਹੈ। ਹਾਂਜੀ। ਇਸ ਮਹਾਂਦੀਪ ਵਿੱਚ ਅਜੇ ਵੀ ਘੱਟ-ਕਿਸਮਤ ਵਾਲੀਆਂ ਚੀਜ਼ਾਂ ਵਿੱਚੋਂ ਇੱਕ ਵਿਆਪਕ ਹੈ। ਮੈਂ ਕੱਲ੍ਹ ਸੋਚ ਰਹੀ ਸੀ - ਮੈਂ ਆਪਣੇ ਦੋਸਤ ਨਾਲ ਗੱਲ ਕੀਤੀ - ਮੈਂ ਸੋਚ ਰਹੀ ਸੀ ਕਿ ਇਕ ਇੰਨੀ ਦੋਸਤਾਨਾ, ਸ਼ੁੱਧ ਨਸਲ ਦੇ ਲੋਕ ਇਸ ਆਦਤ ਵਿੱਚ ਕਿਵੇਂ ਫਸ ਗਏ? ਮੈਂ ਉਨ੍ਹਾਂ ਨੂੰ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਉਹ ਬਹੁਤ ਸ਼ੁੱਧ ਹਨ - ਹਰ ਕੋਈ ਉਨ੍ਹਾਂ ਨੂੰ ਕੁਝ ਵੀ ਵੇਚਦਾ ਹੈ, ਅਤੇ ਉਹ ਬਸ ਕੁਝ ਵੀ ਖਰੀਦਦੇ ਹਨ ਅਤੇ ਇਸਨੂੰ ਅਜ਼ਮਾਉਂਦੇ ਹਨ। ਪਰ ਇਹ ਉਹਨਾਂ ਚੀਜ਼ਾਂ ਵਿੱਚੋਂ ਇੱਕ ਹੈ ਜੋ ਕਈ ਵਾਰ ਸਾਡੀ ਨਜ਼ਰ ਨੂੰ ਧੁੰਦਲਾ ਕਰ ਦਿੰਦੀ ਹੈ। ਕਿਉਂਕਿ ਇਹ ਦਿਮਾਗ ਵਿੱਚ ਕੁਝ ਗੜਬੜ ਪੈਦਾ ਕਰਦਾ ਹੈ। ਕੁਝ ਹੀ ਦਿਨ, ਸਿਗਰਟਨੋਸ਼ੀ ਵਾਲੇ ਹੋਟਲ ਵਿੱਚ, ਸਿਗਰਟਨੋਸ਼ੀ ਵਾਲਾ ਹਵਾਈ ਜਹਾਜ਼, ਸਿਗਰਟਨੋਸ਼ੀ ਵਾਲਾ ਹਵਾਈ ਅੱਡਾ, ਸਿਗਰਟਨੋਸ਼ੀ ਵਾਲੀ ਟੈਕਸੀ, ਅਤੇ ਮੈਂ ਇਸ ਤਰ੍ਹਾਂ ਦੀ ਬਣ ਗਈ। ਮੇਰਾ ਖੂਨ ਵੀ ਵਗਦਾ ਹੈ - ਮੇਰੇ ਨਕ ਵਿਚੋਂ ਖੂਨ ਵਗਦਾ ਹੈ - ਅਤੇ ਮੇਰੇ ਕੰਨ ਸੁਣ ਨਹੀਂ ਸਕਦੇ; ਮੇਰਾ ਸਿਰ ਸੁੱਜਿਆ ਹੋਇਆ ਹੈ। ਕਿੰਨੀ ਤਰਸਯੋਗ ਗੱਲ ਹੈ ਉਨ੍ਹਾਂ ਲੋਕਾਂ ਲਈ ਜੋ ਹਰ ਰੋਜ਼ ਇਸ ਤਰ੍ਹਾਂ ਸਿਗਰਟ ਪੀਂਦੇ ਹਨ। ਮੈਨੂੰ ਬਹੁਤ ਅਫ਼ਸੋਸ ਹੈ। ਇਸ ਲਈ ਸਾਡੇ ਵਿੱਚੋਂ ਕੁਝ, ਭਾਵੇਂ ਅਸੀਂ ਪ੍ਰਮਾਤਮਾ ਨੂੰ ਪਿਆਰ ਕਰਦੇ ਹਾਂ, ਅਸੀਂ ਪ੍ਰਮਾਤਮਾ ਨੂੰ ਜਾਣਨਾ ਚਾਹੁੰਦੇ ਹਾਂ, ਸਾਨੂੰ ਇਹ ਨਹੀਂ ਪਤਾ ਕਿ ਪ੍ਰਮਾਤਮਾ ਨੂੰ ਸਿੱਧਾ ਕਿਵੇਂ ਲੱਭਣਾ ਹੈ। ਅਤੇ ਅਧਿਆਤਮਿਕ ਗਿਆਨ ਦੀ ਭੁੱਖ ਵਿੱਚ, ਬ੍ਰਹਮ ਪਿਆਰ ਦੀ ਭੁੱਖ ਵਿੱਚ, ਅਸੀਂ ਕੁਝ ਵੀ ਫੜ ਲੈਂਦੇ ਹਾਂ ਜੋ ਸਾਨੂੰ ਥੋੜ੍ਹੀ ਜਿਹੀ ਸੰਤੁਸ਼ਟੀ, ਥੋੜ੍ਹਾ ਜਿਹਾ ਨਸ਼ਾ, ਥੋੜ੍ਹੀ ਜਿਹੀ ਖੁਸ਼ੀ ਮਹਿਸੂਸ ਕਰਾਉਂਦਾ ਹੈ। ਕਿਉਂਕਿ ਇਹ ਉਹ ਬਦਲ ਹਨ ਜੋ ਸਾਨੂੰ ਹੱਥੀਂ ਮਿਲ ਸਕਦੇ ਹਨ।

ਪਰ ਸ਼ਰਾਬ, ਨਸ਼ੀਲੇ ਪਦਾਰਥਾਂ ਜਾਂ ਸਿਗਰਟਾਂ ਵਾਂਗ, ਇਹ ਅਸਲ ਵਿੱਚ ਜ਼ਹਿਰ ਹਨ, ਅਤੇ ਇਹ ਸਾਨੂੰ ਪ੍ਰਮਾਤਮਾ ਦੇ ਹੋਰ ਵੀ ਘਟ ਨੇੜੇ ਕਰ ਦਿੰਦੇ ਹਨ। ਅਤੇ ਇਸੇ ਲਈ ਅਧਿਆਤਮਿਕ ਅਭਿਆਸ ਵਿੱਚ, ਅਸੀਂ ਲੋਕਾਂ ਨੂੰ ਇਨ੍ਹਾਂ ਨੁਕਸਾਨਦੇਹ ਚੀਜ਼ਾਂ ਤੋਂ ਬਚਣ ਦੀ ਸਲਾਹ ਦਿੰਦੇ ਹਾਂ।

Photo Caption: “ਸੱਚਾ, ਅਸਲੀ ਗਿਆਨ, ਜਦੋਂ ਸੱਚੀ, ਅਸਲੀ ਰੌਸ਼ਨੀ ਦਾ ਸਾਹਮਣਾ ਹੁੰਦਾ ਹੈ”

ਫੋਟੋ ਡਾਊਨਲੋਡ ਕਰੋ